Joele 2:27 - Mukanda Wa Zambi 1970

²⁷ Hohene, yenu Aisraele, munukanyingika ngwenu, yami nguli mukachi kenu, yami mwene nguli Zambi yenu, kukushi mukwo. Atu jami hikeechi kaalelesa nawa nichimwe.

MUKANDA USANDU WA ZAMBI 1975

²⁷ Munukanyingika ngwenu, Zambi kwali hakachi ka A-Izalele. Munukanyingika ngwenu, Yehova iye Zambi yetu, kukushi mukwo. Atu jami kechi kevwa nawa sonyi.

Joele 2:27 Iomraidhean Croise

Miaso (Masamu) 46:5

Zambi kali mu limbo, atu keechi kulionona; ha chichamene kumeza ni kwakwasa.

Miaso (Masamu) 68:18

Muze azezukile mwilu yatwala funge hamwe nenyi, yatambula yawana kuli atu, chibwe kuli yingulungulu, Mwene Zambi makatwama ko ndoo ku miaka yeswe.

Yishima 1:23

Banjikenu muze mungunukanjisa; mungunwaha mana abema ni kunulweza yinyingi yami.

Izaya 12:6

Atu eswe mu Zione imbenu, wahililenu! Zambi Munangi wa Aisraele kali munene, katwama mukachi ka atu jenyi.”

Izaya 44:3

“Munguhana meya ku chifuchi cha pwila; mungusa njiji ha mavu omu. Munguhinjila Mwiku wami hali ana je; munguwahisa vungu lie.

Izaya 44:8

Yenu atu jami, kanda nwivwa woma! Nunanyingika ngwenu, chize ku shakulu ndoo ni musono hingunaliange kwambulula shimbu kanda yuma yeswe yize muyikabwa ko; yenu nuli yela jami. Kuli Zambi mukwo, nyi? Kuli Zambi mukwo wa tachi yoze Chanyingikine, nyi?”

Izaya 45:18

Mwene Zambi yatanga lilu, iye mwe Zambi wika! Iye yatanga hashi, yakolesa ho, kechele ho hahululu, alioze yakolesa ho hanga hakatwame atu. Iye mwene yamba ngwenyi: “Yami nguli Mwene Zambi, kukushi Zambi mukwo.

Izaya 45:5

“Yami nguli Mwene Zambi, kukushi Zambi mukwo. Mungukwaha tachi jize unahono, chibwe kuwangunyingikine.

Izaya 45:6

Ngunachilingi hanga atu eswe a ku mambango eswe a hashi akanyingike ngwo, yami nguli Mwene Zambi, kukushi Zambi mukwo.

Izaya 46:9

Iwulukenu yize yabwile ku shakulu; tayizenu ngwenu, yami mwe Zambi wika, kukushi mukwo walifwa ni yami.

Izaya 49:23

Mianangana maakabwa ngwe atatenu; miazovu ngwe anoko. Kumaakafukama kuli yenu ni kunulemesa; kumaakalikehesa ni kunulweza vumbi. Mba munukanyingika ngwenu, yami nguli Mwene Zambi; atu waze akungushimbwila ngwakwase, keechi kevwa sonyi.”

Izaya 53:6

Yetu eswe twabwile ngwe mapanga waze haanatoko, mutu mweswe yaya mu jila yenyi mwene. Alioze Mwene Zambi yamumwesa lamba, lamba lize te chatutamba kumona yetu.

Ezekiel 37:6

Mungunusa nawa mijiba ni misunya, ni kunufuka yikowa. Mungunuhwimina mwiku, mba munubwa nawa ni mwono. Hohene mununyingika ngwenu, yami nguli Mwene Zambi.’ ”

Ezekiel 39:22

Mba Aisraele maakanyingika ngwo, yami nguli Mwene Zambi yo,

Ezekiel 39:28

Mba atu jami maakanyingika ngwo, yami nguli Mwene Zambi, Zambi yo. Maakachinyingika, mumu yami naatumine mu undungo alioze haliabwila ngunaakungulula ni kwahilwisa mu chifuchi cho ene, chichi kuhichika ko niumwe mukachi ka mavungu.

Ezekiel 39:29

Mungukamwangina mwiku wami muli atu jami Aisraele, chichi kwoomba nawa nyima. Yami Mwene Zambi nachamba.”

Joele 2:26

Munukabwa ni yakulia yinji, munukakuta. Munukachichimieka Mwene Zambi, Zambi yenu, yoze hananulingila yikomokeso. Atu jami hikeechi kaalelesa nawa nichimwe.

Joele 3:17

“Aisraele, ha tangwa lize munukanyingika ngwenu, yami nguli Mwene Zambi, Zambi yenu. Kunatwama ha Zione, mulundu wami wa chijila. Yerusaleme mulikabwa limbo lia chijila, yilambala hikeechi kalikumba nawa.

Zefania 3:11

Ha matangwa waze yenu atu jami hikunuchi kwivwa nawa sonyi mumu nwangukatukilile. Munguchiza akwa kulengumuka ni akwa kulizata eswe, kunuchi kungukatukila nawa ha mulundu wami wa chijila.

Zefania 3:17

Mwene Zambi, Zambi yenu, kali hamwe ni yenu; ndundo jenyi jinanukwase kukumba. Mwene Zambi mawahilila ni yenu, mu zango lienyi manwaha mwono Waha. Kumaanwimbila ni kuwahilila,

Zakaria 2:9

“Mwene Zambi iye mwene makahamika ni yenu, ni atu waze abwile tuvumbi twenu maakabuba yuma yenu.” Muze yuma yino hiyabwa, atu eswe maakanayingika ngwo, kuma Mwene Zambi Mukwa Ndundo Jeswe hangutuma.

Kwalula 11:29

Mose yakumbulula ngwenyi: “Unevu ukwa ha milimo yami, nyi? Ngunazange ngwami, Mwene Zambi ahane Mwiku wenyi kuli atu eswe, hanga atu eswe ahanjike munanyi!”

Kwalula 23:21

Ngunamono ngwami, Aisraele keechi kabwa ni lamba ni luyinda. Mwene Zambi yo kali hamwe no. Aisraele kaakwamba ngwo: “Zambi kali mwanangana wetu.”

2 Korintu 6:16

Ngwe kuchi zuwo lia Zambi mulihasa kulivwa ni mahamba? Mumu yetu tuli zuwo lia Zambi ya mwono, ngwe chize Zambi iye mwene hanambe ngwenyi: “Mungukatwama mukachi ko, mungukaliendela no. Mungukabwa Zambi yo, no maakabwa atu jami.”

Shimbi 23:14

Fungenu musumba wenu kanawa, mumu Mwene Zambi, Zambi yenu, kali hamwe ni yenu mu musumba wenu ha kunufunga ni ha kunukwasa kukumba akwa kole jenu. Kanda nulinga chimwe Chuma chize kuchalitele, chize muchivwisa Mwene Zambi kubiha ha kunumba nyima.”

1 Petulu 2:6

Mumu Mukanda wa Zambi unambe ngwo: “Hinatongola liwe lilemu lize hinasa haliabwila mu limbo lia Zione ngwe liwe lia mu mbango. Yoze unashachila ha liwe lize kechi kevwa sonyi.”

Usolwelo 21:3

Yingwivwa liji linene ku chitwamo cha wanangana ngwo: “Haliabwila Zambi kakutwama mukachi ka atu! Makatwama hamwe no, no maakabwa atu jenyi. Zambi iye mwene makabwa hamwe no, makabwa Zambi yo.