Joele 2:24 - Mukanda Wa Zambi 1970

²⁴ Ha yizungwilo muhakabwa mbuto yinji, ukamino muukazala to ni vinyu ni maji a olive.

MUKANDA USANDU WA ZAMBI 1975

²⁴ Mazuwo makazala tò ni tiliku, ni yikwachilo muyikasupwoka ni vinyu ni maji.

Joele 2:24 Iomraidhean Croise

Ezekiel 36:8

Alioze ha milundu ya Israele mitondo muyikatatwisa nawa mitango yayo ni kunwimina mihuko, yenu atu jami Aisraele. Hasala hakepe nuhiluke ku chifuchi chenu.

Joele 3:13

Kaali yingulungulu kuhiana; aabatwile hashi ngwe mbuto ha matangwa a kubatula mbuto; aaliate ngwe chize akuliata vinyu mu ukamino wayo ndoo vinyu muyikapukumuka.”

Joele 3:18

“Ha matangwa waze milundu muyikabwa ni vinyu yinji, ha mindundena yeswe muhakasoloka ngombe; yitwetwe yeswe ya Yuda muyikazala ni meya. Ku zuwo lia Mwene Zambi mukukapukumuka shima lia meya, waze maakatuchikisa chikulo cha Akasia.

Alevi 25:19

Chifuchi muchikema mihuko yacho, munukabwa ni yakulia yinji ni uhwimino.

Alevi 26:10

Mbuto yenu muyikabwa yinji, muyikatwama ndoo ku songo lia mwaka. Munukambila yize yikulu hanga nukasweke yaha.

Amose 9:13

Mwene Zambi kanambe ngwenyi: “Tangwa mulikeza lize mbuto muyikoka kuhiana, keechi kuhasa kuyibatula yeswe; ni mihuko ya vinyu muyikoka kuhiana, keechi kayikama yeswe. Milundu muyikasulumioka vinyu yiyema, ni mu mikandu muyikapukumioka ngwe meya.

Malaki 3:10

Nehenu yihanda yenu yeswe ya cha kumi ku zuwo liami hanga likazale ni yakulia yinji. Achingwesekenu, mba munumona chize mungunwazulwila tupenda twa mwilu ni kunuzukwila yuma yibema yeka ni yeka.