Joele 3:4 - Mukanda Wa Zambi 1970

⁴ “Yenu akwa membo ja Tiru ni Sidone, ni yenu akwa yifuchi ya Afilistia, yika nunambe kungulinga?

MUKANDA USANDU WA ZAMBI 1975

⁴ Enu, Teru ni Sendone ni yifuchi yeswe ya Filistea, kuchi nwapwa kuli yami? Nunangukundulula chimwe chuma, nyi? Nyi munungukundulula chimwe chuma, ni yami fuji-fuji munguchihilwisa ha mitwe yenu.

Joele 3:4 Iomraidhean Croise

2 Sango Ja Mianangana 21:16

Amwe Afilistia ni Aarabe yatwama hehi ni Asudane ku mbumbulu ya kulunga lwiji. Mwene Zambi yaashinjika akase jita ni Jehorame.

Izaya 14:29

Yenu Afilistia mbulo yize anulambile nayo hiwamakuka, alioze kanda nuwahilila, mumu muze lunoka umuwika mafwa, mukwo mubi Wahiana mamusalakana. Mu lionda lio Jimuwika mumutuhuka kashitu dragone yoze mahasa kuhumuka.

Izaya 34:8

Lino lili tangwa lize Mwene Zambi makalamwina Zione ni kumukala kuli akwa kole jenyi.

Izaya 59:18

Makamwesa lamba akwa kole jenyi nikulita ni yize alingile, chibwe waze atwama mu yifuchi kusuku.

Jeremia 47:1

Shimbu te mwanangana wa Egiptu kanda achasa jita ni limbo lia Gaza, Mwene Zambi yanguhanjikisa hakutwala kuli Afilistia,

Jeremia 47:4

Tangwa lia kwonona Afilistia hilieza, lie tangwa lia kukanjisa atu waze akuzanga kukwasa Tiru ni Sidone. Yami, Mwene Zambi, mungukonona Afilistia, eswe waze akatukile ku mbumbulu ya hongo lia Krete.

Jeremia 51:6

Aisraele ni Ayuda Chinenu Ababilonia! Chinenu nulamwine miono yenu! Kanda anushiha mumu ha milonga ya Ababilonia. Haliabwila ngunamwesa Ababilonia lamba ngwe chize ayo amwesene akwo lamba.

Joele 2:10

Kulutwe lio hashi haananyiki; lilu linachikima. Tangwa ni kakweji yinalaa bwii, matongonoshi haajilala.

Joele 2:2

Mulikabwa tangwa lia milima ni chinyengo, kwilu mukukalauluka ni malelwa bwii. Chizavu chinene cha tujita kaaneza ngwe milima hiyalitanda ha milundu. Chuma chino haanga te kanda chibwa kama, kuchichi kwiza kubwa nawa.

Mateu 11:21

Yaamba ngwenyi: “Lamba lienu akwa Korazine, lamba lienu akwa Betsaida! Mumu, nyi yipupu yize alingile muli yenu, ayilingile nawa mu Tiru ni Sidone, kachi atu jamo te haanazala kulu mwanji ni kulikwita uto ha kulweza ngwo, haanalumuka ku mbunge.

Mateu 11:22

Kashika, ngunanwambulwila ngwami, ha tangwa lia ubatwilo, lamba lienu mulikabwa likolo kuhiana lize lia akwa Tiru ni akwa Sidone!

Luka 10:13

“Lamba lienu akwa Korazine! Lamba lienu akwa Betsaida! Mumu, nyi yipupu yize alingile muli yenu, ayilingile nawa mu Tiru ni Sidone, kachi atu jamo haanatwama kulu hashi ni kuzala mwanji ni kulikwita uto ha kulweza ngwo, haanalumuka ku mbunge.

Luka 10:14

Ha Tangwa lia Ubatwilo lamba lienu mulikabwa likalu, kuhiana lize lia akwa Tiru ni akwa Sidone.

Luka 18:7

Kuma Zambi kechi kakala waze atongwele iye mwene, waze akukololoka mwalwa ni ufuku, nyi? Kuma makashimbula ha kwakwasa, nyi?

Yilinga 9:4

Saulu yalimbuka hashi, yevwa liji lize liamwambile ngwo: “Saulu; Saulu, kuchi kevwe wakunguhungumiona?”

Shimbi 32:35

Mwene Zambi makaakala, ni kumwesa akwa kole lamba. Tangwa muukeza lize maakalimbuka; tangwa lia lamba lio hiliakundama.

2 A-TESALONIKA 1:6

Zambi makalinga chize chinalite. Makamwesa lamba waze akunulinga yibi.

Akwa Kuyula 11:12

Hohene Jefta yatumina mwanangana wa Aamone tunganda ngwenyi: “Chika chili hakachi ka yena ni yetu, kashika hiweza ni kwasa jita ni yetu?”