Joele 3:7 - Mukanda Wa Zambi 1970

⁷ Mungukaachiza kuze nwaalanjishile. Mungukanulinga ngwe chize nwalingile ayo.

MUKANDA USANDU WA ZAMBI 1975

⁷ kashika mungwakatwisa kuze nwaalanjishile ngukahilwise chitanga chenu ha mitwe yenu.

Joele 3:7 Iomraidhean Croise

Estere 7:10

Chenacho asukikile Hamane ha mutondo uze alulikile mwene hanga asukike ho Mordekai. Mba ufwatulo wa mwanangana yiuhwa.

Izaya 11:12

Mwene Zambi kumakamika bendelo hakachi ka mavungu akaalweze ngwenyi, kakukungulula ni kuhilwisa nawa Aisraele ni Ayuda waze haanamwangashana ku mbango jiwana ja hashi.

Izaya 49:12

Atu jami kumaakakatuka kusuku, ku norde, ni ku chitokelo, ni ku limbo lia Aswane ku sude.”

Izaya 66:6

Banjikenu! Chizungozungo mu limbo ni zungo mu zuwo lia Zambi, lili zungo lize Mwene Zambi anamwesa akwa kole jenyi lamba!

Jeremia 23:8

Alioze maalishinga ni yami Zambi ya mwono yoze watuhwishile Aisraele mu chifuchi cha ku norde ni ku yifuchi yeswe kuze naamwanganyine. Mba maatwama mu chifuchi cho ene.”

Jeremia 30:10

“Yenu atu jami, kanda nwivwa woma; yenu Aisraele, kanda nwivwa mwongo. Mungukanulamwina ku chifuchi chisuku, kuze nuli funge. Munukahiluka ku mahienu ni kubwa mu uhwimino; munukabwa ni sambukila, niumwe kechi kanuvwisa nawa woma.

Jeremia 30:16

Alioze eswe waze ananumwesa lamba, no kumaakamwesa lamba, akwa kole jenu eswe kumaatwama mu ufunge. Eswe waze akunubinjisa no kumaakaabinjisa, eswe waze maabuba ubite wenu no kumaakaabuba ubite wo.

Jeremia 31:8

Mungukaachiza ku chifuchi cha ku norde, ni kwakungulwila ku masongo a hashi. Hakachi ko, tupuputa, ni yilema, ni tufumbakaji, ni waze ali ni misongo ya kusema, maahiluka mu mbunga yinene.

Jeremia 32:37

mungukakungulula atu chize kuze naamwanginyine ni ufwatulo ni utenu. Mungukaahilwisa mu chifuchi chino hanga abwe mu uhwimino.

Ezekiel 36:24

Mungukanuchiza hakachi ka mavungu eswe ni mu yifuchi yeswe ni kunuhilwisa mu chifuchi chenu.

Ezekiel 38:8

Kulutwe lia yimwe miaka mungukamwaha Shimbi akalimike ni akwa chifuchi chimwe waze akatukile ku mavungu anji eka ni eka, te keeshi woma wa jita. Maakanjila ni tachi mu chifuchi cha milundu ya Israele, chize chabwile puya ni chahululu matangwa anji, alioze haliabwila atu kwenako anatwama mu uhwimino.

Joele 3:4

“Yenu akwa membo ja Tiru ni Sidone, ni yenu akwa yifuchi ya Afilistia, yika nunambe kungulinga?

Zakaria 9:13

Mungunana Yuda ngwe uta wa kajita ni Israele ngwe mivwi, akwa Zione ngwe mikwale, akase jita ni malunga ja Gresia.”

Mateu 7:2

Mumu Zambi makanuhisa nikulita ni chize nwakuhasa akwenu. Makanwesekela yeseko yize nunesekela akwenu.

2 A-TESALONIKA 1:6

Zambi makalinga chize chinalite. Makamwesa lamba waze akunulinga yibi.

Tiangu (Jake) 2:13

Mumu, muze Zambi makabatwila atu, mutu yoze kevwilile ko akwo keke, ni Zambi kechi kamuvwila keke. Alioze yoze te wakuvwila atu keke, Zambi neye makamuvwila keke muze makamubatwila.

Usolwelo 13:10

Mweswawo chatamba kusa mu zuwo lia lamba, maakamutwala lume mu zuwo lia lamba. Mweswawo chatamba kushiha ni mwela, maakamushiha lume ni mwela. Kashika, atu ja Zambi chaatamba kunyongonona mu ufulielo wo.”

Usolwelo 16:6

Haanamwange manyinga ja atu ja Zambi ni akwa munanyi jenyi. Kashika haliabwila hiwaanwisa manyinga. Haatambula chize chinalite!”

Usolwelo 19:2

Ubatwilo wenyi uli wamwenemwene ni wa ululi! Mumu hanabatwila chitanji munene yoze wabihishile atu ni utanji wenyi. Zambi hanamubatwila, mumu washihile tuvumbi tweni.”

Akwa Kuyula 1:7

Adonibezeke yamba ngwenyi: “Mianangana makumi shimbiali nabatwile minwe yo ya shina ya ku moko ni ku molu, yaatongwona yifwenyufwenyu mushi lia mesa yami. Haliabwila ni yami nawa Zambi hangulinga cho.” Mba Ayuda ni Asimeone yaamutwala ku Yerusaleme. Kwenako afwilile.

1 Samuel 15:33

Hohene Samuel yambila Agage ngwenyi: “Ngwe chize mukwale we hiwashiha ana ja amama anji, Chenacho nawa noko makufulwana.” Mba Samuel yabatwola Agage ku meso ja Mwene Zambi ku Gilgale.