Kwalula 1:3 - Mukanda Wa Zambi 1970

³ chize kuli waze haabwa ni miaka makumi aali ndoo kuli makulwana waze anatela kuya ku jita.

MUKANDA USANDU WA ZAMBI 1975

³ chize kuli akwa makumi aali a miaka ndo kuli makulwana, te eswe hakachi ka A-Izalele mahasa kuya ku jita. Ni yena ni Arone nukaalule nikulita ni yizavu yo.

Kwalula 1:3 Iomraidhean Croise

Kutuhuka 30:14

Mutu mweswe yoze habwa ni miaka makumi aali ni helu chamutamba kungulambula yami Mwene Zambi mulambu uno.

Kwalula 14:29

Munukafwa, ni mijimba yenu muyikasala muno mu puya. Mumu hinwanguketeka, niumwe wa kuli yenu yoze habwa ni miaka makumi aali ni helu makanjila mu chifuchi chize.

2 Samuel 24:9

Yaatwala sango kuli mwanangana ja kwoka cha malunga waze te maahasa kwasa jita: mu Israele 800,000, mu Yuda 500,000.

Shimbi 24:5

“Nyi umwe lunga hambata pwo, kanda aya ku jita, chibwe ku milimo yeswawo ya mbunga. Chamutamba kwita lisesa wa mwaka umuwika, ha kutwama ku mahienyi ni kuwahilila ni pwo lienyi.

Shimbi 3:18

“Ha matangwa waze, yingwaaha Shimbi ngwami: ‘Mwene Zambi, Zambi yetu, haananwehe chifuchi chino cha ku chivumbuko cha Yordau nuchizuke. Haliabwila tujita twenu a tachi alipakate, nwatume hanga azauke Yordau kulutwe lia mavungu akwo ja Israele, akwase ha kuzuka che chifuchi.

Kwalula 33:1

Jino je sango ja homa haze Aisraele ajikile misumba muze atuhukile mu chifuchi cha Egiptu ndoo ni muze ahetele mu chifuchi cha Moabe. Tetekeli jo te Mose ni Arone.

Kwalula 32:11

‘Ngunalishingi ngwami, niumwe wa kuli malunga a miaka makumi aali ndoo kuli makulwana waze akatukile mu chifuchi cha Egiptu makahinga chifuchi chize nalakenyene Abrahama, ni Isake, ni Yakoba, mumu kangukawile ko ni mbunge yeswe.’

Kwalula 26:2

“Alulenu majiko eswe a Chikungulwila cheswe cha Aisraele, chize kuli malunga a miaka makumi aali ndoo kuli makulwana waze anatela kuya ku jita.”

Kutuhuka 12:17

Nukafunga chiwanyino cha Mbolo Yize Kuyishi Yitumbo, mumu ha tangwa lize nachijile mavungu jenu mu chifuchi cha Egiptu. Yenu ni ajikulu jenu, nukafunga chiwanyino chino ndoo ku miaka yeswe.

Kutuhuka 38:26

Kwoka cheswe cha prata yino yichilita ni kuhana cha mutu ni mutu nikulita ni Shimbi yize aahele, kulema chayo nikulita ni ngeseko ya matangwa waze. Malunga eswe yaabwa 603,550, waze te haabwa ni miaka makumi aali ni helu.

1 Sango Ja Mianangana 5:18

Mu mavungu ja Rubene, ni Gade, ni Chipinji cha Manase a ku chivumbuko cha Yordau kwoka cha tujita two te 44,760, te kaakwasa jita kanawa ni kebwe, ni mikwale, ni mata a kwasa.

2 Sango Ja Mianangana 25:5

Mwanangana Amazia yatambika malunga eswe a ku mavungu ja Yuda ni Benjamine, yaasa mu mbunga ja tujita nikulita ni majimo jo, yasa miata a mbunga ja kanunu kanunu ni ja kulakaji kulakaji. Yaalula malunga waze haabwa ni miaka makumi aali ni helu. Eswe kwoka cho 300,000. Eswe te haalilongesa kwasa jita, yaabwa ni mana kulimika ni makunga ni kebwe.

Kwalula 3:15

ha kwalula majimo ni majiko ja Alevi ni kusoneka lunga mweswe wa kakweji umuwika ndoo kuli mukulwana.

Kwalula 4:3

ni kusoneka malunga eswe waze haabwa ni miaka makumi atatu ndoo ku miaka makumi atano, waze atela kulinga milimo mu zuwo lia Zambi.