Luka 11:1 - Mukanda Wa Zambi 1970

¹ Limwe tangwa Yesu te kanalembe kumwe kuma. Muze hamanununa, umwe wa kuli tumbaji twenyi yamwamba ngwenyi: “Mwene, tulongese kama kulemba, ngwe chize Yoano alongesele tumbaji twenyi.”

MUKANDA USANDU WA ZAMBI 1975

¹ Shimbu apwile kumwe nikulemba, muze halitwamina, umwe wa kuli tumbaji twenyi wambile kuli iye ngwenyi. Mwene, tulongese kama kulemba, chizechene ngwe Yoano walongesele tumbaji twenyi.

Luka 11:1 Iomraidhean Croise

Miaso (Masamu) 10:17

Aa Mwene Zambi, muubanjika ku kuliumba cha alelu; yena muwaatakamisa.

Miaso (Masamu) 19:14

Maliji jami ni manyonga jami, yikabeme ku meso je. Aa Mwene Zambi, chiswamo chami kanda chilamwina chami.

Luka 10:42

Alioze Chuma chimuwika unahono. Maria hatongola Chihanda chibema, chize keechi kamuchiza cho.”

Luka 11:2

Yesu yamba ngwenyi: “Muze munulemba, ambenu ngwenu: ‘Tata, alemese jina lie. Wanangana we Wize.

Luka 6:12

Ha matangwa waze Yesu yakanduka ha mulundu mu kulemba, yahwishila ko ufuku weswe ni kulemba Zambi.

Luka 7:13

Muze hamumona, Mwene yamuvwila keke, yamwamba ngwenyi: “Kanda ulila.”

Luka 7:19

yaatuma kuli Mwene Yesu ni kumuhula ngwo: “Yena uli yoze chatamba kwiza, nyi? Hanji chatutamba kutalila weka?”

Luka 9:18

Limwe tangwa muze te Yesu analembe ukawenyi, tumbaji yaabwa hamwe nenyi. Yesu yaahula ngwenyi: “Mbunga kuchi akunguvuluka ngwo, nguli iya?”

Luka 9:28

Muze ngwe semane yimuwika hiyabalika, Yesu yatwala hamwe nenyi Petulu, ni Yoano, ni Tiangu (Jake), yaakanduka ha mulundu mu kulemba.

Hebreu 5:7

Muze Yesu abwile hano hashi te kakulemba Tato yoze mahasa mwina ku kufwa, te kakulemba ni kukololoka ni masoji ku meso. Neye yamuvwila mumu ha kwononoka chenyi.

Yuda 1:20

Alioze yenu, akwetu, takamenu mu ufulielo wenu wa kulinanga, lembenu ni tachi ja Mwiku wa Linanga,