Luka 13:4 - Mukanda Wa Zambi 1970

⁴ Hanji waze kumi ni nake afwile muze zuwo lisuku lia kutalila lia Silome liabuzukile hali ayo, nunanyongo ngwenu, ayo abwile yivulumunyi kuhiana akwa Yerusaleme eswe akwo, nyi?

MUKANDA USANDU WA ZAMBI 1975

⁴ Hanji waze kumi ni nake, hali ayo kaposhi ka Selome wapuzukile nikwashiha, nunashinginyeka ngwe o apwile yitanguke ahiana atu eswe akutwama mu Yerusaleme, nyi?

Luka 13:4 Iomraidhean Croise

Nehemia 3:15

Shalume mwana wa Kolhoze, mukwa kuyula chifuchi cha Mizpa, yatungulula chikolo cha Shima, yasako yajilo, ni yikungo ya kukashila yajilo. Ku chitende cha Shela yatungulula Chipinji cha chipanga chize ku munda wa mwanangana ndoo ku unyinyino uze watala ku Limbo lia David.

Jobe 1:19

Chijimbi chinene chakatukanga ku puya, yichiwuzula zuwo, ana eswe haafwa, shina yami wika nachina, hineza ni kukulweza.”

Yoano 9:11

Neye ngwenyi: “Mutu yoze anavuluka ngwo Yesu, mwe walinganga ndambo, yakwita meso jami, yangwamba ngwenyi: ‘Yako usane mu shima lia Silome’. Nayanga, ni muze hinasana, yingulaule ku meso.”

Yoano 9:7

yamwamba ngwenyi: “Yako usane ku meso mu shima lia Silome.” (Kulumbunuka ngwo: “Hatumiwa.”) Kapuputa yaya, yasana ku meso, yahiluka ni kumona.

Mateu 18:24

Muze te anabutuka kwalula, yaamunehena mutu yoze te umukwete kongo lia tununu ni tununu twa mbongo.

Mateu 6:12

Tukonekene kama milonga yetu, ngwe chize yetu twakukonekena waze haanatulingi yibi.

Luka 11:4

Tukonekene kama milonga yetu, mumu yetu twakukonekena mwese yoze hanatuvulumuna. Kanda ututwala kama ku yeseko yikalu.’ ”

1 Yitanga Ya Mianangana 20:30

Waze asalile ho yaachinyina mu limbo lia Afeke, mba chipanga yichinungukina hali tujita 27,000. Mwanangana Benhadade neye nawa yachinyina mu limbo, yaswama mu chimwe chibatulo cha zuwo.

Izaya 8:6

“Atu wano haalituna meya waze anende hakehe a mu lwiji Shiloa ni kaanachikima ku meso ja mianangana Rezine ni Peka.

Luka 13:3

Ngwami, ka, alioze nyi kunwalumukine ku mbunge, yenu eswe munukafwa ngwe ayo.

Luka 13:5

Ngwami, ka, alioze, nyi kunwalumukine ku mbunge, eswe munukafwa ngwe ayo.”

Yilinga 28:4

Muze akwa tungu haamona chihili kanasukama ku kwoko lienyi yaalihanjekesa ngwo: “Chamwenemwene lunga yono mukwa kushiha atu, mumu chibwe halilamwina ku kalunga lwiji, hindu Zambi yoze Wakuhilwisa yibi ku yibi kamutayijile ko kubwa ni mwono.”