Joele 3:16 - Mukanda Wa Zambi 1970

¹⁶ Mwene Zambi kanakulunguza ha mulundu wa Zione; liji lienyi linahiohio ku Yerusaleme; hashi ni lilu yinanyiki. Alioze kumakafunga atu jenyi.

MUKANDA USANDU WA ZAMBI 1975

¹⁶ Yehova makakulunguza ku Zaione, makahiohiesa liji lienyi ku Yerusaleme. Yuma ya mwilu ni hashi muyikanyika, alioze Yehova makapwa chiswamo kuli atu jenyi, makapwa pembo kuli A-Izalele.

Joele 3:16 Iomraidhean Croise

Miaso (Masamu) 18:2

Mwene Zambi kali liwe liami, limbo liami lia kukoleka. Zambi yami kali liwe liami lia tachi, muli iye nakuswama, muli iye nguli mu uhwimino. Kali lukebwe wami, mbinga yami ya ulamwino, zuwo liami lisuku lia kukoleka.

Miaso (Masamu) 29:11

Mwene Zambi kakutakamisa atu jenyi, kakwawahisa ni uhwimino.

Miaso (Masamu) 61:3

Mumu yena uli chiswamo chami kanda zuwo liami lisuku lia kukoleka lia kungufunga kuli akwa kole jami.

Yishima 18:10

Mwene Zambi kali ngwe zuwo lisuku liakukoleka muze akwa ululi maahasa kuchinyina ni kubwa mu uhwimino.

Izaya 33:16

Mba munukabwa ni uhwimino; uhwimino ngwe nwatwama mu zuwo liakukoleka. Munukabwa ni yakulia ni meya a kunwa.

Izaya 33:21

Mwene Zambi makatulweza uhenya wenyi. Mutukatwama ku mbumbulu ja njiji ni yitwetwe yinene, alioze mato a jita keechi kwenda ko.

Izaya 42:13

Mwene Zambi kanatuhuka ngwe kajita wa tachi; halilulika kulu ase jita. Kanakololoka, kanakalumioka ni kwasa jita; kanasolola ndundo jenyi ni kulimika ni akwa kole jenyi.

Izaya 51:16

Yami nazazulwile lilu, yingusa fundamentu ya hashi; ngunambila akwa Yerusaleme ngwami: ‘Nuli atu jami! Hingunanulongesa, nakunufunga ni kwoko liami.’ ”

Jeremia 16:19

Mwene Zambi, yena wika wakungufunga ni kungutakamisa; wakungukwasa ha matangwa a lamba. Mavungu maakakatuka ku mbango jeswe ja hashi ni kwamba ngwo: “Tushakulu twetu abwile ni mazambi amokomoko lume, kaafumbwile ko nichimwe.

Jeremia 17:17

Kanda unguvwisa mwongo; mumu yena uli chiswamo chami ha matangwa a lamba.

Ezekiel 38:19

Ngunambe mu ufwatulo wami ngwami, ha tangwa lize kunyika cha hashi muchikabwa chinene mu chifuchi cha Israele.

Hosea 11:10

“Atu jami maakangukaula muze mungukatawoka ngwe tambwe kuli akwa kole jo. Maakatuka ku chitokelo ni kwiza fuji kuli yami nikuhwimashana.

Amose 1:2

Mukwa munanyi wa Zambi Amose kanambe ngwenyi: “Mwene Zambi kanakulunguza ha mukinda wa Zione, liji lienyi linahiohio ku limbo lia Yerusaleme. Mwambu wa yimuna hiwoma, mashinde ha mulundu wa Karmele haachiluluka.”

Amose 3:8

Muze tambwe makenana, iya kechi kwivwa woma? Muze Mwene Zambi mahanjika, iya malituna kuhanjika maliji jenyi?

Nahume 1:7

Mwene Zambi kali mubema; kakufunga atu jenyi ha matangwa a lamba; kakufunga waze akutewuluka kuli iye.

Hagai 2:6

“Shimbu likepe mungunyikisa lilu ni hashi, mavu ni kalunga lwiji.

Hagai 2:7

Mungukumba mavungu eswe, ni ubite wo maauneha kuno, mba zuwo liami mulizala ni ubite.

Zakaria 10:12

Mungukatakamisa atu jami; kumaakanguwayila ni kungwononokena.” Mwene Zambi hachamba.

Zakaria 10:6

“Mungukatakamisa Ayuda; mungukalamwina Aisraele. Mungukeevwila keke; mungukaahilwisa eswe ku mahio. Kumaakabwa ngwe cheehukile ko nichimwe. Yami nguli Mwene Zambi, Zambi yo; mungukakumbulula yilemba yo.

Zakaria 9:12

Yenu njize hilukenu, hinwabwa ni shindakenyo ha kusa ko mbunge. Hilukenu ku chifuchi chenu cha uhwimino. Ngunanulweze ngwami, mungunukundulula yisuho yaali ni kunuwahisa ha lamba lize nwamwene.

Hebreu 12:26

Liji lienyi lianyikishine hashi ha tangwa lize, alioze haliabwila hatulakenya ngwenyi: “Mungukanyikisa nawa chisuho chikwo, hi hashi wika ko, alioze ni lilu nawa.”

Usolwelo 11:13

Ha shimbu lizeliene yikubwa munyiko unene hashi. Chihanda chimuwika cha ku yihanda kumi ya limbo yichibuzuka. Tununu shimbiali twa atu yaafwa ni munyiko wa hashi. Akwo yeevwa woma unji, yaahalisa Zambi mwilu.

Usolwelo 11:19

Zuwo lia Zambi mwilu yiliazuluka, mba mushete uze uli ni Usendo wa Zambi yiusoloka. Yikubwa mihenyo, ni kukulunguza cha vula, ni zungo likwo, ni kunyika cha hashi, ni chiwe chinji.

Usolwelo 16:18

Kwabwile mihenyo ni kukulunguza cha vula ni zungo, ni kunyika cha hashi. Chize kuze Zambi atangile mutu te kanda hanyika kama ngwe chize, minyiko yibwa haha.

1 Samuel 15:29

Chikwo nawa, Zambi Mulemu wa Aisraele keshi kuhanjika mahuza, chibwe keshi kwalumuna mbunge, mumu keshi ngwe mutu, mba malumuna mbunge.”