Joele 2:22 - Mukanda Wa Zambi 1970

²² Tushitu kanda nwivwa woma. Ulilo hiwasoka mwambu wa wisu; mitondo hiyema mihuko yayo, hikwabwa mihuko yinji ya mikuyu ni vinyu.

MUKANDA USANDU WA ZAMBI 1975

²² Enu tushitu a mu yambu, kanda nwivwa woma, mumu kelo ja mu puya hijasokoloka, ni mitondo yinemi mihuko. Mutondo wa uva ni mukuyu yinahana tachi jayo.

Joele 2:22 Iomraidhean Croise

Ubutukilo 4:12

Muze muulima hashi, yakulia kuyichi kwiza ho. Muubwa mukwa kuchinachina kanda chendanganyi hashi heswe.”

Miaso (Masamu) 36:6

Ululi we unahiana ngwe milundu yisuku, ubatwilo we wa ululi uli ngwe yimwe jondo yinene. Mwene Zambi, yena wakufunga atu ni tushitu.

Miaso (Masamu) 65:12

Mu yambu yimuna anji alimo, ha milundu hali uwahililo.

Miaso (Masamu) 65:13

Mu puya mapanga hooka, yikulo hiyazala ni tiriku. Akwa chifuchi eswe kaanawahilila ni kwimba.

Miaso (Masamu) 67:6

Mavu heemisa mihuko, Zambi, Zambi yetu, hatukwasa.

Izaya 51:3

“Mungulembejeka Yerusaleme, ni eswe waze atwama mu yikulo yenyi. Chibwe chifuchi chenyi hichinabu puya, mungukachipwisa munda wa chinuno, ngwe munda wa Edene. Mukukabwa chiseke ni uwahililo, ni miaso ya uhaliso ni kusakwilila.

Ezekiel 36:30

Mungukokesa mihuko ya mitondo yenu ni mbuto ya mu minda, hanga kunuchi kabwa nawa ni zala niyimwe ha kunukolesa sonyi mukachi ka mavungu.

Ezekiel 36:35

Atu eswe maakamba ngwo: ‘Chifuchi chino chabwile chakwenyeka, alioze haliabwila hichabwa ngwe munda wa Edene, ni membo waze enyekene ni abuzwile, haliabwila himwabwa atu, haakoleka.’

Ezekiel 36:8

Alioze ha milundu ya Israele mitondo muyikatatwisa nawa mitango yayo ni kunwimina mihuko, yenu atu jami Aisraele. Hasala hakepe nuhiluke ku chifuchi chenu.

Yona 4:11

Alioze Ninive lili limbo linene, lili ni ana 120,000 waze keeshi milonga, ni yimuna yinji. Kuma yami kuchangutambile kweevwila keke, nyi?”

Hagai 2:16

nwakuya ku yimwe mbuto yakulumbika hashi ni kunyonga ngwenu, munuwana kulema cha mbuto kilo 200, alioze nwakuwana ko shina 100. Te nwakuya ni kuswita vinyu litro 100 mu chimwe chikashi chinene, alioze nwakuwana lume 40.

Zakaria 8:12

Kumaakakuwa mbuto jo mu uhwimino. Mivinyu yo muyikema mihuko, mavu maakasokesa mbuto, mukukabwa vula munji. Atu ja vungu liami waze maasala ho mungukaawahisa ni yuma yino yeswe.

1 Korintu 3:7

Yoze wakukuwa mbuto ni yoze wakuyihinjila meya, hi alemu ko. Zambi wika mwe mulemu, mumu iye wakutatwisa ye mbuto.