Joele 2:19 - Mukanda Wa Zambi 1970

¹⁹ Yaakumbulula ngwenyi: “Haliabwila mungunwaha mbuto ni vinyu ni maji a olive, mba munuwaha. Mavungu akwo keechi kunulelesa nawa.

MUKANDA USANDU WA ZAMBI 1975

¹⁹ Yehova yakumbulula atu jenyi ngwenyi, Mungunutuma mbuto, ni vinyu, ni maji, nukakute nayo. Chichi kutá nukasauke nawa hakachi ka mavungu.

Joele 2:19 Iomraidhean Croise

Jeremia 31:12

Kumaakeza nikwimba ni chiseke ha mulundu wa Zione. Kumaakawahilila ni yawana yami, yawana ya mbuto, ni vinyu, ni maji a olive, ni ya mapanga, ni ngombe. Kumaakabwa ngwe minda yize yili ni meya; kumaakabwa ni yuma yeswe yize anazange.

Ezekiel 34:29

Mungukaaha minda ya chinuno; mungukahwisa zala mu chifuchi. Mavungu akwo keechi kaasaula nawa nichimwe.

Ezekiel 36:15

Chifuchi keechi kevwa nawa kalelesa ni kusaula cha mavungu akwo. Milundu kuyichi kwiya nawa ana ja atu. Yami Mwene Zambi nachamba.”

Ezekiel 36:29

Mungukanulamwina ku yuma yeswe yize nwalichishile nayo. Mungukokesa mbuto, hanga kapunga kechi kabwa nawa nichimwe.

Ezekiel 36:30

Mungukokesa mihuko ya mitondo yenu ni mbuto ya mu minda, hanga kunuchi kabwa nawa ni zala niyimwe ha kunukolesa sonyi mukachi ka mavungu.

Ezekiel 39:29

Mungukamwangina mwiku wami muli atu jami Aisraele, chichi kwoomba nawa nyima. Yami Mwene Zambi nachamba.”

Hosea 2:15

Mungukamuhilwishila minda ya vinyu yize abwile nayo hatangu. Mungukalumuna chikulo chenyi cha lamba kubwa kumwe kuma kwakusa mbunge ni kuhiluka kuli yami Zambi. Mba makangutayiza ngwe chize alingile muze abwile mwana pwo, muze akatukile mu Egiptu.

Hosea 2:21

Ha tangwa lize mungukakumbulula ku yilemba ya atu jami Aisraele. Mungukanokesa vula hashi, hashi muhakema mbuto ni vinyu ni olive.

Joele 1:10

Minda haayenyeka; ha mavu hamokomoko mumu mbuto hiyafwa. Vinyu hiyoma chau. Maji akuhi.

Joele 2:24

Ha yizungwilo muhakabwa mbuto yinji, ukamino muukazala to ni vinyu ni maji a olive.

Alevi 26:5

Munukabwa ni mbuto yinji. Munukazungula mbuto ndoo ku mwaka wa kuhela vinyu. Munukahela vinyu ndoo ku mwaka wa kubatula mbuto. Munukabwa ni yeswe yize nunazange ha kulia, munukabwa ni uhwimino mu chifuchi chenu.

Zakaria 8:12

Kumaakakuwa mbuto jo mu uhwimino. Mivinyu yo muyikema mihuko, mavu maakasokesa mbuto, mukukabwa vula munji. Atu ja vungu liami waze maasala ho mungukaawahisa ni yuma yino yeswe.

Mateu 6:33

Shinoho achinyongenu hatangu Wanangana wa Zambi ni ululi uze anazange, mba makanuwezela yuma yize yeswe.

Shimbi 11:14

Nyi nwachilinga, makanutumina vula musazu ni vula wa mubatuko mu chifuchi chenu hanga nukabwe ni mbuto, ni vinyu, ni maji a olive,

Rute 1:6

Muze Naomi hevwa ngwo, Mwene Zambi hawahisa atu jenyi, Aisraele, haaha yakulia, mba Naomi yalilulika hanga akatuke mu chifuchi cha Moabe, iye ni atembwa anenyi aali.