Joele 2:29 - Mukanda Wa Zambi 1970

²⁹ Ha matangwa waze mungukamwangina Mwiku wami wa Linanga chibwe muli tuvumbi twenu a malunga ni a mapwo.

MUKANDA USANDU WA ZAMBI 1975

²⁹ Ha matangwa aze mungukazukula Spiritu yami hali ndungo jenu a malunga ni a mapwo.

Joele 2:29 Iomraidhean Croise

Ezekiel 36:27

Mungukanwaha Mwiku wami ni kunukolesa kufunga Shimbi jami ni kukaula yiyulo yami yize nanuhele.

Ezekiel 37:14

Mungukasa mwiku wami muli ayo ni kwapwisa nawa ni mwono, nikwatwamisa mu chifuchi cho ene. Mba maakanyingika ngwo, yami nguli Mwene Zambi. Hingunalakenya, ni mungukachilinga. Yami Mwene Zambi nachamba.”

Zakaria 12:10

“Vungu lie David ni akwa Yerusaleme akwo, mungukaaha mbunge ya keke ni zango ya kulemba. Kumaakatala yoze atuwile kunga, yoze ashihile. Kumaakalinyenga hali iye ngwe waze analinyenge hali mwana wa wika. Maakamulila mbimbi chikolo, ngwe waze haatokesa mwano mutangu wa lunga.

1 Korintu 12:13

Chimuwika nawa, yetu eswe, Ayuda ni waze hi Ayuda ko, ndungo ni enyaho, hanatupapachisa ni Mwiku umuwika hanga tubwe mujimba umuwika. Yetu eswe hanatunwisa kuli Mwiku umuwika.

Galashia 3:28

Kulisa chakuhi mukachi ka Ayuda ni waze hi Ayuda ko, mukachi ka ndungo ni enyaho, mukachi ka malunga ni mapwo. Yenu eswe nuli umuwika mu kulinunga ni Kristu.

Kolosu 3:11

Ha chino, kunushi nawa yilambala ni Ayuda, chibwe ngalami ni yilima, chibwe waze kaalilongesele hanji waze keeshi mana, chibwe ndungo hanji enyaho, alioze hasala lume Kristu; mwe unakwata eswe.