Luka 1:51 - Mukanda Wa Zambi 1970

⁵¹ Halinga ni kwoko lienyi lia ndundo. Hamwanga akwa kulitohesa mu manyonga jo.

MUKANDA USANDU WA ZAMBI 1975

⁵¹ Hanalweze ndundo ni kwoko lienyi; Hanamwange akwa kulengumuka mu kunyonga cha mbunge jo;

Luka 1:51 Iomraidhean Croise

Ubutukilo 11:8

Chenacho Mwene Zambi aamwangine mwamwaa hashi heswe. Mba atu yaalitwantina kutunga limbo lize.

Ubutukilo 6:5

Muze Mwene Zambi hamona ngwenyi, hashi heswe atu kaakulinga yibi kuhiana, kaakunyonga shina kulinga yibi matangwa eswe,

Ubutukilo 8:21

Muze Mwene Zambi hevwa lupembo mubema wa mulambu uze, yamba ngwenyi: “Hikwahwa, chichi kushinga nawa hashi hakutwala ku yize akulinga atu. Ngunanyingika ngwami, kuma atu chize ku wanuke wo, manyonga jo kaali lume abi. Eswe waze natangile, akwete mwono, chichi kwonona nawa ngwe chize hinalinga.

Miaso (Masamu) 118:15

Banjikenu milolo ya uwahililo wa kukumba, mu mazuwo ja atu ja Zambi: Kwamba cho ngwo: “Mwene Zambi mwe walinga chino ni ndundo jenyi!

Miaso (Masamu) 33:10

Mwene Zambi, yiyulo ya mavungu kakuyipwisa yamokomoko; kakwakanjisa, kanda alinga chize ananyongo.

Miaso (Masamu) 52:9

Zambi, mungukusakwilila matangwa eswe ha yize walingile; mungukwambujola ku meso ja atu je ngwami, yena uli mubema.

Miaso (Masamu) 63:5

Mbunge yami muyiyuka ngwe mutu yoze halia kanawa; mungukwimbila miaso ya kukuhalisa.

Miaso (Masamu) 89:10

Washihile kashitu yoze munene wa chilianyi Rahabe; yiumwanga akwa kole je ni kwoko lie lia ndundo.

Miaso (Masamu) 89:13

Yena uli mukwa ndundo! Ndundo je jinahiana!

Miaso (Masamu) 98:1

Mwimbilenu Mwene Zambi mwaso Waha; halinga yikomokeso! Hakumba akwa kole ni kwoko lienyi lia linanga lia chindume.

Kutuhuka 18:11

Haliabwila mba hinanyingika ngwami, Mwene Zambi kanahiana mazambi akwo eswe, mumu halamwina atu jenyi Aisraele, chibwe shili ya akwa Egiptu yahianyine naye.”

Izaya 40:10

Mwene Zambi kaneza ayule ni ndundo, kaneza ni atu waze alamwinyine.

Izaya 51:9

Mwene Zambi, katuka, utukwase! Tulamwine ni ndundo je; linga ngwe chize walingile ku shakulu. Yena wabatwile kashitu munene wa mu kalunga lwiji yipinji yipinji.

Izaya 52:10

Mwene Zambi ni kwoko lienyi lia linanga, kumaakalamwina atu jenyi; akwa hashi eswe kumaakachimona.

Izaya 63:12

Yolihi Mwene Zambi, yoze walingile yuma yinji ya ndundo ya kukomwesa ni kwoko lia Mose? Wahandunwine meya a kalunga lwiji, ni kusongwela atu jenyi azauke. Wafumanyishine jina lienyi ku miaka yeswe.” Mwene Zambi, yaasongwela, kashika yiliato yo yabwile ngwe ya tuvwalu, kaatalingile ko nichimwe.

Jeremia 49:15

Mwene Zambi kumanupwisa amokomoko, atu kumaanusaula.

Daniel 4:37

“Haliabwila yami, Nebukanezore, ngunachichimieka ni kufumanyisa Mwanangana wa Mwilu. Yuma yeswe yize akulinga yili yamwenemwene ni yinalite. Mahasa kuhetamisa mweswawo wakwenda ni kulengumuka.”

A-ROMA 1:21

Kaananyingika Zambi, alioze keeshi kumulemesa, keeshi kumuchichimieka ngwe chinalite ni Zambi. Alioze mu manyonga jo haanalumuka yihepuke, mbunge jo kujishi mana, jinalaa bwii.

2 Korintu 10:5

Twakwonona yuma yeswe ya kulengumuka nayo, yize yakukasa atu jila ya kunyingika Zambi. Twakukwata manyonga eswe a atu ha kwononokena Kristu.

Shimbi 4:34

Kwali umwe zambi yoze haneseka kama kuchiza atu mukachi ka chifuchi chikwo ni kwapwisa atu jenyi mwene, ngwe chize Mwene Zambi, Zambi yenu, anuchijile mu Egiptu, nyi? Yasolola ndundo jenyi ku meso jenu, yamwesa atu lamba ni misongo yikalu ni jita, yalinga yikomokeso, ni yilayi, ni yuma ya kuvwisa mwongo.

1 Petulu 5:5

Chimuwika nawa, ni yenu akweze, Zeyelenu kuli makulwana jenu. Ni yenu eswe likehesenu ha kulilingila ni akwenu. Mumu Mukanda wa Zambi unambe ngwo: “Zambi kakulimika ni akwa kulengumuka, alioze kakulweza utu kuli akwa kulikehesa.”

Usolwelo 18:8

Kashika lamba lienyi kumulikeza ha tangwa limuwika: Kufwa, ni yinyengo ni zala. Makamwocha ni kahia. Mumu Mwene Zambi, yoze unamubatwila kali ni ndundo.”