Longeshi 2:3 - Mukanda Wa Zambi 1970

³ Yingulihana yami mwene kubwa ni mana, hingunabatula kuliwahisa ni vinyu ni kusehejela. Yingunyonga ngwami, Chenacho mutu mahasa kutwama kanawa hano hashi.

MUKANDA USANDU WA ZAMBI 1975

³ Nafupile mu mbunge yami chize munguhasa kuliwahisa ku musunya ni vinyu; mbunge yami te yinangusongwela ni mana, chize mungukwata ku uhepuke, ndo mungusa chinyingi chize chinapemena ana ja atu, hanga akachilinge kushi lia malilu matangwa eswe a mwono wo.

Longeshi 2:3 Iomraidhean Croise

Ubutukilo 47:9

Yakoba ngwenyi: “Miaka ya kwendangana chami yili kulakaji ni makumi atatu. Miaka ya tata ni akaka te yinji alioze ya yami yili yikepe ni ya lamba.”

Jobe 14:14

Alioze nyi mutu mafwa, kumahinduka nawa, nyi? Ha matangwa jami eswe a kuhondangana chami mungukasa ko mbunge ndoo ku kutusuka chami.

Miaso (Masamu) 104:15

vinyu awahilile nayo, maji a olive alejimise meso jo, mbolo alitakamise nayo.

Yishima 20:1

Kunwa chinji muchikupwisa mukwa zungo ni chihepuke, kuzengewa chili uhepuke.

Longeshi 1:17

Hingunabatula kulilongesa chize chibwa chinyingi ni uhepuke, mana ni uzaluke. Alioze yingumona ngwe fuji ngunahange.

Longeshi 10:19

Yakulia yakukwaha chiseke, ni vinyu yakukuwahisa, alioze kuwahashile kubwa nayo nyi kuushi mbongo.

Longeshi 12:13

Ku songo lia yino yeswe, kuli lume Chuma chimuwika chakwamba ngwami: Lemesa Zambi, funga Shimbi yenyi; mumu ha chikuma chino Zambi atangilile mutu.

Longeshi 2:24

Chinabeme mutu kulia ni kunwa, ni kuwahilila ni chize hafumbula. Hindu yingumona ngwami, uwahililo kuwakukatuka kuli Zambi hi ku kulia ni kunwa ko.

Longeshi 5:18

Namona ngwami, chinabeme mutu alie, ni anwe, ni awahilile ni yeswe yize ahondanganyine mu mwono wenyi uze amuhele Zambi; chino che Chihanda chenyi.

Longeshi 6:12

Iya manyingika chize chinabeme hali mutu ha matangwa jenyi akepe ni amokomoko hano hashi? Mwono uze wakubalika ngwe chizulie? Iya mahasa kunyingika yize muyikabwa hano hashi muze mafwa?

Longeshi 7:18

Chibema kubwa mukachi ka yeswe yaali. Nyi muulemesa Zambi, muuyuka.

Longeshi 7:25

Nalihanyine ni kulilongesa yinyingi; yingubatula ngubwe ni mana ni kumbululo ku yihula yami ni kulilongesa chize chibwa ungulungulu ni uhepuke.

Longeshi 8:15

Kashika hingunakunuka ngwami, mutu mahasa kuliwahisa, mumu kukushi Chuma chikwo chibema mu mwono wenyi shina kulia ni kunwa ni kuwahilila. Chenacho mahasa kuhondangana milimo ha matangwa a mwono wenyi uze Zambi amuhele hano hashi.

Mateu 6:24

“Mutu niumwe mahasa kulingila miata aali. Mumu mavutwokela umuwika ni mazanga mukwo, hanji malihana kuli umuwika ni malelesa mukwo. Kunwahashile kulingila eswe aali Zambi ni mbongo hamuwika.”

Efesu 5:18

Kanda nuzengewa ni vinyu. Nyi ka, munuhungumuka ni yibi. Alioze zalenu ni Mwiku wa Linanga.

Akwa Kuyula 9:13

Alioze mutondo vinyu yiwamba ngwenyi: ‘Kuma, nguhichike vinyu yami yize yakuwahisa mazambi ni atu, ngwize ni kuyula mitondo, nyi?’

1 Samuel 25:36

Abigaile yahiluka ku zuwo lienyi kuli Nabale, kumuwana halinga chiteleka chinene ngwe cha mwanangana. Te hazenga, kanawahilila. Kashika kamulwezele liji nilimwe ndoo chichamene.