Joele 3:14 - Mukanda Wa Zambi 1970

¹⁴ Tununu ni tununu kaali mu chikulo cha Ubatwilo. Mumu tangwa lia Mwene Zambi lia kubatwila atu hiliakundama.

MUKANDA USANDU WA ZAMBI 1975

¹⁴ Yihuji ni yihuji mu chana cha upatwilo, mumu tangwa lia Yehova hiliakundama mu chana cha upatwilo.

Joele 3:14 Iomraidhean Croise

Miaso (Masamu) 37:13

Alioze Mwene Zambi kakuseha yingulungulu, mumu kananyingika ngwenyi, tangwa lia kwamwesa lamba hiliakundama.

Izaya 13:4

Banjikenu chizungozungo ha milundu, liji linene linakalumioka mukachi ka atu, liji lia mavungu ni mawanangana waze analikungulula. Mwene Zambi wa tujita kanalulika tujita twenyi ase jita.

Izaya 22:1

Jino jili sango ja chikulo cha Usolwelo. Mumu yika atu eswe a mu limbo anawahilila ha mafulumba ja mazuwo?

Joele 1:15

Mama yami! Tangwa lia Mwene Zambi hiliakundama; tangwa lize Mukwa Ndundo Jeswe meza nikwonona. Mwongo kuhiana!

Joele 2:1

Humunenu chitavwi, twenu milolo ha Zione, mulundu wa chijila cha Zambi, mumu ha lamba lize mulikeza. Yenu Ayuda Chikimenu! Tangwa lia Mwene Zambi mulikeza susumuku.

Joele 2:11

Mwene Zambi kakutuma tujita twenyi ni liji lia tachi ngwe kukulunguza cha vula. Tujita twenyi waze anamwononokena kaali anji, kaali ni tachi. Lamba linji mulikabwa ha tangwa lia Mwene Zambi! Iya mahasa kujikiza?

Joele 3:12

“Mavungu chaatamba kulilulika eze ku chikulo cha Yehosafate. Kwenako yami, Mwene Zambi, mungukatwama ni kubatwila mavungu eswe waze aajingilika.

Joele 3:2

Mungukakungulula mavungu eswe hamuwika ni kwatwala ku chikulo cha Yehosafate. Kwenako mungukaabatwila mumu ha yeswe yize haanalingi kuli atu jami. Yaamwangina Aisraele mu yifuchi ya yilambala ni kuhandununa Israele, chifuchi chami.

Zefania 1:14

Tangwa linene lia Mwene Zambi hiliakundama, kulineza nikawashi! Mulibwa tangwa Usasu, chibwe tujita a tachi maalila mumu haalekumuka!

Filipu 3:2

Keyelenu atu waze ali ngwe tuwa, waze akulinga yibi. Waze akulilemeka ku mijimba.

2 Petulu 3:7

Alioze lilu ni hashi ya haliabwila kanayitulika ku liji lizeliene lia Zambi ha kuyonona ni kahia. Kanayifungu ndoo ku tangwa lize makabatwila yitanganyanyi ni kwoonona.