Joele 2:23 - Mukanda Wa Zambi 1970

²³ “Yenu akwa Zione wahililenu, likwizenu ha yize Mwene Zambi hanulingila. Hanwaha vula musazu; hanunokesela vula yoze wa kuzalisa njiji, ni vula wa mubatuko.

MUKANDA USANDU WA ZAMBI 1975

²³ Enu ana ja Zaione, Wahililenu. Likwizenu muli Yehova Zambi yenu, mumu kakunwaha vula musazu nikulita. Kakunutuma vula, ni vula musazu, ni vula wa samakwasa ha kakweji mutangu.

Joele 2:23 Iomraidhean Croise

1 Yitanga Ya Mianangana 8:36

yena mwene mwilu hibanjika, ukonekene milonga ya mwanangana ni ya Aisraele, waalongese kulinga yuma yize yinalite. Mba unokese vula muno mu chifuchi che chize waahele chihinga cha miaka yeswe.

Jobe 33:23

Yisuho yikwo umwe kanganda hakachi ka tunganda anji a Zambi meza ni kumukwasa ni kumulweza chize chamutamba kulinga.

Jobe 37:13

Zambi kakutuma vula hashi, kakumutuma amwese atu lamba, hanji kwalweza utu wenyi.

Miaso (Masamu) 104:34

Awahilile kama ni mwaso wami, mumu iye wakunguwahisa.

Miaso (Masamu) 147:8

Kakumwanga malelwa mwilu, kakunokesa vula hashi, kakusokesa yambu ha milundu.

Miaso (Masamu) 149:2

Aisraele, wahililenu, mumu kali tangi yenu; likwizenu akwa Zione, mumu kali mwanangana wenu!

Miaso (Masamu) 28:7

Mwene Zambi kakungufunga, kali lukebwe wami; nakushachila hali iye. Kakungukwasa, kakunguwahisa; nakumufumanyisa ni miaso ya uwahililo.

Miaso (Masamu) 32:11

Yenu akwa ululi, wahililenu, likwizenu, mumu ha yeswe yize Mwene Zambi halinga. Eswe nwakumwononokena, kololokenu ni chiseke!

Miaso (Masamu) 84:6

Muze akubalika mu chikulo cha Baka, che chikulo kuchakwalumuka ha mashima ja meya, vula musazu kakuzalisa yitende yacho.

Yishima 16:15

Nyi ngwe mwanangana mawahilila ni atu; muchibwa ngwe vula musazu yoze wakubuzuka yuma yeswe.

Izaya 30:21

Nyi munukondoloka ku chindume hanji ku chimeso, kumunwivwa liji lienyi kunyima nikwamba ngwenyi: “Yino ye jila, yikaulenu.”

Izaya 30:23

Muze munukakuwa mbuto jenu, Mwene Zambi makanokesa vula ni kuyitatwisa, makanwaha mihuko yinji, ni ngombe jenu maakabwa ni yambu yinji ya kulia.

Izaya 41:16

Muukayihengula mu tetela; fuji muyikayimbata, kangonga makayimwanga. Mba muukawahilila mumu nguli Zambi ye; muukanguchichimieka, yami Zambi Munangi wa Israele.

Izaya 61:10

Yerusaleme kanawahilila ha yize Mwene Zambi hanalingi. Kali ngwe nandungi yoze hazala mahina a umbachiso. Zambi hanamujiki mahina a ulamwino ni ululi.

Jeremia 3:3

Kashika vula musazu kanokene ko, ni vula wa mubatuko neye kanokene ko. Chi bwe ku meso je wamonekene ngwe chitanji, kuushi kwivwa sonyi.

Jeremia 5:24

Kunwanyongene ko kungulemesa nichimwe, chibwe hinatuma vula musazu ni wa mubatuko, ni hingunanwehe changa cha kuhela mbuto mwaka ha mwaka.

Lungungu 4:2

Akweze a mu Zione te alemu ngwe oru, haliabwila haabwa ngwe ndeho (yimbia) ya uma.

Ezekiel 34:26

“Mungukaawahisa ni kwatayiza kutwama hehi ni mulundu wami wa chijila. Kwenako mungukawahishila ni vula mwaka ha mwaka.

Hosea 6:3

Twesekenu kunyingika Mwene Zambi. Ngwe chize tangwa liakuvumbuka, Chenacho nawa Zambi mahiluka mukachi ketu. Kumeza kuli yetu ngwe chize vula akutuchikisa hashi, vula musazu ni vula wa chehu.”

Alevi 26:4

mba mungukanwaha vula ha mwaka wenyi, hanga mu chifuchi mukeme mbuto ni mihuko yinji.

Amose 4:7

Nakanjishile vula muze minda yenu yambile kwima mbuto. Nanokosele vula ha limbo limwe, nayikanjishile ha limbo likwo. Vula yanokene ha munda umwe, ha munda ukwo kanokene ho.

Zakaria 10:1

Mwitenu Mwene Zambi anwehe vula musazu ha mwaka. Mwene Zambi mwe wakutuma malelwa a vula, mwe wakutatwishila atu eswe mwambu wa wisu.

Zakaria 10:7

Aisraele maakatakama ngwe tujita a tachi, maakabwa ni chiseke ngwe waze haanwa vinyu. Ana jo kumaakewuluka kukumba chino, kumaakawahilila ha chize Mwene Zambi halinga.

Zakaria 9:13

Mungunana Yuda ngwe uta wa kajita ni Israele ngwe mivwi, akwa Zione ngwe mikwale, akase jita ni malunga ja Gresia.”

Zakaria 9:9

Yenu akwa Zione, wahililenu, wahililenu! Yenu akwa Yerusaleme kololokenu ni uwahililo! Talenu, mwanangana wenu kaneza kuli yenu! Mukwa kukumba wakangana, hindu mukwa kulikehesa, kanendela hali chimbulu, hali mwana yoze wasemukine kuli chimbulu.

Yilinga 14:17

hindu yalisolola matangwa eswe ha yiwape yize akulinga. Kakunokesa vula kwilu, kakunwaha yilimalima ku yanga yayo, kakunwaha yakulia, kakuwahisa mbunge jenu.”

Shimbi 11:14

Nyi nwachilinga, makanutumina vula musazu ni vula wa mubatuko mu chifuchi chenu hanga nukabwe ni mbuto, ni vinyu, ni maji a olive,

Shimbi 28:12

Makanokesa vula ha matangwa jenyi, makalumbamisa ubite wa mwilu mu machila jenu ni kuwahisa milimo yenu yeswe. Mba munukasondamisa yuma kuli mavungu anji, alioze yenu kunuchi kasondama nichimwe.

Shimbi 32:2

Longeso liami mulikabwa ngwe chize akunoka vula, mulikalumbama hashi ngwe mume. Maliji jami maakabwa ngwe vula ha mashinde aha, ngwe chize vula akuwayangila ha sepe.

Filipu 3:1

Ni haliabwila, akwetu, wahililenu mu kuliendela ni Mwene. Chishi kwivwa yikatalo mu kunusonekena nawa yuma yize hingunanusonekena kulu. Kuli yenu yili shindakenyo.

Filipu 3:3

Mumu yetu, tuli ngalami amwenemwene, hi ngwe ayo ko, mumu twakuwayila Zambi ku tachi ja Mwiku wenyi, twakulisamba mu kulinunga chetu ni Kristu Yesu. Kutushi kufuliela ndako ya uutu.

Filipu 4:4

Wahililenu matangwa eswe mu kuliendela ni Mwene Yesu. Ngunambe nawa ngwami, wahililenu!