Joele 3:10 - Mukanda Wa Zambi 1970

¹⁰ Andenu matemo jenu nufule mikwale; andenu poko jenu nufule makunga. Atu alelu alisambe ngwo, tuli yitakame.

MUKANDA USANDU WA ZAMBI 1975

¹⁰ Fulenu yikungo ya sharua yikapwe tutana; poko jenu ja kululika mitondo ya mihuko jikapwe makunga. Alelu ambe ngwo, Tuli yitakame.

Joele 3:10 Iomraidhean Croise

2 Sango Ja Mianangana 25:8

Nyi muulikunda no mu jita, Zambi makakukumba, mumu Zambi kali ni tachi ja kukukwasa ni ja kukulekumuna.”

Izaya 2:4

Iye makabatula milonga ya mavungu a lufuma. No maakalumuna mikwale yo kubwa matemo a kulima no, ni makunga jo kubwa poko ja kululika najo mitondo ya mawundu. Mavungu keechi kasa nawa jita, chibwe kulilongesa yo.

Jeremia 51:11

Mwene Zambi havundula mianangana ja chifuchi cha Media, mumu kanambe kwenyeka Babilonia. Chenacho makala zuwo lienyi lia kuwayila lize abuzwile Ababilonia. Miata ja tujita kaanambe ngwo: “Kalulenu mivwi yenu! Andenu kebwe jenu nikawashi!

Mika 4:3

Iye makabatula milonga ya mavungu, mavungu a lufuma a hakamwihi ni kusuku. No maakalumuna mikwale yo kubwa matemo a kulima no, ni makunga jo kubwa poko ja milimo. Mavungu keechi kwasa nawa jita, chibwe kulilongesa yo.

Zakaria 12:8

Ha matangwa waze Mwene Zambi makafunga akwa Yerusaleme. Mba chibwe alelu kuhiana mukachi ko maakabwa ni tachi ngwe chize abwile David. Vungu lia David maakasongwela ngwe kanganda ka Mwene Zambi, ngwe Zambi iye mwene.

Luka 13:12

Muze hamumona, Yesu yamutambika nikwamba ngwenyi: “Yena mama, unatusuka ku yikola ye!”

Luka 22:36

Mba Yesu yaamba ngwenyi: “Alioze haliabwila yoze uli ni chibakumuna hanji tuku chamutamba kuyimbata, ni yoze keshi mukwale chamutamba kulanjisa chikuto chenyi ni kuulanda.