Luka 11:2 - Mukanda Wa Zambi 1970

² Yesu yamba ngwenyi: “Muze munulemba, ambenu ngwenu: ‘Tata, alemese jina lie. Wanangana we Wize.

MUKANDA USANDU WA ZAMBI 1975

² Iye wambile kuli ayo ngwenyi, Muze munulemba, ambenu ngwenu, Tata yetu, uli mwilu, akalemese jina lie, wanangana we wize, upale we ulingiwe hano hashi chizechene ngwe mwilu.

Luka 11:2 Iomraidhean Croise

1 Yitanga Ya Mianangana 8:43

yena muze mwilu watwama hibanjika kama kulemba chenyi hanga umulingile yeswe yize anakwichi. Mba akwa hashi eswe akunyingike ni kukwononokena, ngwe chize akulinga atu je Aisraele. Mba maakanyingika ngwo, zuwo lino hinatunga muli muma muze atu chaatamba kukuwayila.

1 MIANANGANA 19:19

Haliabwila Mwene Zambi, Zambi yetu, tulamwine kama kuli Aasuria, hanga mavungu eswe a hashi anyingike ngwo, Mwene Zambi shina yena wika mwe Zambi.”

2 Sango Ja Mianangana 20:6

yalemba ngwenyi: “Aa Mwene Zambi, Zambi ya tushakulu twetu, yena wakuyula mwilu ni mavungu eswe a hashi. Yena uli mukwa ndundo ni tachi, kukushi niumwe yoze mahasa kulimika ni yena.

Miaso (Masamu) 103:20

Chichimiekenu Zambi, yenu tunganda twa mwilu a tachi ni ndundo, waze nwakononokena Shimbi jenyi, ni kubanjika yize akwamba.

Miaso (Masamu) 108:5

Aa Zambi, solola unene we kwilu, ni uhenya we hashi heswe!

Miaso (Masamu) 11:4

Mwene Zambi kali mu zuwo lienyi lia chijila, kali ni chitwamo chenyi cha wanangana mwilu. Kakutala atu eswe, kananyingika yize akulinga.

Miaso (Masamu) 57:11

Aa Zambi, solola unene we kwilu, ni uhenya we hashi heswe.

Longeshi 5:2

Nyonga kanawa shimbu kanda uchihanjika, kanda Ulakenya Zambi nikawashi. Iye katwama mwilu, yena watwama hano hashi, kashika kanda uhanjika maliji anji.

Izaya 63:16

Yena uli tata yetu. Tushakulu twetu Abrahama ni Yakoba kaatunyingikine ko, alioze yena Mwene Zambi uli tata yetu. Chize ku shakulu jina lie ngwo: “Mukwa Kutukula.”

Ezekiel 36:23

Muze mungukasolola jina liami linene lia linanga hakachi ka mavungu, jina lize hinunakolesa sonyi mukachi ko, mba maakanyingika ngwo, yami nguli Mwene Zambi. Yami Mwene Zambi nachamba. Munguchilinga ni yenu hanga mavungu anyingike jina liami lia linanga.

Daniel 2:28

Alioze kwali umwe Zambi ya mwilu yoze wakusolola yijimbikilo. Halianga kununyingikisa yize muyikabwa kulutwe. Haliabwila mungunulumbunwina chilota chenu ni we Usolwelo hinwamona muze te nuli mu tulo.

Daniel 2:44

Ha matangwa ja mianangana waze, Zambi wa mwilu kumakasa wanangana ukwo uze kuuchi kabwa ni songo. Mutu niumwe kechi kakumba wanangana uze, alioze we wanangana uze muukakumba mawanangana eswe akwo, mba muukalinduluka ndoo ku miaka yeswe.

Daniel 7:18

Atu ja mwe Zambi Chitunda maakatambula tachi ja wanangana, kumaakabwa najo ndoo ku miaka yeswe ni miaka yeswe.”

Daniel 7:27

Chiyulo ni ndundo ya mawanangana eswe a hashi maakayihana kuli atu ja Zambi Chitunda. Chiyulo cha wanangana wo kuchichi kusula, akwa kuyula eswe a hashi kumaakaalingila ni kwoononokena.”

Hosea 14:2

Hilukenu kama kuli Mwene Zambi, kulemba chino chibwe kama ngwe mulambu ku meso jenyi ngwenu: “Twalemba mwane, tukonekene kama milonga yetu, mba mutukuchichimieka ngwe chize twalakenyene.

Alevi 10:3

Henaho Mose yambila Arone ngwenyi: “Chino chechize Mwene Zambi ambile ngwenyi: ‘Eswe waze akungulingila chaatamba kulemesa ulinange wami. Mungukasolola uhenya wami kuli atu jami.’ ” Alioze Arone yahola kwenyi kuluu.

Alevi 22:23

Ha kulambula mulambu wa kuzanga cha yena mwene, muuhasa kulambula chimuna cha chilema. Alioze ha mulambu wa chilakenyo Zambi kechi kuchitambula.

Habakuke 2:14

Hashi heswe muhakazala ni mana a uhenya wa Mwene Zambi, ngwe chize tulunga lwiji akuzala ni meya.

Mateu 10:32

“Yoze mangutayiza ku meso ja atu, ni yami nawa mungumutayiza ku meso ja Tata wa mwilu.

Mateu 3:2

“Alumukenu ku mbunge, mumu Wanangana wa mwilu hiwakundama.”

Mateu 5:16

Chizechene pangu lienu chatamba kupanguka ku meso ja atu, hanga akamone yitanga yibema yize nwakulinga, akalemese Tatenu yoze uli mwilu.”

Luka 11:1

Limwe tangwa Yesu te kanalembe kumwe kuma. Muze hamanununa, umwe wa kuli tumbaji twenyi yamwamba ngwenyi: “Mwene, tulongese kama kulemba, ngwe chize Yoano alongesele tumbaji twenyi.”

A-ROMA 1:7

Ngunanusonekena yenu nwatwama mu Roma, yenu eswe waze Zambi akuzanga, waze atambikile nukabwe akwa kulinanga. Zambi Tata yetu ni Mwene Yesu Kristu anulweze utu ni anwehe uhwimino.

A-ROMA 8:15

Mumu Mwiku uze nwatambwile, hi uze wakunupwisa ndungo ni kunuvwisa woma ko. Alioze kuuli Mwiku uze wakunupwisa ana ja Zambi. Ku tachi jenyi twakutambika Zambi ngwetu: “Tata! Tata yetu”!

1 Korintu 1:3

Zambi Tata yetu ni Mwene Yesu Kristu anulweze utu ni anwehe uhwimino.

2 Korintu 1:2

Zambi Tata yetu ni Mwene Yesu Kristu anulweze utu ni anwehe uhwimino.

Galashia 1:4

Kristu hanalikunjika iye mwene mu kutulamwina ku milonga yetu, hanga atupulule ku mwaka uno ubi, nikulita ni upale wa Zambi kanda Tata yetu.

Efesu 1:2

Zambi Tata yetu ni Mwene Yesu Kristu anulweze utu ni anwehe uhwimino.

Filipu 1:2

Zambi Tata yetu ni Mwene Yesu Kristu anulweze utu ni anwehe uhwimino.

Filipu 4:20

Halisenu Zambi yetu kanda Tata yetu ku miaka yeswe ni miaka yeswe. Chibwe kama Chenacho.

Kolosu 1:2

tunanusonekena, yenu akwa kufuliela waze nwatwama mu limbo lia Kolosu, akwetu amwenemwene mu kulinunga ni Kristu. Zambi Tata yetu anulweze utu, anwehe uhwimino.

1 Tesalonika 1:1

Yami Paulu, ni Sila, ni Timoteu, tunanusonekena yenu akwa Chikungulwila cha mu limbo lia Tesalonika, atu ja Zambi ni ja Mwene Yesu Kristu. Ngwetu, Zambi anulweze utu, ni anwehe uhwimino.

1 Tesalonika 1:3

Twakunwiwuluka ku meso ja Zambi Tata yetu chize nwakulinga nikulita ni ufulielo wenu, ni chize nwakuhondangana mumu ha zango lienu, ni chize nwakulihumikiza nikusa mbunge kuli Mwene wetu Yesu Kristu.

2 A-TESALONIKA 2:16

Mwene wetu Yesu Kristu iye mwene, ni Zambi Tata yetu, yoze watuzangile, yoze watutakamishine ku miaka yeswe, ni watukwashile ni kumusa mbunge, mu utu wenyi,

Usolwelo 11:15

Hohene kanganda ka mwilu wa muchishimbiali yemba chitavwi. Mba yingwivwa maliji anene ngwo: “Wanangana wa hashi hiwabwa wanangana wa Mwene wetu ni Kristu yenyi. Mwenawo makayula ku miaka yeswe ni miaka yeswe!”

Usolwelo 15:4

Mwene, iya kechi kukuvwila woma? Iya kechi kulemesa jina lie? Mumu yena wika uli Munangi. Akwa hashi eswe meeza ni kuwayila ku meso je, mumu yitanga ye ya ululi yinasoloka kuli atu eswe.”

Usolwelo 19:6

Mba yingwivwa zungo linji ngwe mbunga yinene anahanjika, ngwe mahuhwa anene, ngwe kukulunguza cha vula. Yaamba ngwo: “Halisenu Zambi! Mumu Mwene Zambi yetu, Mukwa Ndundo Jeswe kanayulu!

Usolwelo 20:4

Hohene yingumona yitwamo ya wanangana ni waze atwamine ho. Yaatambula chiyulo cha kubatwila atu. Yingumona nawa miono ya atu waze ashihile mumu ambulwile umwenemwene uze asolwele Yesu Kristu ni maliji a Zambi. Kaawayilile ngongo yoze munene chibwe kaponya kenyi ka. Kaatambwile ko mufunda wa ngongo yoze chibwe ha mahuma jo, chibwe ha moko jo. Enoo yaabwa nawa ni mwono, ni yaayula hamwe ni Kristu kanunu ka miaka.