Joele 3:1 - Mukanda Wa Zambi 1970

¹ Mwene Zambi kanambe ngwenyi: “Ha matangwa waze mungukahilwisa uwahililo wa Ayuda ni akwa Yerusaleme.

MUKANDA USANDU WA ZAMBI 1975

¹ Mumu ha matangwa aze ni miaka yize muze mungukuhilwisa kuwaha cha Yunda ni Yerusaleme,

Joele 3:1 Iomraidhean Croise

Miaso (Masamu) 14:7

Muchibwa chibema nyi ulamwino wa Aisraele muukatuka mu Zione. Muze Mwene Zambi makawahisa atu jenyi, vungu lia Yakoba maakawahilila, atu ja Israele maakevwa chiseke.

Miaso (Masamu) 85:1

Mwene Zambi, hiunevwila akwa chifuchi che keke, hiunachiza Aisraele mu undungo, hiunaapwisa ngwe chize abwile hatangu.

Yishima 1:23

Banjikenu muze mungunukanjisa; mungunwaha mana abema ni kunulweza yinyingi yami.

Izaya 44:3

“Munguhana meya ku chifuchi cha pwila; mungusa njiji ha mavu omu. Munguhinjila Mwiku wami hali ana je; munguwahisa vungu lie.

Jeremia 16:15

Alioze maalishinga ni jina lia Zambi ya mwono yoze watuhwishile Aisraele mu chifuchi cha ku norde ni mu yifuchi yeswe yikwo kuze naamwanginyine. Mungwahilwisa mu chifuchi cho ene, chize nahanyine kuli tushakulu two. Yami, Mwene Zambi, nachamba.”

Jeremia 29:14

Ewa, ngunambe ngwami, munukanguwana, ni yami mungukanuhilwisa mu chifuchi chenu. Mungukanukungulula mu yifuchi kweswako hingunanumwangina, ni kunuhilwisa ku chifuchi chenu. Yami Mwene Zambi nachamba.’

Jeremia 30:18

Mwene Zambi kanambe ngwenyi: “Mungukahilwisa atu jami mu chifuchi cho, ni kuvwila akwa majiko eswe keke; Yerusaleme kumaakamutungulula, ni zuwo lia mwanangana kumaakalitungulula.

Jeremia 30:3

mumu tangwa kulineza lize mungukahilwisa atu jami, Aisraele ni Ayuda. Mungukaaneha mu chifuchi chize nahanyine kuli tushakulu two, mba maakazuka nawa chihinga cho. Yami, Mwene Zambi, nachamba.”

Ezekiel 16:53

Mwene Zambi kanambila Yerusaleme ngwenyi: “Mungukawahisa nawa Sodome ni yihunda yenyi, ni Samaria ni yihunda yenyi. Ewa, ni yena nawa mungukakuwahisa.

Ezekiel 39:25

Mwene Zambi yamba ngwenyi: “Alioze haliabwila mungukevwila keke vungu lia Yakoba, atu ja Israele, ni kwawahisa nawa. Mungukafunga jina liami lia linanga.

Daniel 12:1

Kanganda ka mwilu yoze te unazala mahina atoma alefuna yamba ngwenyi: “Ha tangwa lize mwe Mikele, kanganda ka mwilu mukwa lutwe yoze wakufunga atu je, makasoloka. Ha matangwa waze lamba linji mulikabwa ko, lamba ngwe lize kanda libwa kama nilimwe tangwa chize kuze Zambi atangile atu hano hashi. Muze tangwa lize mulikeza, atu eswe a ku vungu lie waze anasonewa mu mukanda wa Zambi kumakaalamwina.

Joele 2:29

Ha matangwa waze mungukamwangina Mwiku wami wa Linanga chibwe muli tuvumbi twenu a malunga ni a mapwo.

Amose 9:14

Mungukahilwisa atu jami ku chifuchi cho. No kumaakatungulula membo waze haanaabuzuka ni kutwama mo. Maakalima minda ni kulia mihuko yayo.

Kwalula 11:29

Mose yakumbulula ngwenyi: “Unevu ukwa ha milimo yami, nyi? Ngunazange ngwami, Mwene Zambi ahane Mwiku wenyi kuli atu eswe, hanga atu eswe ahanjike munanyi!”

Kwalula 12:6

Mwene Zambi yaamba ngwenyi: “Haliabwila banjikenu chize ngunambe! Muze nuli ni akwa munanyi mukachi kenu, nakusoloka kuli ayo mu Usolwelo ni kuhanjika no mu yilota.

Shimbi 30:3

kachi Mwene Zambi, Zambi yenu, makanuvwila keke. Makanuchiza ku mavungu kuze anumwanginyine, mba makanuwahisa nawa.