Luka 2:4 - Mukanda Wa Zambi 1970

⁴ Josefe yakatuka ku limbo lia Nazare mu chifuchi cha Galilea, yaaya ku Yudea, ku limbo lize analivuluka ngwo, Betleheme. Kwenako asemukinyine mwanangana David. Josefe yaya mumu te wa ku vungu lia David.

MUKANDA USANDU WA ZAMBI 1975

⁴ José nawa wakatukile ku Ngalileya, ku limbo lia Nazare, wakandukile ku Yundeya, ku limbo lia David, jina lialio, Mbeteleme, mumu iye mukwa zuwo ni mukwa jimo lia David:

Luka 2:4 Iomraidhean Croise

Ubutukilo 35:19

Muze Rashele hafwa, yaamufunda mu jila ya kuya ku limbo lia Efrata. (Musono kaakulivuluka ngwo, Betleheme.)

Ubutukilo 48:7

Ngunambe chino mumu muze natuhukile mu chifuchi cha Mesopotamia ni kuya ku chifuchi cha Kanana, noko Rashele yafwila mu Kanana, yingwivwa chinyengo kuhiana. Yafwa muze te tuchili mu jila, hehi ni limbo lia Efrata, yingumufunda kuze ku jila ya kuya ku Efrata.” (Musono kaakulivuluka ngwo, Betleheme.)

Mika 5:2

Mwene Zambi ngwenyi: “Yena Betleheme Efrata, uli mukepe kuhiana mukachi ka membo ja Yuda, alioze muli yena mungukatuhwisa umwe mukwa kuyula wa Aisraele. Kwalula cha akwa jiko lienyi chinayi ndoo ku shakulu.”

Mateu 1:20

Shimbu lize achinyongene, kuma kanganda ka mwilu yamusolokela mu chilota. Yamwamba ngwenyi: “Josefe, wa ku vungu lia David, kanda wivwa woma ha kumbata mukwenu pwo Maria, mumu chize chinaseseka muli iye chili cha Mwiku wa Linanga.

Mateu 2:23

Yaya ni kutwama mu limwe limbo jina lialio Nazare. Chenacho chamanunukine liji lize Zambi ahanjikile kuli akwa munanyi jenyi ngwenyi: “Kumakamuvuluka ngwo, Kanazare!”

Luka 2:3

Atu eswe yaaya akaasoneke, mutu mweswe ku limbo lienyi.

Luka 2:5

Yaya akamusoneke hamwe ni pwo lienyi wakwambisa, Maria, te kafumbakaji.

Luka 4:16

Yesu yahiluka ku Nazare kuze akolelele. Ha tangwa lia kuhwima yanjila mu zuwo lia kuwayila lia Ayuda nikulita ni ndako yenyi. Yakatuka atange Mukanda wa Zambi.

Yoano 1:46

Natanele yamuhula ngwenyi: “Chuma chibema muchihasa kukatuka ku Nazare, nyi?” Filipe ngwenyi: “Tweya utale.”

Yoano 7:42

Mukanda wa Zambi unambe ngwo: ‘Chilamwina yoze Zambi alekenyene makabwa wa ku vungu lia David, mu limbo lia Betleheme.’ ”

Rute 1:19

Mba eswe aali yaaya ndoo ku Betleheme. Muze haaheta, atu eswe mu limbo yaalishimwoka kuhiana. Mapwo yaahula ngwo: “Kuma yono mwe Naomi, nyi?”

Rute 2:4

Mba ha tangwa lizeliene, mwe Boaze yakatuka ku Betleheme, yahianyina ku munda wenyi. Yameneka akwa milimo jenyi ngwenyi: “Mwene Zambi abwe hamwe ni yenu.” Ayo ngwo: “Vulie mwane, Mwene Zambi anuwahise.”

Rute 4:11

Makulwana ni waze te ali ku chikolo yaatayiza ngwo: “Ewa, tuli yela. Mwene Zambi apwise yono pwo lie ngwe Rashele ni Leya, asemene anji ni Yakoba. Akupwise nawa pichi mu vungu lia Efrata, ni mukwa lufuma mu Betleheme.

Rute 4:17

Mapwo waze te atwama hakamwihi ni Naomi yaaluka mwana jina ngwo: Obede. Obede mwe tato ya Jese yoze wasemene David.

1 Samuel 16:1

Mwene Zambi yambila Samuel ngwenyi: “Matangwa angahi unazange kulishimwoka hali Saulu. Hinalituna ye kubwa mwanangana wa Aisraele. Alioze haliabwila anda maji a olive uye ku limbo lia Betleheme kuli Jese, mumu hinatongola umwe wa kuli ana jenyi a malunga kubwa mwanangana.”

1 Samuel 16:4

Samuel yalinga chize amwambile Mwene Zambi, yaya ku Betleheme. Makulwana a mu limbo yaamubatwiza nikuchikima, yaamuhula ngwo: “Nuneza kama ni uhwimino, nyi?”

1 Samuel 17:12

David te kali mwana wa Jese, Kaefrata, wa ku limbo lia Betleheme, mu chifuchi cha Yuda, Jese te habwa kulu kashinakaji ha miaka ya kuyula cha Saulu, kabwile ni ana nake a malunga.

1 Samuel 17:58

Saulu yamuhula ngwenyi: “Yena mukweze uli mwana waya?” David ngwenyi: “Vulie mwanangana! Nguli mwana wa kavumbi kenu Jese, wa ku limbo lia Betleheme.”

1 Samuel 20:6

Nyi tatenu manguhula, mulweze ngwe: ‘David kanakaliumba kuli yami azomboke ku mahio ku Betleheme, akalambule mulambu wa mwaka ha mwaka hamwe ni usoko wenyi eswe.’