Joele 2:20 - Mukanda Wa Zambi 1970

²⁰ Munguchiza makumbi waze akatukile ku norde. Mungushinjika amwe a kuli ayo mu puya. Akwa lutwe jo mungwashinjikila mu chitende cha Kufwa, mukana wakusula munguushinjikila mu kalunga lwiji Mediterane. Mijimba yo ya kufwa muyinuka vumba. Mungukoonona mumu ha yibi yeswe yize haanulinga.

MUKANDA USANDU WA ZAMBI 1975

²⁰ Alioze munguchiza tujita twa ku Norte kusuku ni yenu nikwahumina ku chifuchi cha puya ya hululu. Mungusa maswalale jo a kulutwe ku kalunga-lwiji ku Chivumbuko, ni akwa kunyima ku kalunga-lwiji ku Chitokelo, ni kukupuka cho kumuchikafwinda ni vumba lio lipi kumulikafwinda mumu hanalingi yuma yinene.

Joele 2:20 Iomraidhean Croise

1 MIANANGANA 8:13

Hazaele ngwenyi: “Ngwe kuchi mungukabwa ni tachi ngwe jino? Yami kavumbi kenu nguli kawa.” Elisha ngwenyi: “Mwene Zambi hanangulweze ngwenyi, yena mwe muukabwa mwanangana wa Siria.”

Miaso (Masamu) 126:3

Chamwenemwene yatulingila yuma ya kukomwesa, yituwahilila kuhiana!

Kutuhuka 10:19

Mba Mwene Zambi yaholesa fuji ya ku chivumbuko, yaneha fuji ya tachi ya ku chitokelo. Ye fuji yiihehula makumbi eswe, yiyaambila mu kalunga lwiji Muchila. Mu chifuchi cha Egiptu kumwasalile ko kumbi niumwe.

Kutuhuka 8:14

Akwa Egiptu yaakungula, yaalumbika milumba, chifuchi yichinuka vumba kuhiana lia yula ya mbwota.

Izaya 34:3

Mijimba yo keechi kayifunda, alioze muyikabomba hashi ni kubola ni kukupuka vumba; milundu muyikachila ni manyinga.

Ezekiel 47:18

“Njiza ya ku sali lia chivumbuko yinakatuka homa hamwe mukachi ka chifuchi cha Damasku ni cha Haurane ni kutalikisa ku sude nikukaula lwiji Yordau, chifuchi cha Israele ku sali lia chitokelo ni chifuchi cha Gileade ku sali lia chivumbuko, njiza yinayi ku sude ndoo ni ku Tamare ku mbumbulu ya chitende cha Kufwa?

Amose 4:10

“Nanutuminyine chipuho ngwe chize nachituminyine akwa Egiptu. Nashihile akweze jenu mu jita, nambachile tuvwalu twenu. Nabihishile misumba yenu ni vumba libi lia afu jenu. Hindu kunwahilukile ko kuli yami.

Zakaria 14:8

Muze tangwa lize mulikeza, meya akeke maakapukumukina ku Yerusaleme, Chihanda cha meya muchikapukumukina ku chitende cha Kufwa, chikwo ku kalunga lwiji Mediterane. Maakapukumuka mwaka weswe wamuwundu, ha lushiho ngwe ha lwiza.

Malaki 3:11

Chichi kutayiza tututu kwonona mbuto jenu, mitondo yenu ya vinyu muyikema mihuko yinji.

Shimbi 11:24

Mavu eswe kuze munukaliata maakabwa nienu. Chifuchi chenu muchikabwa chize ku puya ku sude nikuheta ndoo ku milundu ya Libano ku norde, chize nawa ku lwiji Ufrateze ku chivumbuko ndoo ku kalunga lwiji Mediterane ku chitokelo.