Luka 16:3 - Mukanda Wa Zambi 1970

³ Mwe kaselo yalihanjikisa ngwenyi: ‘Mwata wami kumanguchiza ku milimo. Kuchi mungulinga? Ngolo ja kulima Chishi najo, sonyi ngunevu ja kuunjila.

MUKANDA USANDU WA ZAMBI 1975

³ Mba kaselo wambile mu mbunge yenyi ngwenyi, Kuchi mungulinga, mumu mwene wami kanachiza uselo kuli yami? Ngolo ja kulima chishi najo, ngunevu sonyi kuunjila.

Luka 16:3 Iomraidhean Croise

Estere 6:6

Hamane yanjila. Henaho mwanangana yamuhula ngwenyi: “Kuli umwe mutu yoze ngunazange kulemesa kuhiana. Kuchi chatamba kumulinga?” Hamane yalinyonga ngwenyi: “Yoze anambe kulemesa mwanangana kuhiana kali iya? Yami, hi mukwo ko.”

Yishima 13:4

Mukwa ngwaza kechi kumona Chuma chize anazange, chibwe kachi machizanga kuhiana. Alioze mukwa kuhondangana mabwa ni yeswe yize anazange.

Yishima 15:19

Nyi wabwa mukwa ngwaza, muubwa mukwa lamba kweswako mwoya; alioze nyi wabwa mukwa kutuwika mu mbunge, muubwa kanawa.

Yishima 18:9

Mukwa ngwaza kali ngwe mukwa kushiha.

Yishima 19:15

Mukwa ngwaza kakubomba chinji; kakufwa zala.

Yishima 20:4

Njimi, mukwa ngwaza, yoze keshi kulima minda yenyi ha mwaka Ubema, kechi kubwa ni mbuto ha mwaka wa kuhela.

Yishima 29:21

Nyi wakwaha kavumbi ke yeswe yize akuzanga, chize ku kukusemuka chenyi, tangwa mulikeza lize makatambula yuma ye yeswe.

Izaya 10:3

Yika munulinga muze Mwene Zambi makanumwesa lamba? Yika munulinga muze makanukokela lamba lia ku chifuchi kusuku? Kuli iya munukachinyina anukwase? Kulihi munukasweka ubite wenu?

Jeremia 5:31

akwa munanyi kaakuhanjika lume mahuza; mahako kaakuyula ngwe chize akwalweza kuli akwa munanyi; ni atu jami kaakuchitayiza. Alioze kuchi maakalinga ku songo?”

Hosea 9:5

Muze tangwa lia yiwanyino mulikeza ha kulemesa Mwene Zambi, mba ayo kuchi maakalinga kama?

Mateu 20:8

“Muze te tangwa hiliendala chikolo, mwenya munda yambila kafufuchi kenyi ngwenyi: ‘Tambika akwa milimo, wafwete fweto yo. Butuka kuli akwa kusula ndoo kuli atangu.’

Marku 10:46

No yaaheta ku limbo lia Yeriku. Shimbu te Yesu machituhuka mo, hamwe ni tumbaji twenyi ni mbunga yinene, Bartimeu, mwana wa Timeu, kapuputa, te kanatwama ku sesa lia jila ni kuunjila.

Luka 12:17

Yalishinginyeka mu mbunge yenyi ngwenyi, Chishi haze mungutulikila mbuto yami. Kuchi mungulinga?

Luka 16:2

Mwe mwata yamuhula ngwenyi: ‘Acho chika ngunevu hakutwala kuli yena? Ngulumbunwine uselo we, mumu kuuchi kuhasa kubwa nawa kaselo kami.’

Luka 16:20

Yikubwa nawa umwe chiswale, jina lienyi te Lazaru, mujimba wenyi weswe yiubwa wa yilonda ha yilonda. Atu te kaakumubombesa kulutwe lia chikolo cha pichi.

Luka 16:22

Mwe chiswale yafwa. Tunganda a mwilu yaamutwala, yaamusa hehi ni Abrahama mwilu. Pichi neye yafwa, yaamufunda.

Luka 16:4

Aha! Ngunanyingika chize mungulinga, hanga muze manguchiza ku milimo, atu akangutambule mu mazuwo jo.’

Luka 18:4

Mwe ngaji yalituna yisuho yinji, alioze mwabwamuze yalihanjikisa ngwenyi: ‘Chamwenemwene Chishi kuvwila Zambi woma, ni Chishi kulemesa mutu niumwe,

Yoano 9:8

Enyembo ni waze amumwene hatangu nikuunjila yaamba ngwo: “Mutu awu hi yoze ko te wakutwama nikuunjila, nyi?”

Yilinga 3:2

Hehi ni chikolo cha ku zuwo lia Zambi, chize anachivuluka ngwo, Chikolo Chibema, mutu umuwika wabwile ko, te Chilema chize ku kusemuka chenyi. Tangwa ha tangwa yaamuneha nikumusa kwe kuze, hanga ete yawana kuli waze te akunjila mu zuwo lia Zambi.

Yilinga 9:6

Alioze katuka unjile mu limbo. Kwenako maakakwambulwila chize Chakutamba kulinga.”

2 A-TESALONIKA 3:11

Tunanwambe chino mumu hitwevwa ngwo, amwe a kuli yenu kaali akwa ngwaza, keeshi kulinga nichimwe, shina kulichinga mu milonga ya atu akwo.