Longeshi 1:3 - Mukanda Wa Zambi 1970

³ Mu mwono we muulinga milimo, muuhondangana kuhiana, alioze yuma yika wakwanda ho?

MUKANDA USANDU WA ZAMBI 1975

³ Mutu yika akufumbula ku milimo yeswe yize akuhondangana nayo mushi lia tangwa?

Longeshi 1:3 Iomraidhean Croise

Longeshi 2:11

Mba yingunyonga hakutwala ku yeswe nalingile ni lamba lize namwene ha kuyihondangana, hindu yingumona ngwami, kuyalumbunwine Chuma nichimwe. Nabwile ngwe ngunahange fuji, yuma yamokomoko lume.

Longeshi 2:18

Ku yeswe yize nahondanganyine chafumbwile ko nichimwe, mumu ngunanyingika ngwami, mungukayihichika kuli yoze makangusalakana.

Longeshi 2:19

Neye mahasa kubwa mukwa mana, hanji chihepuke, iya Unanyingika? Hindu yuma yeswe yize nalingile muyikabwa niyenyi, yuma yeswe yize nalingile ni mana jami hano hashi. Yeswe yili yamokomoko.

Longeshi 2:22

Muuhondangana ni kulibikala, alioze mba chika muwanda ho?

Longeshi 3:9

Mba chika muufumbula ku milimo ye yeswe?

Longeshi 4:3

Alioze kaawaha kuhiana waze kanda achisemuka kwo, mumu kanda achimona kwo uhenge wa hano hashi.

Longeshi 4:7

Yingumona nawa Chuma chikwo chize chili chamokomoko.

Longeshi 5:16

Hi chibema ko! Twakuya ngwe chize twejile. Twakuhondangana, alioze chika kevwe mutuyuka ha kuhanga fuji?

Longeshi 5:18

Namona ngwami, chinabeme mutu alie, ni anwe, ni awahilile ni yeswe yize ahondanganyine mu mwono wenyi uze amuhele Zambi; chino che Chihanda chenyi.

Longeshi 6:12

Iya manyingika chize chinabeme hali mutu ha matangwa jenyi akepe ni amokomoko hano hashi? Mwono uze wakubalika ngwe chizulie? Iya mahasa kunyingika yize muyikabwa hano hashi muze mafwa?

Longeshi 7:11

Chinabeme atu eswe kubwa ni mana; chili ngwe kutambula chihinga;

Longeshi 9:13

Hinamona chilweza chibema chize chinalumbununa manyonga ja atu hakutwala ku mana.

Longeshi 9:3

Songo lia atu eswe lili limuwika, chili chibi nawa ngwe yuma yikwo hano hashi. Ha miaka yeswe yize atu akubwa ni mwono, kaakubwa ni ndako ya ungulungulu ni uzaluke, mba susumuku haafwafwa.

Longeshi 9:6

Zango lio ni kole yo, ni usolo wo, yeswe hiyafwa hamwe no. Keechi kubwa nawa ni chiyulo nichimwe cha mwono wa hano hashi.

Izaya 55:2

Mumu yika nwakumwanga mbongo ha yuma yize hi yakulia ko? Kuchi mba nwakuhana ubite ha yakulia yize kuyishi kunukuchisa? Ngubanjikenu, nulinge yize ngunambe, mba hanga nukawahilile ni yakulia yibema yahiana.

Habakuke 2:13

Mavungu waze nwakumbile, milimo yamokomoko ahondanganyine. Yuma yeswe yize atungile, yinaweme upu. Mwene Zambi Mukwa Ndundo Jeswe mwe hachilinga.

Habakuke 2:18

Mwe hamba kukwasa chenyi chika? Chili lume Chuma chize atangile mutu. Kahashile kunulweza umwenemwene, shina mahuza wika. Mba mumu yika kushachila hali zambi wakulinga ni moko, yoze keshi kuhanjika?

Mateu 16:26

Mutu chika mafumbula nyi mabita hashi heswe, alioze makatokesa mwono wenyi? Mutu chika mahasa kuhana ha kuyuka nawa mwono wenyi?

Yoano 6:27

Kanda nulingila mbolo yize yakubola, alioze lingilenu mbolo yize yakunyongonona, yize yakupwisa atu ni mwono wa miaka yeswe. Mbolo yino Mwana Mutu makanwaha yo, mumu Tata Zambi hanamuse chinyingi chakulweza ngwenyi, iye mwene hanamutongola.”

1 Korintu 16:16

ngwami, esekenu kuzeyela kuli atu ngwe waze ni mweswe wakulinga hamwe no.