Joele 3:9 - Mukanda Wa Zambi 1970

⁹ “Ambululenu sango jino hakachi ka mavungu: ‘Lulikenu ha kuya ku jita; tambikenu tujita twenu a tachi; kungululenu tujita twenu eswe hanga nuye!

MUKANDA USANDU WA ZAMBI 1975

⁹ Ambululenu chino hakachi ka mavungu ngwenu, Lulikenu jita! Sungenu malunga a ndundo! Malunga eswe a jita eze, akanduke ku kuno.

Joele 3:9 Iomraidhean Croise

Miaso (Masamu) 96:10

Ambulwilenu mavungu eswe ngwenu: “Mwene Zambi mwe mwanangana! Hanakolesa hashi, kuhahashile kunyika; makabatwila atu eswe ni ululi.”

Izaya 34:1

Tweyenu yenu akwa mavungu eswe! Kungulukenu, nubanjike. Hashi heswe ni eswe waze nwatwama mo, tweyenu nubanjike.

Jeremia 31:10

Mwene Zambi kanambe ngwenyi: “Yenu mavungu, banjikenu, ambujolenu maliji jami ku yifuchi ya kusuku. Hingunamwange atu jami, alioze mungukaakungulula, ni kwafunga ngwe chize kafunga akufunga mapanga jenyi.

Jeremia 50:2

“Alweze akwa vungu sango jaha! Jambujole! Lweza chinyingi, wambujole sango! Kanda ujisweka! Babilone halimbuka! Marduke zambi yenyi kanatatajala! Mahamba ja Babilone heevwa sonyi, tuponya twenyi haawonda!

Jeremia 51:11

Mwene Zambi havundula mianangana ja chifuchi cha Media, mumu kanambe kwenyeka Babilonia. Chenacho makala zuwo lienyi lia kuwayila lize abuzwile Ababilonia. Miata ja tujita kaanambe ngwo: “Kalulenu mivwi yenu! Andenu kebwe jenu nikawashi!

Jeremia 51:27

“Mikenu bendelo ha kulweza ngwo, butukenu jita! Humunenu chitavwi hanga mavungu ahase kwivwa! Lulikenu mavungu ase jita ni Babilonia! Lwezenu yifuchi ya Ararate, ni Mini, ni Askenaze ase jita. Tongolenu umwe mwata wa tujita. Nehenu tuvwalu ngwe yizavu ya makumbi.

Jeremia 6:4

Kumaakamba ngwo: “Lulikenu twase jita ni Yerusaleme! Lulikenu, mutwasa no jita tangwa ha muchima!” Alioze hindu kumaakamba nawa ngwo: “Eehee, tunalaluka, hikwabwa kulu chingoloshi, tangwa hiliaya kulu, ni yizulie hiyasuhwasuhwa kulu.

Ezekiel 38:17

Yena uli yoze nambile ku shakulu, muze nakolesele tuvumbi twami akwa munanyi a Israele ambulule ngwo, tangwa mulikaheta lize mungukashinjika umwe mutu akalimike ni Aisraele.” Mwene Zambi wachamba.

Ezekiel 38:7

Lweza Goge alilulike hamwe ni tujita twenyi eswe.

Mika 3:5

Akwa munanyi kaakwonga atu jami. Kaakulakenya uhwimino kuli waze akwafweta, alioze kaakululika jita ni waze keeshi kwafweta. Mwene Zambi kanambila akwa munanyi waze ngwenyi:

Hagai 2:7

Mungukumba mavungu eswe, ni ubite wo maauneha kuno, mba zuwo liami mulizala ni ubite.

Zakaria 14:2

Mwene Zambi makakungulula mavungu eswe hanga akase jita ni Yerusaleme. No maakatambula lie limbo, ni kububa yuma ya mu mazuwo, ni kukwata mapwo ni tachi. Mbunga yimuwika ya atu maakaatwala mu undungo, alioze mbunga yikwo maakasala mu limbo.

Zakaria 14:3

Hohene Mwene Zambi makatuhuka ni kwasa jita ni mavungu waze ngwe chize te akulinga ku shakulu.