Luka 10:1 - Mukanda Wa Zambi 1970

¹ Mwabwamuze Mwene Yesu yatongola atu akwo makumi shimbiali ni aali. Yatuma aali aali kulutwe lienyi mu membo eswe ni kuma kweswe kuze iye mwene ambile kuya.

MUKANDA USANDU WA ZAMBI 1975

¹ Achi, kulutwe ha yino yuma, Mwene watongwele makumi shimbiali akwo, waatumine aali ni aali kulutwe ha meso jenyi ku membo eswe ni kweswe himaya mwene.

Luka 10:1 Iomraidhean Croise

Ezekiel 8:11

Yikubwa miata ja Aisraele makumi shimbiali, Jazania mwana wa Shafane neye te kali hamwe no. Mutu mweswe yabwa ni chiyo cha ndeho (yimbia) cha kwochela yuma ya vumba libema; we mwishi yiufwindangana.

Kwalula 11:16

Mwene Zambi yambila Mose ngwenyi: “Kungulula malunga makumi shimbiali alemu, a kuli makulwana ja atu, waanehe kuli yami ku zuwo lia kuwayila, alweze amane hamwe ni yena.

Luka 1:17

Makatetekela ku meso ja Zambi mu tachi ni ndundo ja mukwa munanyi a Zambi, Eliya. Makawanyisa atato ni ana jo. Makalumuna yihulia akabwe ni manyonga a ululi. Makalulikila Mwene Zambi atu jenyi.”

Luka 1:76

“Ni yena, mwanami, maakakuvuluka ngwo, mukwa munanyi wa Zambi Mwilu Mwahiana. Muukatetekela kulutwe lia Mwene. Muukumululikila jila yenyi,

Luka 7:13

Muze hamumona, Mwene yamuvwila keke, yamwamba ngwenyi: “Kanda ulila.”

Luka 7:19

yaatuma kuli Mwene Yesu ni kumuhula ngwo: “Yena uli yoze chatamba kwiza, nyi? Hanji chatutamba kutalila weka?”

Luka 9:52

Yatuma tunganda twenyi kulutwe lienyi. No yaatuhuka, yaanjila mu limbo lia Asamaria ni kumululikila ha kumutambula.