Luka 1:1 - Mukanda Wa Zambi 1970

¹ Mukwetu Teofilu: Unanyingika chize atu anji haanalihana ni kusoneka yikuma yize hiyinamanunuka hakachi ketu.

MUKANDA USANDU WA ZAMBI 1975

¹ Mumu te anji hanalisela kusoneka sango lia kutwala ku yikuma yize hiyinamanunuka pundu hakachi ketu,

Luka 1:1 Iomraidhean Croise

Marku 16:20

Tumbaji yaatuhuka nikwambujola kweswe. Mwene Yesu yalinga hamwe no nikukolesa longeso lio ni yilayi.]

Yoano 20:31

Alioze yino yasonewene hanga nufuliele ngwenu, Yesu mwe Chilamwina yoze Zambi alakenyene, mwe Mwana Zambi, ni hanga, ku ufulielo uno, munuhasa kubwa ni mwono mumu ha jina lienyi.

A-ROMA 14:5

Umwe kakunyonga ngwenyi, tangwa limuwika lili lilemu kuhiana matangwa akwo. Alioze mukwo kakunyonga ngwenyi, matangwa eswe kaali chimuwika. Chatamba mutu ni mutu kulisela chinyingi mu mbunge yenyi mwene.

A-ROMA 4:21

Yanyingika pundu ngwenyi, Zambi mahasa kumanununa chilakenyo chenyi.

Kolosu 2:2

Nakuchilinga hanga mbunge jo jikabwe ni hamu, ni hanga alinunge mu zango, ni hanga anyingike pundu chijimbikilo cha Zambi. Che chijimbikilo, Kristu.

Kolosu 4:12

Epafra, neye nawa kali wa ku mbunga yenu, kananumeneka. Kavumbi yono wa Yesu Kristu kakulitachika matangwa eswe mu kunulembela. Kanalembe hanga nujikize, hanga nubwe angunu, nukunuke ha kwononokena upale wa Zambi.

1 Tesalonika 1:5

Mumu twanwambujolele Sango Jibema, hi ni maliji wika ko, alioze ni tachi, ni chiyulo cha Mwiku wa Linanga, nikunyingika pundu ngwetu, kaali maliji amwenemwene. Nunanyingika chize twabwile hakachi kenu ha kunuwahisa.

1 Timoteu 3:16

Niumwe kahashile kulituna unene wa chijimbikilo cha ufulielo wetu! Yasoloka mu mujimba wa uutu, Mwiku wa Linanga yiumusambisa, Tunganda a mwilu yaamumona. Yaamwambujola hakachi ka waze hi Ayuda ko, Yaamufuliela hano hashi, Yaamutambula mwilu mu uhenya.

2 Timoteu 4:17

Alioze Mwene wabwile hamwe ni yami, yangutakamisa. Kashika, nambujolele Sango Jibema kuli eswe waze hi Ayuda ko, ni Mwene Zambi yangupulula ku kanwa lia tambwe.

Hebreu 10:22

Kashika tukundamenu kuli Zambi ni mbunge yamwenemwene, ni ufulielo wa tachi, ni mbunge yakubemesa, ni mujimba wakusanyisa ni meya abema.

Hebreu 6:11

Alioze tunazange ni mbunge yeswe ngwetu, mutu ni mutu hakachi kenu alikoleze ndoo ku songo, hanga nukazuke yuma yize nwakusa mbunge.