Luka 1:9 - Mukanda Wa Zambi 1970

⁹ Nikulita ni ndako ya mahako, yamutongola, ha kuta chela, ha kunjila mu zuwo lia Mwene Zambi ni kwocha milambu ya vumba libema.

MUKANDA USANDU WA ZAMBI 1975

⁹ nikulita ni ndako ya usasendote, chapwilile kuli iye, ha kuta chela kunjila mu tembele ya Mwene mukwocha linsensu.

Luka 1:9 Iomraidhean Croise

1 Sango Ja Mianangana 23:13

Mwanenyi wa mukulwana, Amrame, yasema Arone ni Mose. (Arone ni vungu lienyi yaajilika kufunga yuma ya chijila ku miaka yeswe, ni kwocha yuma ya vumba libema ni kuwayila Mwene Zambi, ni kumulingila, ni kuwahisa atu mu jina lienyi.

1 Sango Ja Mianangana 6:49

Arone ni vungu lienyi eno akulambula yuma ya vumba libema ni yimuna ya kwochela ha chilumbilo. Ayo e abwile ni milimo yeswe ya uwayilo ya muma mwa chijila ni milambu yize te Mwene Zambi akukonekena nayo milonga ya Aisraele. Yino yeswe yaayilinga nikulita ni Shimbi jize aahele kuli Mose, kavumbi ka Zambi.

2 Sango Ja Mianangana 26:16

Alioze muze mwanangana Uzia hatakama kuhiana, yalengumuka chinji, kashika yalikokela mulonga. Yalimika ni Mwene Zambi, Zambi yenyi, ni kunjila mu zuwo lia Zambi ni kwochela Mwene Zambi yuma ya vumba libema ha chilumbilo.

2 Sango Ja Mianangana 29:11

Ana jami, kanda nulaluka. Yenu nuli waze Mwene Zambi hanatongola ni kumwochela yuma ya vumba hema ni kusongwela atu amuwayile.”

Kwalula 16:40

Chino yichikanyamisa Aisraele ngwo, niumwe yoze hi wa ku vungu lia Arone ko mahasa kwiza ku chilumbilo ni kwocha yuma ya vumba libema ku meso ja Mwene Zambi. Nyi ka, Zambi mamushiha ngwe chize hashiha Kora ni mbunga yenyi. Yino yeswe Eleazare yayilinga ngwe chize Mwene Zambi alwezele Mose.

Mateu 27:5

Yudase yambila mbongo mu zuwo lia Zambi, yaya yalisukika.

Hebreu 9:6

Muze haalujika yuma yize yeswe, mahako te kaakunjila tangwa ha tangwa mu chibatulo chitangu cha zuwo lia makubu ha kumanununa uvumbiko wo.

1 Samuel 2:28

Ku mavungu eswe ja Aisraele natongwele jiko lienyi hanga akabwe mahako jami, akalingile ku chilumbilo chami, akoche mbuto ya vumba libema, akazale chikuto chihi cha uhako muze maanguhula. Nawa natayijile kwaaha Chihanda cha milambu yeswe ya kwocha ya Aisraele.