Joele 2:2 - Mukanda Wa Zambi 1970

² Mulikabwa tangwa lia milima ni chinyengo, kwilu mukukalauluka ni malelwa bwii. Chizavu chinene cha tujita kaaneza ngwe milima hiyalitanda ha milundu. Chuma chino haanga te kanda chibwa kama, kuchichi kwiza kubwa nawa.

MUKANDA USANDU WA ZAMBI 1975

² Tangwa lia milima ni kulendama; tangwa lia malelwa ni milima pwi. Atu anene, a tachi aneza ngwe milima ha milundu. Kanda amoneka akwo a kulifwa no, chipwe kulutwe kechi kamoneka, chipwe ku miaka ya yisemuko yinji.

Joele 2:2 Iomraidhean Croise

Miaso (Masamu) 10:6

Kakulihanjikisa ngwenyi: “Chichi kulimbuka nichimwe; chichi kamona lamba nihakepe.”

Miaso (Masamu) 97:2

Malelwa ni milima yakumujingilika, Mwene Zambi kakuyula ni umwenemwene ni ululi.

Kutuhuka 10:14

Mazaji a makumbi yaafuka chifuchi cheswe. Mazaji abwa haha kanda aamona kama nilimwe tangwa, ni keechi kaamona nawa.

Kutuhuka 10:6

Maakazala mu mazuwo je ni ja akwa kuyula ni ja atu je eswe. Yuma ngwe yino akakenu ni tushakulu twenu kanda achiyimona kama nilimwe tangwa.’ ” Mba Mose yahichika mwanangana, yaya kwenyi.

Kutuhuka 20:21

Hindu atu te kusuku anamana, shina Mose lume mwe wakundamine ku lelwa lilaa, kuze te anatwama Zambi.

Izaya 5:30

Muze tangwa lize mulikeza, maakakenanyina Aisraele ngwe lundunjila wa kalunga lwiji. Achitalenu chifuchi chino! Milima ni kubinda! Pangu linalaa!

Izaya 8:22

hanji hashi, alioze keechi kamona nichimwe shina kubinda ni milima yahiana muze akwa kole anaashinjikila.

Jeremia 13:16

Lemesenu Mwene Zambi, Zambi yenu, shimbu kanda achineha milima, shimbu kanda nutalinga ha milundu; shimbu kanda achalumuna pangu lize nwaselele ko mbunge kubwa milima bwii.

Jeremia 13:6

Kulutwe lia amwe matangwa Mwene Zambi yangwamba nguhiluke ku Ufrateze ni kwanda kaputula yoze.

Lungungu 1:12

Kanakololoka kuli mweswawo wakubalieka ko ngwenyi: “Ngutale kama nyi umwe mutu uliko yoze unamono lamba ngwe yami, lamba lize Mwene Zambi hanguzukwila ha matangwa ja ufwatulo wenyi.

Ezekiel 32:7

Muze mungukakushiha, mungukafuka lilu ni matongonoshi. Tangwa mulikalifuka ni malelwa, ni kakweji kechi katwa mieji.

Ezekiel 34:12

ngwe chize kafunga akufunga mapanga jenyi waze haanamwangana ni kwakungulwila nawa hamuwika. Mungukaachiza kweswe kuze amwanganyinyine ha tangwa lize lia lamba ni milima.

Ezekiel 38:9

Iye ni e tujita twenyi hamwe ni mavungu anji waze ali hamwe nenyi maakasa jita ni tachi ngwe kangonga ni kulitanda mu chifuchi ngwe malelwa.”

Daniel 12:1

Kanganda ka mwilu yoze te unazala mahina atoma alefuna yamba ngwenyi: “Ha tangwa lize mwe Mikele, kanganda ka mwilu mukwa lutwe yoze wakufunga atu je, makasoloka. Ha matangwa waze lamba linji mulikabwa ko, lamba ngwe lize kanda libwa kama nilimwe tangwa chize kuze Zambi atangile atu hano hashi. Muze tangwa lize mulikeza, atu eswe a ku vungu lie waze anasonewa mu mukanda wa Zambi kumakaalamwina.

Daniel 9:12

Hiunalingi yize wambile kutulinga yetu ni akwa kuyula jetu. Hiwamwesa Yerusaleme lamba kuhiana lize lia membo akwo hano hashi.

Joele 1:6

Chizavu chinene cha makumbi hicheza mu chifuchi chetu; kaali ni tachi, kaali anji, kuhasa ka kwalula; mazo jo kaambuka ngwe mazo ja tambwe.

Joele 2:25

Mungukanuhilwishila yize nwatokesele ha miaka yize makumbi alile mbuto yenu. Yami nanutuminyine yizavu ya makumbi ngwe tujita.

Joele 2:31

Tangwa mulikalaa, ni kakweji makachila ngwe manyinga. Tangwa lia Mwene Zambi mulikeza, tangwa linene ni lia mwongo.

Joele 2:5

Muze maatumbwoka helu lia milundu, kaanalundumuka ngwe matemba, kaanalukuta ngwe kahia ha mwambu umu. Kaanalilongo ngwe chizavu chinene cha tujita waze haalilulika kwasa jita.

Joele 3:4

“Yenu akwa membo ja Tiru ni Sidone, ni yenu akwa yifuchi ya Afilistia, yika nunambe kungulinga?

Amose 4:13

Zambi wawumbile milundu, watangile fuji. Kakusolwela atu manyonga jenyi; kakwalumuna mwalwa kubwa ufuku. Kakuyula hashi heswe. Jina lienyi: Mwene Zambi Mukwa Ndundo Jeswe!

Zefania 1:7

Tangwa lia Mwene Zambi hiliakundama lize Zambi mabatwila atu, kashika twamenu kuluu ku meso jenyi. Mwene Zambi kanalulika kulambula atu jenyi ngwe mulambu.

Zakaria 14:6

Muze tangwa lize hilieza, kukuchi kabwa nawa chishika hanji chiwe,

Mateu 24:21

Mumu ha matangwa waze lamba linji mulikabwa ko. Chize ku kutanga cha hashi ndoo musono uno lamba ngwe lize kanda lichibwa kama, ni kulichi kabwa nawa nichimwe ngwe lize kulutwe.

Marku 13:19

Mumu ha matangwa waze, lamba linji mulikabwa ko. Chize ku kutanga cha hashi ndoo musono uno, lamba ngwe lize kanda lichibwa kama, ni kulichi kabwa nawa nichimwe kulutwe.

Shimbi 32:7

“Iwulukenu yize yabalikile ha miaka yikulu; hulenu atatenu anulweze yize yabwile ko, hulenu tushinakaji hanga anwambulwile yuma yikulu.

Hebreu 12:18

Mumu yenu kunwejile ku Chuma chize atu maahasa kukwata ni moko, ngwe chize Aisraele ejile ku Mulundu wa Sinai kuze kwabwile kahia kaze te kanalekwoka kuhiana, ni kulaa ni milima, ni chijimbi,

Yuda 1:13

Kaali ngwe miavu ya mu kalunga lwiji. Yibi yize akulinga, yili ngwe fulufulu lia ha miavu. Kaali ngwe matongonoshi waze akupianguka, Zambi hanaalulikila muma mwa milima yahiana ya miaka yeswe.

Usolwelo 9:2

Lutongonoshi yoze yazulula mwe muma mwajotoka. Yimukakumuka mwishi, yiubwa ngwe mwishi uze wakutuhuka mu lutengo wa kahia. Tangwa yililaa, ni fuji yiyalumuka mwishi ha mwishi, wa muma mwajotoka.