Luka 10:2 - Mukanda Wa Zambi 1970

² Yamba ngwenyi: “Mihuko yili yinji, alioze akwa milimo akepe. Kashika, liumbenu kuli mwenya minda hanga atume akwa milimo ni kuhela mihuko yenyi.

MUKANDA USANDU WA ZAMBI 1975

² Iye wambile kuli ayo ngwenyi, Kucha chamwenemwene chinene, alioze akwa milimo akehe; liumbenu kashika kuli mwenya kucha, atume akwa milimo aye mu kucha chenyi.

Luka 10:2 Iomraidhean Croise

1 Yitanga Ya Mianangana 18:22

Mba Eliya yamba ngwenyi: “Yami wika nasala mukwa munanyi wa Mwene Zambi, alioze akwa munanyi a Bale kaali 450.

Miaso (Masamu) 68:11

Mwene Zambi yahana Shimbi, mba mapwo anji yaamwanga sango ngwo:

Jeremia 3:15

Mungunwaha akwa kuyula waze akungwononokena, maakanuyula ni mana ni yinyingi.

Zakaria 11:17

Alioze lamba kuli kafunga yoze wamokomoko! Hehuka mapanga jenyi. Jita mujikazeyesa tachi jenyi liakulu. Kwoko lienyi lia chindume mulikasosewa, ni liso lienyi lia chindume mulikapuputa.”

Zakaria 11:5

Akwa kulanda kaakushiha e mapanga, hindu atu waze keeshi kwamwesa lamba. Kaakulanjisa yifwo yo nikwamba ngwo: ‘Mwene Zambi afumane! Hitwabwa pichi!’ Chibwe e tufunga two keeshi kweevwila keke.”

Kwalula 11:17

Munguhulumuka hashi ha kuhanjika ni yena, mungusa muli ayo Mwiku uzewene nakuhele yena. Mba maahasa kukukwasa ha kumbata yilemu ya atu wano, hanga kuuchi kayimbata ukawe.

Kwalula 11:29

Mose yakumbulula ngwenyi: “Unevu ukwa ha milimo yami, nyi? Ngunazange ngwami, Mwene Zambi ahane Mwiku wenyi kuli atu eswe, hanga atu eswe ahanjike munanyi!”

Mateu 20:1

“Wanangana wa mwilu uli ngwe chino. Umwe mwenya vinyu watuhukile chichamene cheswe ni kutetela milimo kuli njimi.

Marku 13:34

Kafwa ngwe mutu yoze unahichika zuwo lienyi ni kuya mu wenyi. Kanahane chiyulo kuli tuvumbi twenyi, mutu mweswe milimo yenyi. Kanambila mukwa kufunga zuwo ngwenyi: ‘Ukanyama.’

Marku 16:15

Yesu yaamba ngwenyi: “Yeenu hashi heswe, nukambujolele atu eswe Sango Jibema.

Marku 16:20

Tumbaji yaatuhuka nikwambujola kweswe. Mwene Yesu yalinga hamwe no nikukolesa longeso lio ni yilayi.]

Luka 9:1

Yesu yakungulula tumbaji kumi ni aali, yaaha chiyulo ni tachi ja kutuhwisa najo mwiku weswe wa luchisa, ni kuwuka misongo.

Yilinga 11:19

Lamba lize liakawile kushiha cha Estevau (Etienne) yilimwanga akwa k ufuliela mwamwaa. Akwo yaaya ndoo ku chifuchi cha Fenishia, ni ku tungu lia Shipre, ni ku limbo lia Antiokia. Kaambile ko maliji a Zambi kuli niumwe shina kuli Ayuda wika.

Yilinga 13:2

Limwe tangwa, shimbu te anawayila Mwene ni kulitwamina kulia, Mwiku wa Linanga yiwamba ngwenyi: “Nguselenu Barnaba ni Saulu ku milimo yize naatambikilile.”

Yilinga 13:4

Mwiku wa Linanga yiutuma Barnaba ni Saulu. No yaaya ku limbo lia Selusia. Kwe kuze azaukile mu ulungu ndoo ku tungu lia Shipre.

Yilinga 20:28

Kanyamenu yenwene, ni mbunga yeswe yize Mwiku wa Linanga anuhele kufunga. Fungenu kanawa Chikungulwila cha Zambi chize azukile ku kufwa cha Mwanenyi.

Yilinga 22:21

Mwene yangwamba ngwenyi: ‘Yako, mumu kusuku mungukakutuma kuli waze hi Ayuda ko.’ ”

Yilinga 8:4

Akwa kufuliela waze amwanganyine yaaya kweswe nikwambujola Sango Jibema.

1 Korintu 12:28

Mu Chikungulwila, mutu mweswe Zambi hanamwehe milimo yenyi: hatangu tunganda twa Yesu, wa muchaali akwa munanyi, wa muchitatu alongeshi, mba akwo waze akulinga yipupu, mba waze Zambi hanaahe tachi ja kuwuka mieji, hanji kukwasa, hanji kusongwela atu, hanji kuhanjika maliji waze kaanyingikine ko.

1 Korintu 15:10

Alioze ku utu wa Zambi nguli chize nguli, ni utu uze angulwezele hi wamokomko ko. Mumu hingunahondangana kuhiana tunganda akwo eswe, alioze yize yeswe hi tachi ja yami mwene ko, alioze utu wa Zambi uze walinga hamwe ni yami.

2 Korintu 6:1

Kashika yetu, waze twakulinga hamwe ni Zambi, tunaliumbu kuli yenu ngwetu, kanda nulelesa utu uze Zambi hananulweze.

Filipu 2:21

Eswe akwo kaakufupa lume yuma yo ene, hi yuma ya Yesu Kristu ko.

Filipu 2:25

Nanyongene ngwami, chinalite kunutumina mukwetu Epafroditu kavumbi ni mukwetu kanda kajita ni mukwetu, yoze nwangutuminyine mu kungunehena yize nahonene.

Filipu 2:30

mumu wabwile hakamwihi ni kufwa, mumu ha milimo ya Kristu. Yakunjika mwono wenyi ku utoji, ha kungukwasa chize yenwene kunwahashile kungukwasa.

Kolosu 1:29

Ha kumanununa milimo yino, nakuhondangana ni kulitachika ni tachi jize akuhana Kristu, tachi jize jakulinga muli yami.

Kolosu 4:12

Epafra, neye nawa kali wa ku mbunga yenu, kananumeneka. Kavumbi yono wa Yesu Kristu kakulitachika matangwa eswe mu kunulembela. Kanalembe hanga nujikize, hanga nubwe angunu, nukunuke ha kwononokena upale wa Zambi.

1 Tesalonika 2:9

Akwetu, nunewuluka kukilikita ni kuhondangana chetu. Yitulinga mwalwa ni ufuku hanga kutuchi kuhana yilemu kuli niumwe hakachi kenu muze twambujolele Sango Jibema.

1 Tesalonika 5:12

Akwetu, tunaliumbu kuli yenu, nuse vumbi waze akuhondangana hakachi kenu, waze Mwene Yesu ahele yilemu ya kunusongwela ni kunukanyamisa.

2 A-TESALONIKA 3:1

Hakusula akwetu, tulembelenu, hanga maliji a Mwene Yesu amwangane nikawashi, ni hanga atu aalemese ngwe chize nwaalemesene.

1 Timoteu 4:10

Kashika twakuhondangana ni kulitachika, mumu twakusa mbunge kuli Zambi ya mwono, Chilamwina cha atu eswe, alioze kuhiana chikolo cha waze akufuliela.

2 Timoteu 4:5

Alioze yena, Chakutamba kuliyula yena mwene ha yuma yeswe. Nyongonona mu lamba. Linga milimo ye ya kwambujola Sango Jibema. Umanunune milimo ye ya kavumbi ka Zambi.

Filemu 1:1

Yami Paulu, funge mu zuwo lia lamba mumu hali Kristu Yesu, ni mukwetu Timoteu, tunanusonekena yena Filemu, sepa lietu ni mukwa milimo ni mukwetu,

Hebreu 3:6

Alioze Kristu kali mukwa kushishika mumu kali Mwana Zambi yoze asele ha kuyula zuwo lieswe ha Zambi. Tuli ngwe zuwo lienyi, nyi twakufunga shindakenyo yetu ni kunyongonona kufuliela chize twakusa mbunge.

Usolwelo 2:1

“Sonekena kanganda ka mwilu wa Chikungulwila cha mu limbo lia Efesu: “Yoze wakwata matongonoshi shimbiali mu kwoko lienyi lia chindume, yoze wakwenda mukachi ka yikwachilo shimbiali ya oru, ha yize akunangika ndeya, kanambe ngwenyi: