Joele 3:17 - Mukanda Wa Zambi 1970

¹⁷ “Aisraele, ha tangwa lize munukanyingika ngwenu, yami nguli Mwene Zambi, Zambi yenu. Kunatwama ha Zione, mulundu wami wa chijila. Yerusaleme mulikabwa limbo lia chijila, yilambala hikeechi kalikumba nawa.

MUKANDA USANDU WA ZAMBI 1975

¹⁷ Chocho munukanyingika ngwenu, Yehova iye Zambi yetu katwama ha mulundu wenyi usandu wa Zaione. Mba Yerusaleme muyikapwa yisandu, ni yilambala kechi kupalikako nawa.

Joele 3:17 Iomraidhean Croise

Jobe 15:19

Ha matangwa waze kaabwile ko ni yilambala mu chifuchi, mutu niumwe kabwile ko ha kwapiangula.

Miaso (Masamu) 76:2

Katwama mu limbo lia Yerusaleme, ha mulundu wa Zione.

Miaso (Masamu) 9:11

Mwene Zambi kakutwama mu limbo lienyi lia Zione; mwimbilenu ni uhaliso. Ambujolenu kuli mavungu eswe yitanga yenyi.

Kutuhuka 16:12

“Hinevwa chize atu eswe analinyenge. Alweze ngwe: ‘Ha chingoloshi munulia yifwo, muze mukucha mba munulia mbolo yinji. Mba mununyingika ngwenu, yami Mwene Zambi nguli Zambi yenu.’ ”

Izaya 11:9

Ha Zione, mulundu wa chijila wa Zambi, kuhechi kabwa Chuma chimwe cha yikola hanji chibi. Chifuchi cheswe muchikazala ni malinjekela a Mwene Zambi ngwe chize tulunga lwiji akuzala ni meya.

Izaya 12:6

Atu eswe mu Zione imbenu, wahililenu! Zambi Munangi wa Aisraele kali munene, katwama mukachi ka atu jenyi.”

Izaya 35:8

Mukukabwa jila yibema, yize maakavuluka ngwo, “Jila ya Chijila.” Chivulumunyi niumwe kechi kwenda mo, yihepuke niamwe keechi kapiangula waze menda mo.

Izaya 4:3

Mweswawo masala ho mu Yerusaleme, yoze Zambi matongola kubwa ni mwono, maakamuvuluka ngwo, munangi.

Izaya 46:13

Nakuneha tangwa lia kukumba, kulishi kusuku. Kukumba chami kuchichi kuvumewa. Mungukalamwina akwa Yerusaleme ni kulemesa Aisraele.”

Izaya 52:1

Yerusaleme likoleze, bwako nawa ni tachi ni lufuma! Limbo lia chijila lia Zambi, zala mahina abema! Yilima keechi kanjila nawa mu yikolo ye.

Izaya 56:7

“Mungunutwala ku Zione, ku mulundu wami wa chijila, mungunuwahisa mu zuwo liami lia kuwayila, ni kutambula milambu yize nwakulambula ha chilumbilo chami. Zuwo liami maakalivuluka ngwo, zuwo lia kuwayila lia mavungu eswe.”

Jeremia 31:23

Mwene Zambi Mukwa Ndundo Jeswe, Zambi ya Israele, kanambe ngwenyi: “Muze mungukahilwisa Aisraele mu chifuchi cho, atu maamba nawa mu chifuchi cha Yuda ni mu membo jacho ngwo: ‘Mwene Zambi awahise kama mulundu wa chijila wa Yerusaleme, homa ha chijila haze atwama.’

Jeremia 31:40

Chikulo cheswe kuze akufunda afu ni kumbila ko yiswaswa, ni minda yeswe ya ku tunda ya chitwetwe cha Kidrone ndoo ni ku chikolo cha Kavwalu ku chivumbuko, muchikabwa cha chijila. Limbo kechi kalibuzula nawa hanji kulionona.”

Ezekiel 20:40

Muze mu chifuchi, ha mulundu wami wa chijila ha mulundu usuku wa Israele, kwenako yenu Aisraele eswe munukanguwayila. Mungukawahilila ni yenu, mungukasa ko mbunge ngwami, munukangulambula yawana yenu yibema yahiana, ni yawana yenu ya chijila.

Ezekiel 37:6

Mungunusa nawa mijiba ni misunya, ni kunufuka yikowa. Mungunuhwimina mwiku, mba munubwa nawa ni mwono. Hohene mununyingika ngwenu, yami nguli Mwene Zambi.’ ”

Ezekiel 43:12

Yino ye Shimbi ya zuwo liami: Chihela cheswe chize chakujingilika zuwo liami ha mulundu chili chijila kuhiana.”

Ezekiel 44:9

“Yami Mwene Zambi ngunambe ngwami, niumwe chilambala chilima, niumwe yoze keshi kungwononokena, makanjila mu zuwo liami, chibwe chilambala yoze watwama mukachi ka Aisraele!”

Ezekiel 48:35

Usuhwe wa chipanga wa mbango jeswe jiwana ja limbo te metro 9,000. Chize musono jina lia lie limbo mulibwa “Mwene Zambi Muno Mwali!”

Daniel 11:45

Makajika mazuwo jenyi anene a makubu a wanangana mukachi ka mulundu haze haatungiwa zuwo lia Zambi ni kalunga lwiji. Alioze kumakafwa, kukuchi kabwa niumwe yoze makamukwasa.”

Daniel 9:16

Watuhakwilile ku shakulu, kashika kanda uvwila nawa Yerusaleme ufwatulo. Lili limbo lie kanda mulundu we wa chijila. Atu eswe a mu yifuchi yakusulangana kaakulelesa Yerusaleme ni yetu atu je mumu ha yibi yetu ni ungulungulu uze alingile tushakulu twetu.

Joele 2:27

Hohene, yenu Aisraele, munukanyingika ngwenu, yami nguli mukachi kenu, yami mwene nguli Zambi yenu, kukushi mukwo. Atu jami hikeechi kaalelesa nawa nichimwe.

Mika 4:7

Kaali yilema, kaali kusuku ni ku mahio, alioze mungubutula nawa ni waze asalile, mungukaapwisa vungu lia lufuma. Mungukaayula ha mulundu wa Zione, chize ku tangwa lize ndoo ku miaka yeswe.”

Nahume 1:15

Talenu, kanganda kanapalumuka ha milundu, kananehe sango jibema, kaneza ni kwambujola sango ja kukumba. Yenu Ayuda, lingenu yiwanyino yenu, mwehenu Zambi yize nwamulakenyene. Yingulungulu hikeechi kanjila nawa mu chifuchi chenu. Eswe haanonga liakulu!

Zakaria 8:3

Mungukahiluka ku Yerusaleme, limbo liami lia chijila, ni kutwama mo. Maakalivuluka ngwo, limbo lia akwa kushishika. Mulundu wa Mwene Zambi Mukwa Ndundo Jeswe maakauvuluka ngwo, mulundu wa chijila.

Usolwelo 21:27

Chuma cha luchisa kuchichi kanjila nichimwe mu limbo lize, chibwe waze akulinga yuma ya sonyi, chibwe waze akuhanjika mahuza kaahashile kunjila mo. Alioze atu waze maakanjila mu limbo lize kaali lume waze majina jo hanaasoneka mu mukanda wa Mwana Panga, we mukanda wa akwa mwono.