Joele 3:5 - Mukanda Wa Zambi 1970

⁵ Hinuneyi prata yami ni oru, hinunatwala ubite wami mu mazuwo ja mazambi jenu.

MUKANDA USANDU WA ZAMBI 1975

⁵ Se hinweya prata yami ni oru yami, hinwatwala ku tembele jenu yuma yami yilemu yipema,

Joele 3:5 Iomraidhean Croise

1 MIANANGANA 12:18

Kashika mwanangana Joashe wa Yuda yanda milambu yeswe yize mianangana waze aliangile, Yehosafate, ni Jehorame, ni Ahazia, alambwile kuli Mwene Zambi. Joashe yawezaho nawa milambu ya iye mwene ni oru yeswe ya mu mushete ya zuwo lia Zambi ni ya mu zuwo lia mwanangana. Yayituma yeswe chawana kuli mwanangana Hazaele. Mba Hazaele yakatuka ni tujita twenyi ku Yerusaleme, yaaya kwo.

1 MIANANGANA 16:8

Ahaze yanda prata ni oru ya mu zuwo lia Zambi ni ya mu zuwo lia mwanangana, yaayituma milambu kuli mwanangana wa Asuria.

1 MIANANGANA 24:13

Yatwala ku Babilone yuma yeswe ya ndando yinji ya mu zuwo lia Zambi ni ya mu zuwo lia mwanangana. Ngwe chize Mwene Zambi aliangile kuchamba, Nebukanezore yabatwola yikashi yeswe ya oru yize afulile mwanangana Solomone akalinge nayo mu zuwo lia Zambi.

Izaya 11:11

Muze lie tangwa mulikaheta, Mwene Zambi makalinga ni mana ni ndundo jenyi akahilwise atu jenyi waze asalile mu chifuchi cha Asuria, ni Egiptu, ni Patrose, ni Sudane, ni Elame, ni Babilonia, ni mu limbo lia Hamate, ni mu yifuchi ya ku mbumbulu ya tulunga lwiji ni ha mahongo.

Jeremia 23:7

Mwene Zambi kanambe ngwenyi: “Tangwa kulineza, lize Aisraele keechi kulishinga nawa ni yami Zambi ya mwono yoze waatuhwishile mu chifuchi cha Egiptu.

Jeremia 50:28

(Akwa kuchina anakatuka ku Babilonia, kaaneza ku Zione, kaanambulula chize Mwene Zambi, Zambi yetu hakala yibi yize Ababilonia haanalingi ku zuwo lia Zambi.)

Jeremia 51:11

Mwene Zambi havundula mianangana ja chifuchi cha Media, mumu kanambe kwenyeka Babilonia. Chenacho makala zuwo lienyi lia kuwayila lize abuzwile Ababilonia. Miata ja tujita kaanambe ngwo: “Kalulenu mivwi yenu! Andenu kebwe jenu nikawashi!

Ezekiel 37:12

Kashika hanjika munanyi kuli atu jami Aisraele. Alweze ngwe, yami Mwene Zambi mungukabakula mafuka jo. Mungukaatuhwisa mo ni kwaneha mu chifuchi cha Israele.

Daniel 11:38

Alioze kumakalemesa zambi yoze wakufunga membo akukoleka. Kumakalambula oru, ni prata, ni mawe a ndando yinji, ni yuma yikwo yilemu kuli umwe zambi yoze tushakulu twenyi kaanyingikine ko nilimwe tangwa.

Obadia 1:17

“Ha mulundu wa Zione amwe kumaachina, muhabwa homa ha chijila. Alioze vungu lia Yakoba kumaazuka chifuchi cho cha chilakenyo.