Longeshi 3:2 - Mukanda Wa Zambi 1970

² Kakutongola tangwa lia kusemuka ni tangwa lia kufwa, tangwa lia kutumba ni tangwa lia kuhela,

MUKANDA USANDU WA ZAMBI 1975

² tangwa lia kusemuka, ni tangwa lia kufwa; tangwa lia kutumba, ni tangwa lia kufukula chize atumbile;

Longeshi 3:2 Iomraidhean Croise

Ubutukilo 17:21

Alioze mungukolesa Usendo ni mwane Isake, mwana yoze Sara makasema mwaka uze muwiza ho.”

Ubutukilo 47:29

Muze Israele hamona ngwenyi, nguli hakamwihi ni kufwa, yatambika mwanenyi Josefe, yamwamba ngwenyi: “Mwanami, sako kwoko lie mu molu jami, ulishinge ngwe, kuuchi kangufunda muno mu chifuchi cha Egiptu.

1 Yitanga Ya Mianangana 13:2

Yahanjika maliji wano ambile Mwene Zambi hakutwala ku che chilumbilo ngwenyi: “Chilumbilo, chilumbilo, banjika maliji waze anambe Mwene Zambi. Ngwenyi: ‘Umwe mwana wa lunga makasemuka ku vungu lia David; maakamuvuluka ngwo: Josia. Mwenawo makalambula hali yena mahako wano akulambula milambu ha yilumbilo ya mazambi eka. Kumaakochela yifwaha ya atu hali yena.’ ”

1 MIANANGANA 4:16

Elisha yamwamba ngwenyi: “Mwaka wa kulutwe ha kakweji yono mwene, mwana wa lunga muukakwata mu kondo.” Mwe pwo yakumbulula ngwenyi: “Ahaa! Mwata nalemba, kanda nungwonga chocho. Yenu nuli mutu wa Zambi!”

Jobe 14:14

Alioze nyi mutu mafwa, kumahinduka nawa, nyi? Ha matangwa jami eswe a kuhondangana chami mungukasa ko mbunge ndoo ku kutusuka chami.

Jobe 14:5

Hiunamusela kulu matangwa ni tukweji twenyi; hiunachibatula, niumwe mahasa kuchalumuna.

Jobe 7:1

Milimo ya mutu hano hashi hi yikalu ko, nyi? Hi ngwe mukwa milimo ko yoze unahondangana kuhiana, nyi?

Miaso (Masamu) 113:9

Kakulemesa miumba mu jiko lienyi; kakwawahisa ni kwaaha ana. Chichimiekenu Mwene Zambi!

Miaso (Masamu) 52:5

Kashika Zambi makakwonona liakulu, makakukwata, makakutuhwisa mu zuwo lie, makakuchiza hano hashi.

Yishima 24:27

Kanda utunga zuwo lie ni kululika ku mahie shina muze hiwalima minda ye. Mba muunyingika pundu ngwe, munguhasa kufumbula ni kutwama kanawa.

Izaya 28:24

Muze njimi akulima akuwe mbuto, kakulima wika, nyi? Kakuchibula ni kulima matangwa eswe, nyi?

Izaya 38:1

Ha matangwa waze mwanangana Hezekia yayiza, te himafwa. Mukwa munanyi Izaya mwana wa Amoze yaya ni kumumeneka, yamwamba ngwenyi: “Mwene Zambi kanakwambe ngwenyi, lulika yuma ye yeswe kanawa mumu kuuchi kuhinduka, kumuufwa.”

Izaya 38:5

ahiluke kuli Hezekia ni kumulweza ngwenyi: “Yami Mwene Zambi, Zambi ya kashakulu ke David, hinevwa kuliumba che, hinamona masoji je. Hinakuweza nawa miaka kumi ni yitano ya mwono we.

Izaya 54:1

Yerusaleme te hiwabwa ngwe mumba, alioze haliabwila muuhasa kwimba ni kukololoka ni chiseke. Haliabwila muubwa ni ana anji kuhiana pwo yoze kaashimbikile kuli lunga lienyi!

Jeremia 1:10

Musono ngunakwehe chiyulo hali mavungu ni ha mawanangana ha kwavumbula ni kwatukula, ni kwonona ni kwenyeka, ni kwatumba ni kwatunga.”

Jeremia 45:4

“Alioze yami, Mwene Zambi, ngunabuzula yize hingunatungu. Munguchilinga hashi heswe.

Mateu 13:41

Mwe Mwana Mutu makatuma tunganda twenyi a mwilu. Enoo maakachiza mu wanangana wenyi eswe waze akuvulumwisa akwo ni waze akulinga yibi.

Mateu 15:13

Neye yaakumbulula ngwenyi: “Chibuta cheswe chize Tata wa mwilu kachitumbile, makachitukula.

Luka 1:13

Alioze kangunga ka mwilu yamwamba ngwenyi: “Kanda wivwa woma, Zakaria! Zambi hevwa kuliumba che. Pwo lie, Isabele (Elisabete), kumakasema mwana wa lunga, ukamuluke jina ngwe, Yoano.

Luka 1:20

Alioze kuwafulielele maliji jami waze maakamanunuka ha tangwa lize alakenyene. Kashika, muubwa kanaye, kuuchi kuhasa kuhanjika ndoo ku tangwa lize yuma yino muyikamanunuka.”

Luka 1:36

Isabele (Elisabete), usoko we yoze te akuvuluka ngwo, mumba, habwa ni ufumba wa tukweji asambano. Makasema mwana wa lunga, chibwe habwa kulu kashinakaji.

Yoano 16:21

Muze pwo himasema mwana, mabwa ni chinyengo mumu ola yenyi ya lamba hiyaheta. Alioze muze mwana hasemuka, mavulama lamba lienyi, mawahilila mumu mwana hasemuka.

Yoano 7:30

No yeeseka kumukwata, alioze niumwe wamusele kwoko mumu te ola yenyi kanda yichiheta.

Yilinga 7:17

“Alioze, muze mwaka wa chilakenyo cha Zambi kuli Abrahama hiwabwa hakamwihi, atu jetu te hooka kuhiana mu Egiptu.

Yilinga 7:20

Ha matangwa waze Mose yasemuka, yabemena ku meso ja Zambi. No yaamulela tukweji atatu mu zuwo ha tato.

Galashia 4:4

Alioze muze tangwa lize atongwele hiliaheta, Zambi yatuma Mwanenyi. Yasemuka kuli umwe pwo, mu chiyulo cha Shimbi ja Ayuda,

Shimbi 34:5

Chenacho Mose, kavumbi ka Mwene Zambi, yafwila mu chifuchi cha Moabe, ngwe chize ambile Mwene Zambi.

Hebreu 9:27

Mutu mweswe chamutamba kufwa chisuho chimuwika, mba Zambi makamubatwila.

1 Samuel 2:5

Waze te akukuta haalipwisa ngamba mumu ha kulia, waze te akwivwa zala keeshi kuyivwa nawa. Mumba hasema shimbiali, alioze semi hasula.