Joele 2:3 - Mukanda Wa Zambi 1970

³ Makumbi kaanali yibuta ngwe chize kahia kakwocha mwambu. Kulutwe lio minda yili ngwe minda ya Edene, alioze kunyima lio hiyabwa ngwe puya. Chuma nichimwe chinaachinyi.

MUKANDA USANDU WA ZAMBI 1975

³ Kulutwe lio kahia kukanalalisa, mba kunyima lio milengi yinalengenya. Kulutwe lio chifuchi chapwa ngwe munda wa Endene; kunyima lio kwapwa ngwe kango lia hululu, niumwe mutu momboka kuli ayo.

Joele 2:3 Iomraidhean Croise

Ubutukilo 13:10

Mba Lote yatala sali ni sali, yamona ngwenyi, chana cheswe chize chakatuka ku lwiji Yordau ndoo ku limbo lia Zoare chili ni meya anji. Chili ngwe munda wa Mwene Zambi, hanji ngwe chifuchi cha Egiptu. (Ha matangwa waze te Mwene Zambi kanda achonona membo ja Sodome ni Gomora).

Ubutukilo 2:8

Mba Mwene Zambi yalima munda ku chivumbuko mu Edene. Yasamo mutu yoze awumbile.

Miaso (Masamu) 50:3

Zambi yetu kaneza, alioze keshi kuhola, kahia kanalekwoka kulutwe lienyi, chijimbi chinamujingilika.

Miaso (Masamu) 97:3

Kahia kakulekwoka kulutwe lienyi, kakwocha akwa kole jenyi waze anamujingilika.

Kutuhuka 10:15

Makumbi yaafuka hashi heswe, chifuchi cheswe yichilaa bwii. Yaalia yibuta yeswe ya mitondo yize yaasalile ho ku chiwe. Chuma cha wisu nichimwe kuchasalile ko mu Egiptu.

Kutuhuka 10:5

Kumaafuka hashi heswe, kuhechi kumoneka nawa. Makumbi maakalia yuma yeswe yize kuyafwile ni chiwe, maakalia mitondo yeswe.

Izaya 14:17

Yono hi yoze ko wabuzwile membo ni kupwisa he hashi puya, nyi? Hi yoze ko wakwikile funge jenyi kanda ahiluka ku mahio, nyi?’

Izaya 15:6

Mwana lwiji Nimrime homa chau, mwambu wa ku mbumbulu hiwoma, kukushi chambu cha wisu nichimwe.

Izaya 33:4

Mba twakububa yuma yo.

Izaya 51:3

“Mungulembejeka Yerusaleme, ni eswe waze atwama mu yikulo yenyi. Chibwe chifuchi chenyi hichinabu puya, mungukachipwisa munda wa chinuno, ngwe munda wa Edene. Mukukabwa chiseke ni uwahililo, ni miaso ya uhaliso ni kusakwilila.

Izaya 9:18

Ungulungulu wa atu hiwoka ngwe kahia kaze kanocho mingonga ni mikalale. Unaweme ngwe usaki uze unafwindangana ni mwishi.

Izaya 9:19

Mwene Zambi Mukwa Ndundo Jeswe kanatenuka, lamba lienyi lize akumwesa atu lili ngwe kahia kaze kanalekwoka mu chifuchi cheswe ni kwonona atu; mutu mweswe meseka kulilamwina iye mwene.

Jeremia 5:17

Kumaakalia mbuto jenu ni yakulia yenu; kumaakashiha ana jenu a malunga ni a mapwo; maakashiha yimuna yenu ni kupakwola mitondo yenu ya vinyu ni mikuyu. Kumaakabuba membo jenu akukoleka hali waze nwakujikijila.

Ezekiel 36:35

Atu eswe maakamba ngwo: ‘Chifuchi chino chabwile chakwenyeka, alioze haliabwila hichabwa ngwe munda wa Edene, ni membo waze enyekene ni abuzwile, haliabwila himwabwa atu, haakoleka.’

Amose 7:4

Mwene Zambi yangulweza Usolwelo ukwo. Namumwene te kanalulika kahia ka kumwesa atu jenyi lamba. Ke kahia te hikalilala ha kalunga lwiji, hikabutuka kwocha hashi.

Habakuke 1:6

Ngunavundula Ababilonia anuyule, atu asasu kanda akwa kulipupula. Kaakwenda hashi heswe akumbe yifuchi yeka ni yeka.

Zakaria 7:14

Naamwangine ngwe fuji ya kangonga mu yifuchi ya yilambala. Mba chifuchi chino chibema yichisala chahululu, niumwe kasalile mo.”