Joele 2:26 - Mukanda Wa Zambi 1970

²⁶ Munukabwa ni yakulia yinji, munukakuta. Munukachichimieka Mwene Zambi, Zambi yenu, yoze hananulingila yikomokeso. Atu jami hikeechi kaalelesa nawa nichimwe.

MUKANDA USANDU WA ZAMBI 1975

²⁶ Munukalia nikulumbama; munukuta, mba munukahalisa jina lia Yehova Zambi yenu yoze hanulingila yikomokeso. Atu jami kechi kevwa nawa sonyi.

Joele 2:26 Iomraidhean Croise

Ubutukilo 33:11

Nalemba, tambulenu kama yuma yino nanunehena. Mumu Zambi hananguwahisa, hanangwehe yuma yeswe yize nguli nayo.” Yakoba yashinjila Esau kuhiana mba yayilambula.

Nehemia 9:25

Atu je yaakumba membo akukoleka, chifuchi cha chinuno, ni mazuwo waze te haazala ni yikumba, ni mashima akutota, ni mitondo ya olive, ni ya vinyu, ni ya mihuko. Yaalia yeswe yize azangile, yaatohwa. Yaawahilila ni yuma yibema yize waahele.

Miaso (Masamu) 103:5

Kakungwaha yuma yinji yibema mu mwono wami, kashika nguli ni tachi ngwe tela, ngwe chize nabwile mu ukweze wami.

Miaso (Masamu) 116:7

Mbunge yami hwima kama, mumu Mwene Zambi hangulinga yibema.

Miaso (Masamu) 13:6

Aa Mwene Zambi, mungukwimbila, mumu ha yiwape ye.

Miaso (Masamu) 22:26

Yiswale kumaakalia ni kukuta ngwe chize anazange, waze akwiza kuli Mwene Zambi maamuchichimieka, kumaakayuka ndoo ku miaka yeswe!

Miaso (Masamu) 37:19

Keechi kamona lamba ha matangwa ja luyinda; kumaakabwa ni yakulia ha matangwa ja zala yinji.

Miaso (Masamu) 67:5

Aa Zambi, mavungu akuhalise, mavungu eswe akuhalise!

Miaso (Masamu) 72:18

Halisenu Mwene Zambi, Zambi ya Aisraele, iye wika wakulinga yuma ya kukomwesa!

Yishima 13:25

Akwa ululi kaakubwa ni yakulia yinji, alioze yingulungulu kaakufwa zala.

Mwaso Ubema Wahiana 5:1

Nandungi yami kanda ndumbwami, hinanjila mu munda wami. Ngunakungika mira ni yuma yami yikwo ya vumba libema; ngunali wuchi ni ye yibuta yami; ngunanu vinyu ni yamwa yami. Akwetu a zango, lienu, nwenu, ndoo ni muze hinwabwa ni zango liahiana.

Izaya 25:1

Mwene Zambi, yena uli Zambi yami; mungukulemesa ni kuchichimieka jina lie. Hiunalingi yuma ya kukomwesa; yuma yize wanyongene ku shakulu, yeswe hiunayimanununa kanawa.

Izaya 29:22

Kashika haliabwila Mwene Zambi, Zambi ya Israele, yoze walamwinyine Abrahama mu lamba, kanambe ngwenyi: “Atu jami, kunuchi kevwa sonyi nawa, ni meso jenu keechi kahetama nawa.

Izaya 45:17

Alioze Israele hanamulamwina kuli Mwene Zambi, kukumba chenyi muchikabwa ndoo ku miaka yeswe; atu jenyi keechi kevwa nawa sonyi nichimwe.’ ”

Izaya 49:23

Mianangana maakabwa ngwe atatenu; miazovu ngwe anoko. Kumaakafukama kuli yenu ni kunulemesa; kumaakalikehesa ni kunulweza vumbi. Mba munukanyingika ngwenu, yami nguli Mwene Zambi; atu waze akungushimbwila ngwakwase, keechi kevwa sonyi.”

Izaya 54:4

Kanda wivwa woma, kuuchi kevwa nawa sonyi; atu keechi kakulelesa nawa. Muukavulama sonyi ja ukweze we, chibwe yinyengo ya utuliwa we.

Izaya 55:2

Mumu yika nwakumwanga mbongo ha yuma yize hi yakulia ko? Kuchi mba nwakuhana ubite ha yakulia yize kuyishi kunukuchisa? Ngubanjikenu, nulinge yize ngunambe, mba hanga nukawahilile ni yakulia yibema yahiana.

Alevi 25:19

Chifuchi muchikema mihuko yacho, munukabwa ni yakulia yinji ni uhwimino.

Alevi 26:26

Mungukanumina yakulia. Mapwo kumi maakochela mbolo ha jiko limuwika. Maakanwesekela jo ha kilo, ni muze munukajilia hindu kunuchi kakuta.

Alevi 26:5

Munukabwa ni mbuto yinji. Munukazungula mbuto ndoo ku mwaka wa kuhela vinyu. Munukahela vinyu ndoo ku mwaka wa kubatula mbuto. Munukabwa ni yeswe yize nunazange ha kulia, munukabwa ni uhwimino mu chifuchi chenu.

Mika 6:14

Chibwe nulie, hindu kunuchi kukuta, munubwa lume akwa kufwa zala. Munukambata yuma yinji, alioze kunuchikahasa kuyifunga. Yuma yeswe yize nwakufunga, yami mungukayonona mu jita.

Zefania 3:11

Ha matangwa waze yenu atu jami hikunuchi kwivwa nawa sonyi mumu nwangukatukilile. Munguchiza akwa kulengumuka ni akwa kulizata eswe, kunuchi kungukatukila nawa ha mulundu wami wa chijila.

Zakaria 9:15

Mwene Zambi Mukwa Ndundo Jeswe makafunga atu jenyi, no maakonona akwa kole jo; e manyinga maakapukumuka ngwe manyinga a milambu waze haazujila ha chilumbilo mu musenge.

Zakaria 9:17

Muchikabwa chifuchi chibema chahiana! Akweze maakatakama ha kulia mbuto ni kunwa vinyu yacho.

A-ROMA 10:11

Mumu Mukanda wa Zambi unambe ngwo: “Yoze mafuliela Mwene, kechi kevwa sonyi.”

A-ROMA 5:5

Kusa mbunge chino kuchishi kutukolesa sonyi, mumu Zambi hanazukwila zango lienyi mu mbunge jetu ni tachi ja Mwiku wa Linanga, uze atuhele.

A-ROMA 9:33

Ngwe hichinasonewa mu Mukanda wa Zambi ngwo: “Talenu, ngunase mu Zione liwe lia kutalingisa atu, Luliwe lwa kulimbwisa atu. Alioze mamufuliela kechi kevwa sonyi.”

Shimbi 11:15

ni yambu yibema ya ngombe jenu. Munukabwa ni yakulia yeswe yize munukazanga.

Shimbi 12:12

Kwenako munukawahilila ku meso jenyi, hamwe ni ana ni ngamba jenu, ni Alevi waze atwama mu membo jenu. Iwulukenu ngwenu, Alevi keechi kabwa ni chifuchi cho.

Shimbi 12:18

Yenu ni ana jenu, hamwe ni tuvumbi twenu ni Alevi waze atwama mu membo jenu, chatamba kulila milambu yino shina ku meso ja Mwene Zambi, Zambi yenu, homa ha kuwayila haze atongwele kuli Mwene Zambi, Zambi yenu. Kwenako chatamba kuwahilila mu yeswe yize munukalinga.

Shimbi 12:7

Kwenako ku meso ja Mwene Zambi, Zambi yenu, munukayilila, yenu ni akwa jiko lienu, ni kuwahilila ni yeswe yize Mwene Zambi hananuwahisa nayo.

Shimbi 8:10

Munukalia ni kukuta; munukasakwilila Mwene Zambi, Zambi yenu, mumu ha chifuchi cha chinuno chize hanwaha.”

1 Timoteu 6:17

Hana Shimbi kuli waze ali ni ubite wa hano hashi ngwe, kanda alengumuka. Alweze ngwe, kanda asa mbunge jo ku ubite uze hi wamwenemwene ko. Shinoho ase mbunge jo kuli Zambi, yoze wakutwaha yuma yeswe yakulumbama, hanga tukawahilile nayo.

1 Yoano 2:28

Ana jami, haliabwila nwakulinunga ni Kristu; twamenu chizechene hanga tukajikize, ni kutuchi kevwa sonyi ku meso jenyi ha tangwa lia kwiza chenyi.