Longeshi 1:2 - Mukanda Wa Zambi 1970

² Longeshi ngwenyi: Mwono uli wamokomoko, wamokomoko. Uli wamokomoko, yeswe yili yamokomoko.

MUKANDA USANDU WA ZAMBI 1975

² Chamokomoko pundu pundu! Chilumbununyi ngwenyi, Chamokomoko pundu pundu, yeswe yapwa yamokomoko!

Longeshi 1:2 Iomraidhean Croise

Jobe 11:12

Chihepuke makabwa mukwa mana, muze chimbulu wa mu yambu makasema mwana mutu.

Miaso (Masamu) 144:4

Kali kwenyi lume ngwe fuji; mwono wenyi uli lume ngwe chizulie chize chinabalika.

Miaso (Masamu) 89:47

Iwuluka kama kuhiha cha mwono wami; Iwuluka ngwe, atu eswe kaali lume akwa hashi!

Longeshi 11:10

Echa kulibikala, liwuke yikola ku mujimba we. Ukweze we ni kambu je jilaa muyikatoka nikawashi.

Longeshi 11:8

Wahilila ha miaka yeswe yize uli ni mwono. Kuheshi Chuma chibwe muubwa ni mwono miaka yinji, iwuluka ngwe, muze hiwafwa ufuku wa kulutwe muubwa wa miaka yinji kuhiana. Yeswe yize yili kulutwe yili yamokomoko.

Longeshi 12:8

Mwe Longeshi ngwenyi, yamokomoko, yamokomoko, yeswe yili yamokomoko.

Longeshi 2:11

Mba yingunyonga hakutwala ku yeswe nalingile ni lamba lize namwene ha kuyihondangana, hindu yingumona ngwami, kuyalumbunwine Chuma nichimwe. Nabwile ngwe ngunahange fuji, yuma yamokomoko lume.

Longeshi 2:15

Yingulihanjikisa ngwami: “Ni yami mungumona lamba ngwe yihepuke, mba chika mungufumbula nyi nabwa mukwa mana?” Yingulikumbulula ngwami: “Nichimwe!”

Longeshi 2:17

Kashika kuli yami mwono kuushi nichimwe, mumu yuma yeswe kuli yami yili lamba. Yeswe yili yamokomoko; yili ngwe kuhanga fuji.

Longeshi 2:19

Neye mahasa kubwa mukwa mana, hanji chihepuke, iya Unanyingika? Hindu yuma yeswe yize nalingile muyikabwa niyenyi, yuma yeswe yize nalingile ni mana jami hano hashi. Yeswe yili yamokomoko.

Longeshi 2:21

Muulinga yuma yino yeswe ni mana, ni malinjekela, ni utotombo, mba yeswe muuyihichika kuli umwe yoze kayilingile. Chili chamokomoko, hi chibema ko!

Longeshi 2:23

Ha matangwa eswe a mwono we, ku yuma yeswe yize muulinga, kuuchi kwanda ho nichimwe alioze yili yinyengo ni kusasaminya cha mu mbunge. Chibwe ha ufuku manyonga je keechi kuhasa kama kuhwima. Yeswe yili yamokomoko.

Longeshi 2:26

Zambi kakuhana mana, ni yinyingi, ni uwahililo kuli waze akulinga upale wenyi, alioze kakuhana milimo kuli yivulumunyi afumbule ni afunge yuma yo ayihane kuli waze akulinga upale wa Zambi. Yeswe yili yamokomoko; yili ngwe kuhanga fuji.

Longeshi 2:8

Nabichile nawa prata ni oru yinji ya ku mishete ya yifuchi yeswe yize te nakuyula. Malunga ni mapwo te kaakwimba ni kunguwahisa, nabwile ni mapwo eswe waze lunga mazanga.

Longeshi 3:19

Mumu songo lia mutu lili ngwe songo lia kashitu. Cheswe akufwa kashitu, ni mutu nawa chizechene. Eswe aali kaali chitanga chimuwika. Mutu kahianyine kashitu, mumu mwono wa eswe aali uli wamokomoko.

Longeshi 4:16

Mwanangana mahasa kuyula atu anji. Alioze muze hafwa, niumwe keechi kumuchichimieka ha chize hanalingi. Chili chamokomoko, chili ngwe kuhanga fuji.

Longeshi 4:4

Hinasa nawa chinyingi mumu yika atu akuhondangana ni kuyuka yuma yo. Mumu ha ukwa uze akuvwila enyembo jo. Alioze yili yamokomoko, ngwe kuhanga fuji.

Longeshi 4:8

Kuli umwe mutu yoze watwama ukawenyi. Keshi mwana, keshi mwanakwo, alioze kakuhondangana, hindu keshi kuwahilila ni ubite uze ali nawo. Mba iya akuhondanganyina chichize ni kulituna kuwahilila chenyi mwene? Chili nawa chamokomoko, uli kwawo mwono wa lamba.

Longeshi 5:10

Nyi wakuzanga ubite, kuuchi kuyuka nawo nichimwe; nyi wakuzanga kubwa pichi, hindu kuuchi kuyuka nawo. Yili yamokomoko.

Longeshi 6:11

Kuhamika chinji chili chamokomoko kuchishi kukwasa nichimwe.

A-ROMA 8:20

Yuma yeswe yize Zambi atangile hanayipwisa yamokomoko, hi ku Zanga chayo yene ko, alioze ku kuzanga cha Zambi. Hindu kushimbula kuchili ngwo,