Joele 3:18 - Mukanda Wa Zambi 1970

¹⁸ “Ha matangwa waze milundu muyikabwa ni vinyu yinji, ha mindundena yeswe muhakasoloka ngombe; yitwetwe yeswe ya Yuda muyikazala ni meya. Ku zuwo lia Mwene Zambi mukukapukumuka shima lia meya, waze maakatuchikisa chikulo cha Akasia.

MUKANDA USANDU WA ZAMBI 1975

¹⁸ Ha tangwa lize milundu muyikasutwoka vinyu yipema, ni mindundena muyikapukumuna yamwa. Yitwetwe yeswe ya Yunda muyikazala ni meya. Mba fuji limwe mulikapukukila mu zuwo lia Yehova nikutuchikisa chana cha Shitime.

Joele 3:18 Iomraidhean Croise

Jobe 29:6

Ngombe ni pembe jami te kaakuhana yamwa yinji, ni mitondo yami ya olive te kuyakutatuka chibwe ha mawe.

Miaso (Masamu) 46:4

Kukuli umwe lwiji yoze wakuwahisa akwa limbo lia Zambi, akwa zuwo lia chijila lia Zambi Mukwa Mwilu Mwahiana.

Kutuhuka 3:8

Hinahulumuka hanga ngwapulule ku moko ja akwa Egiptu, ni kwatwala mu chifuchi chinene, chibema, ni cha chinuno. Akanana, ni Ahite, ni Aamore, ni Aperize, ni Ahive, ni Ajebuse, enoo atwama mu chifuchi chize haliabwila.

Izaya 30:25

Ha tangwa lize hinwakumba yipanga yakukoleka ya akwa kole jenu, ni atu jayo haafwa, yitwetwe ya meya muyikapalumuka ha milundu ni ha mindundena yeswe.

Izaya 35:6

Yiiema maakatumbwoka ni kuhangana; tumama maakemba ni chiseke. Yitwetwe muyikapukwila meya mu puya.

Izaya 44:3

“Munguhana meya ku chifuchi cha pwila; mungusa njiji ha mavu omu. Munguhinjila Mwiku wami hali ana je; munguwahisa vungu lie.

Izaya 45:8

Yami mwilu mungukakukwasa kukumba ngwe chize vula akukwasa atu, hashi muhakabakuka ni kutambula vula, hashi muhakabwa ni utuswilo ni ululi ngwe chize vula akutemwisa yitemo. Yami Mwene Zambi mungukalinga yuma yino.”

Izaya 55:1

Mwene Zambi kanambe ngwenyi: “Tweyenu yenu eswe nunevu pwila, meya kuno kwaali! Tweyenu yenu kunushi mbongo, nulande yakulia, nulie! Tweyenu! Nulande vinyu ni yamwa, kuyishi kufwika nichimwe!

Izaya 66:11

Munukevwa chiseke mumu ha kuyuka chenyi, ngwe mwana ha tulo ya naye.

Jeremia 31:12

Kumaakeza nikwimba ni chiseke ha mulundu wa Zione. Kumaakawahilila ni yawana yami, yawana ya mbuto, ni vinyu, ni maji a olive, ni ya mapanga, ni ngombe. Kumaakabwa ngwe minda yize yili ni meya; kumaakabwa ni yuma yeswe yize anazange.

Mika 6:5

Atu jami, iwulukenu kama chize mwanangana Balake wa ku Moabe anulingile, ni chize amukumbulwile kuli Balame mwana wa Beore. Iwulukenu yuma yize yabwile ha matangwa waze nwakatukile ku musumba wa Akasia ndoo ni muze nwahetele ku Gilgale. Iwulukenu yuma yize, mba mununyingika ngwenu, kuma nalulikile yize yeswe ha kunulamwina.”

Zakaria 14:8

Muze tangwa lize mulikeza, meya akeke maakapukumukina ku Yerusaleme, Chihanda cha meya muchikapukumukina ku chitende cha Kufwa, chikwo ku kalunga lwiji Mediterane. Maakapukumuka mwaka weswe wamuwundu, ha lushiho ngwe ha lwiza.

Kwalula 25:1

Muze Aisraele haajika musumba mu chikulo cha Akasia, malunga yaabutuka kulimona ni mapwo ja Amoabe waze abwile ko.