Longeshi 7:2 - Mukanda Wa Zambi 1970

² Chinabeme kuya ku chiteleka, alioze chinabeme kuhiana kuya kuze analili, mumu atu chaatamba kuliwulula ngwo, kufwa chili ku mahietu.

MUKANDA USANDU WA ZAMBI 1975

² Hapwa kuya ku zuwo lia masoji, hi zuwo lia muzumbu ko. Mumu kufwa, songo lia atu eswe, ni akwa mwono machisa ku mbunge.

Longeshi 7:2 Iomraidhean Croise

Miaso (Masamu) 90:12

Tulongese kama kwalula matangwa jetu, mba hanga tubwe ni mana.

Longeshi 2:14

Akwa mana kaakumona kuze anayi, alioze yihepuke keeshi kumona kuze anayi.” Alioze yingunyingika ngwami yetu eswe songo lietu lili limuwika.

Longeshi 2:16

Niumwe wakwiwuluka akwa mana, nawa niumwe wakwiwuluka yihepuke. Ha miaka ya kulutwe, atu meeza kutuvulama eswe. Yetu eswe mutukafwa, ni akwa mana ni yihepuke.

Longeshi 3:19

Mumu songo lia mutu lili ngwe songo lia kashitu. Cheswe akufwa kashitu, ni mutu nawa chizechene. Eswe aali kaali chitanga chimuwika. Mutu kahianyine kashitu, mumu mwono wa eswe aali uli wamokomoko.

Longeshi 3:20

Mumu eswe aali kaakuya muma mumuwika, mu fufuta. Eswe aali mu fufuta akatukile; kashika eswe aali nawa maakahiluka mo.

Longeshi 6:6

kuhiana mutu yoze keshi kwivwa chiseke mu mwono wenyi, chibwe matwama tununu aali a miaka. Eswe aali kaakuya kuma kumuwika.

Longeshi 9:2

Kulituchika kuchishiko. Songo lia akwa ululi lili ngwe lia yingulungulu, lia atu abema ngwe lia atu abi, lia akwa kuwayila Zambi ngwe lia waze keeshi kuwayila, lia waze akamulambula milambu ngwe lia waze keeshi kumulambula milambu. Kulituchika chakuhi mukachi ka mutu mubema ni Chivulumunyi, mu chize maamona mu mwono uno; mukachi ka mukwa kushingana ni yoze keeshi kushingana.

Longeshi 9:3

Songo lia atu eswe lili limuwika, chili chibi nawa ngwe yuma yikwo hano hashi. Ha miaka yeswe yize atu akubwa ni mwono, kaakubwa ni ndako ya ungulungulu ni uzaluke, mba susumuku haafwafwa.

Longeshi 9:5

Ewa, akwa mwono kaananyingika ngwo mutufwa, alioze afu kaanyingikine nichimwe. No keechi kufumbula nichimwe; atu maavulama liakulu.

Izaya 47:7

Yiunyonga ngwe, mungubwa mwanangana wa pwo matangwa eswe, yuma yino kuwayisele ko mbunge, hanji kunyonga songo liayo.

Jeremia 16:8

“Kanda unjila mu zuwo lize atu anali chiteleka. Kanda utwama hamwe no ni kulia ni kunwa.

Hagai 1:5

Nyongenu ha mwono wenu.

Malaki 2:2

Chanutamba kungulemesa ha yize nwakulinga. Nyi kunusolo kubanjika yize ngunambe, mungunushinga. Mungulunga nawa yuma yize nwakutambula ha milimo yenu ya uhako. Ni mwene, hinayishinga kulu, mumu kunwasele ko mbunge ku Shimbi jami.

Kwalula 23:10

Vungu lia Israele kaali ngwe fufuta, unji wo kaahashile kwalula. Ngufwe kama ngwe akwa ululi; songo liami likabwe ngwe lia ayo.”

Mateu 5:4

“Kaawaha akwa kunenganyana, mumu Zambi kumakaalembejeka!

Shimbi 32:29

Nyi te kaali akwa mana kachi maanyingika, mumu yika haanonga, kachi maamona kama songo lio.

Shimbi 32:46

yamba ngwenyi: “Kanyamenu ha kufunga Shimbi jino jeswe jize hinanulongesa musono. Nukajilongese ana jenu, hanga no akajifunge kanawa.

Filipu 3:19

Songo lio kwononona, mumu zambi yo jimo lio. Kaakulisuta ni yuma yo ya sonyi, kaakunyonga lume ku yuma ya hano hashi.

Hebreu 9:27

Mutu mweswe chamutamba kufwa chisuho chimuwika, mba Zambi makamubatwila.