Luka 1:6 - Mukanda Wa Zambi 1970

⁶ No eswe aali yaabwa akwa ululi ku meso ja Zambi, yaafunga Shimbi jeswe ni ndako jeswe ja Zambi, te keeshi kapalia.

MUKANDA USANDU WA ZAMBI 1975

⁶ O, eswe aali, apwile akwa ululi kumeso ja Zambi, kanende mu maliji eswe a shimbi ni upatwilo wa ululi wa Mwene, keshi kapalia.

Luka 1:6 Iomraidhean Croise

Ubutukilo 17:1

Muze Abrama habwa ni miaka 99, Mwene Zambi yasoloka kuli iye ni kumwamba ngwenyi: “Yami nguli Zambi Mukwa Ndundo Jeswe. Chakutamba kungwononokena ni kuliendela ni yami matangwa eswe.

Ubutukilo 6:9

Jino je sango ja Noa. Noa yasema ana atatu a malunga: Sheme, ni Hame, ni Jafete. Noa te keshi kapalia, yalivwa ni Zambi. Shina iye wabwile mukwa ululi ha miaka yenyi, atu akwo eswe abwile abi ku meso ja Zambi. Vunda ni kwonona yiimwangana mwamwaa hashi heswe.

Ubutukilo 7:1

Mwene Zambi yambila Noa ngwenyi: “Yena ni akwa zuwo lie, yenu eswe nunjile mu ulungu, mumu hinamona ngwami, hashi heswe shina yena lume mwe mukwa ululi.

1 Yitanga Ya Mianangana 15:5

Mwene Zambi yachilinga mumu David walingile yuma yize yakumuwahisa, kakolemene ko Shimbi jenyi nijimwe, shina lume mulonga wa Uria Kahite.

1 Yitanga Ya Mianangana 9:4

Nyi ngwe yena muungulingila ni kutuwika cha mbunge ni ululi ngwe chize alingile tatenu David, nawa nyi muufunga Shimbi jami ni kulinga yeswe yize nakwambile,

1 MIANANGANA 20:3

“Mwene Zambi, iwuluka kama chize hingunakulingila ni mbunge yimuwika ni kushishika; matangwa eswe hinguneseka kulinga chize wakuzanga.” Mba yabutuka kulila chikolo.

2 Sango Ja Mianangana 17:4

Yalingila Zambi ya tato, yononoka ku Shimbi ja Zambi, kalingile ko yibi ngwe chize alingile mianangana ja Aisraele.

Jobe 1:1

Yikubwa umwe lunga wa ku chifuchi cha Uze, jina lienyi Jobe. Te mutu mubema, mukwa ululi, yoze walemesene Zambi, walifungile ku yibi.

Jobe 1:8

Mwene Zambi ngwenyi: “Kuchi, hiunashishika kavumbi kami Jobe, nyi? Hashi kuheshi mukwo yoze alifwa nenyi. Kali mutu mubema, mukwa ululi, yoze wakungulemesa, kakulifunga ku yibi.”

Miaso (Masamu) 119:6

Nyi nakulemesa Shimbi je kanawa, kachi chichi kwivwa sonyi.

Luka 1:7

Alioze kaabwile ko ni mwana, mumu Isabele (Elisabete) te mumba. No eswe aali yaabwa tushinakaji.

Luka 16:15

Yesu yaamba ngwenyi: “Yenu nuli waze akulisambisa ku meso ja atu, alioze Zambi kananyingika mbunge jenu. Mumu yize akunyonga atu ngwo, yilemu, ku meso ja Zambi yili yamokomoko.

Luka 2:25

Mu Yerusaleme yimubwa umwe lunga, jina lienyi te Simone, mukwa ululi, mukwa kuwayila Zambi. Te kakushimbwila ulamwino wa Israele. Mwiku wa Linanga yiubwa muli iye.

Yilinga 2:25

Mumu David hanahanjika kulu hakutwala kuli iye ngwenyi: ‘Namwene mwe Mwene ku meso jami matangwa eswe. Kali ku chindume chami, chichi kwivwa woma nichimwe.

Yilinga 23:1

Paulu yahulikila meso ku Mbunga ya Ngaji ja Ayuda, yamba ngwenyi: “Akwetu, manyonga jami keeshi kunguhisa ku meso ja Zambi hakutwala ku mwono wami ndoo ku tangwa lino.”

Yilinga 24:16

Che chikuma chino ni yami nawa nakulifumba, hanga ngukabwe ni mbunge yibema ku meso ja Zambi ni atu.

Yilinga 8:21

Kuushi Chihanda chibwe chitundo mu milimo yino, mumu mbunge ye kuyalulamine ku meso ja Zambi.

A-ROMA 8:4

Zambi yalinga chino hanga ululi wa Shimbi umanunuke muli yetu twakwenda, hi nikulita ni ndako yibi ya uutu ko, alioze nikulita ni ndako ya Mwiku wa Linanga.

1 Korintu 11:2

Nakunuchichimieka, mumu matangwa eswe nwakungwiwuluka ni nwakwononokena longeso lize nanuhele.

2 Korintu 1:12

Ha chikuma chino twakulisamba ngwetu, manyonga jetu kaakutusongwela chize tubwa hano hashi, ni chize twakuliendela nenu. Chinalite ni umwenemwene ni ulinange ku tachi ja utu wa Zambi, alioze hi kuliendela ko ni mana ja atu.

Shimbi 5:33

Jifungenu jeswe, mba hanga nuwahe nikutwama matangwa anji mu chifuchi chize nunayi ni kuchizuka.”

Filipu 2:15

hanga nukabwe abema kunushi chitela, ana ja Zambi kunushi kapalia mukachi ka yivulumunyi ni atu abi a hano hashi. Temukenu mukachi ko ngwe matongonoshi a mwilu

Kolosu 1:22

Alioze haliabwila, ku kufwa cha Mwanenyi mu mujimba wa uutu, Zambi hananuwanyisa nenyi. Hanachilingi hanga anupwise akwa kulinanga ku meso jenyi, abema, ni kunushi kapalia.

1 Tesalonika 3:13

Atakamise mbunge jenu hanga nubwe akwa kulinanga ni angunu ku meso ja Zambi kanda Tata yetu, muze Mwene wetu Yesu makeza hamwe ni atu jenyi eswe.

2 Petulu 3:14

Kashika, akwetu shimbu nunashimbwila Tangwa lize, likolezenu hanga nubwe akwa ululi, kunushi kapalia, ku meso ja Zambi, ni hanga nubwe ni uhwimino nenyi.

1 Yoano 2:29

Nunanyingika ngwenu, Kristu kali mukwa ululi. Ha chino chanutamba kunyingika nawa ngwenu, mutu mweswe yoze wakulinga ululi kali mwana wa Zambi.

1 Yoano 2:3

Nyi twakufunga Shimbi ja Zambi, kachi mutusa chinyingi ngwetu, tunanyingika Zambi.

1 Yoano 3:7

Ana jami, niumwe kanda anwonga! Yoze wakulinga ululi, neye mwene kali mukwa ululi, ngwe Kristu kali mukwa ululi.