Joele 2:21 - Mukanda Wa Zambi 1970

²¹ “Akwa minda, kanda nwivwa woma, wahililenu ni chiseke mumu ha yeswe yize Mwene Zambi hanulingila.

MUKANDA USANDU WA ZAMBI 1975

²¹ Ena chifuchi, kanda wivwa woma. Waha nikuwahilila, mumu Yehova hanalingi yuma yinene.

Joele 2:21 Iomraidhean Croise

Ubutukilo 15:1

Mwabwa muze Mwene Zambi yalweza Abrama mu Usolwelo ngwenyi: “Abrama, kanda wivwa woma, yami nguli lukebwe we. Mungukwaha chawana chinene kuhiana.”

Miaso (Masamu) 71:19

Aa Zambi, ululi we wakuheta ndoo kwilu, hiunalingi yuma yinene, kukushi mukwo ngwe yena!

Miaso (Masamu) 98:8

Yenu njiji sakwilenu! Yenu milundu imbenu miaso ya uwahililo ku meso ja Mwene Zambi,

Izaya 35:1

Puya muyikawahilila; yitemo muyitemuka mu chifuchi chumu.

Izaya 41:10

Kanda wivwa woma, nguli hamwe ni yena! Nguli Zambi ye, kanda wivwa mwongo wa Chuma nichimwe! Mungukutakamisa, mungukukwasa; mungukufunga ni kwoko liami lia chindume lia ululi.

Izaya 44:23

Yena lilu, kololoka ni chiseke! Yenu muma mushi lia hashi, kololokenu! Yenu milundu ni mitondo yeswe ya mu usaki, kololokenu ni chiseke! Mwene Zambi hanasolola unene wenyi nikukula atu jenyi Aisraele.

Izaya 54:4

Kanda wivwa woma, kuuchi kevwa nawa sonyi; atu keechi kakulelesa nawa. Muukavulama sonyi ja ukweze we, chibwe yinyengo ya utuliwa we.

Izaya 55:12

“Munukatuhuka mu Babilone ni chiseke; makanutuhwisa mu limbo ni uhwimino. Milundu ni mindundena muyikabutuka kwimba; mitondo muyikakololoka ni uwahililo.

Jeremia 33:3

“Ngutambikenu mba mungunukumbulula ni kunulweza yuma ya kukomwesa ni ya kusweka, yize kuwayinyingikine.

Hosea 2:21

Ha tangwa lize mungukakumbulula ku yilemba ya atu jami Aisraele. Mungukanokesa vula hashi, hashi muhakema mbuto ni vinyu ni olive.

Joele 2:20

Munguchiza makumbi waze akatukile ku norde. Mungushinjika amwe a kuli ayo mu puya. Akwa lutwe jo mungwashinjikila mu chitende cha Kufwa, mukana wakusula munguushinjikila mu kalunga lwiji Mediterane. Mijimba yo ya kufwa muyinuka vumba. Mungukoonona mumu ha yibi yeswe yize haanulinga.

Joele 2:26

Munukabwa ni yakulia yinji, munukakuta. Munukachichimieka Mwene Zambi, Zambi yenu, yoze hananulingila yikomokeso. Atu jami hikeechi kaalelesa nawa nichimwe.

Zakaria 8:15

Alioze hinabatula kuwahisa akwa Yerusaleme ni Ayuda ha matangwa wano. Kashika kanda nwivwa woma.

Shimbi 4:32

“Achinyongenu ha yuma yikulu, ha miaka yize te kanda nuchisemuka muze Mukulu Zambi atangile atu, Hengulenu hashi heswe. Hikunabu kama chimwe Chuma chinene ngwe chino, nyi? Kuli umwe yoze hanevu kama Chuma ngwe chino, nyi?

1 Samuel 12:16

“Kashika haliabwila manenu, numone Chuma chinene chize Mwene Zambi himalinga ku meso jenu.

1 Samuel 12:24

Ngwami, vwilenu Mwene Zambi woma, numulingile ni umwenemwene ni mbunge jenu jeswe. Iwulukenu yuma yibwahaha hananulingila.