Joele 2:16 - Mukanda Wa Zambi 1970

¹⁶ Kungululenu atu hamuwika; nwalulike ha kulikungulula. Nehenu tushinakaji; kungululenu twanuke ni ana a kemba nawa. Chibwe waze maachilimbata chaatamba kuhichika mazuwo jo ni kwiza.

MUKANDA USANDU WA ZAMBI 1975

¹⁶ Kungululenu e atu; Selenu chikungulwila ku usandu; kungululenu makulwana; kungululenu ana, hamwe ni akwa kwamwa. Sandungi akatuke ku chipatulo chenyi, ni ndungi akatuke ku zuwo lienyi.

Joele 2:16 Iomraidhean Croise

2 Sango Ja Mianangana 20:13

Malunga eswe ja Yuda, hamwe ni mapwo ni ana jo, te kaanamana kulutwe lia zuwo lia Zambi.

2 Sango Ja Mianangana 29:5

yahanjeka no kwekuze. Yaamba ngwenyi: “Yenu Alevi libemesenu ni lie zuwo lia Mwene Zambi, Zambi ya tushakulu twenu. Chizenu mu zuwo lia Zambi yuma yeswe ya luchisa.

2 Sango Ja Mianangana 30:17

Atu anji te kaahashile kushiha ana mapanga a chiwanyino cha Kubalika mumu te kanda achilibemesa. Kashika Alevi aashihile mumu hali ayo ni kukunjika e mapanga kuli Mwene Zambi.

2 Sango Ja Mianangana 30:19

“Aa Mwene Zambi, Zambi ya tushakulu twetu, konekena kama atu eswe waze anakuwayila ni mbunge yeswe, chibwe kanda achilibemesa.”

2 Sango Ja Mianangana 35:6

Chanutamba kushiha mapanga ni pembe a chiwanyino cha Kubalika. Haliabwila libemesenu ha kululika milambu hanga usoko wenu Asraele afunge Shimbi jize Mwene Zambi ahanyine kuli Mose.”

Jobe 1:5

Muze matangwa a yiteleka haamanunuka, Jobe malimeneka ni kulambula milambu yakwocha hali mwana mweswe ni kwaabemesa, mumu Jobe yanyonga ngwenyi: “Hanji ana jami haavulumuna, hanji haatuka Zambi, te kaachizangile.” Chino te kakuchilinga matangwa eswe.

Miaso (Masamu) 19:5

Kuliakutuhuka chichamene mu zuwo lialio ngwe sandungi; kulili ngwe mutu yoze unazomboka ni chiseke.

Kutuhuka 19:10

Mwene Zambi yamwamba ngwenyi: “Yako ulweze atu alijilike musono ni hamene ha kunguwayila. Chaatamba kukosa mahina jo.

Kutuhuka 19:15

mba Mose yaamba ngwenyi: “Lijilikenu hakutwala ku tangwa lia hamene alize, kanda nulimona ni mapwo jenu.”

Kutuhuka 19:22

Chibwe mahako ja Zambi, waze akukundama kuli yami Mwene Zambi, alijilike. Nyi ka, mungwamwesa lamba.’ ”

Joele 1:14

Tambikenu Chikungulwila cheswe; kungululenu makulwana eswe ni Ayuda akwo eswe mu zuwo lia Mwene Zambi, Zambi yenu. Hanenu Shimbi ya kulitwamina kulia hanga nulile kuli Zambi.

Mateu 21:16

No yaambila Yesu ngwo: “Unevuko yize anambe?” Yesu ngwenyi: “Ewa, kanawa. Kunwatangile nilimwe tangwa mu Mukanda wa Zambi ngwo: ‘Mu makanwa ja twanuke ni waze akwamwa mumutuhuka uhaliso,’ nyi?”

Mateu 9:15

Yesu yaakumbulula ngwenyi: “Masepa ja sandungi maahasa kunenganyana shimbu sandungi uchili hamwe no, nyi? Ka! Alioze tangwa mulikeza muze maakachiza sandungi, mba maakalitwamina kulia.

1 Korintu 7:5

Yena pwo chibwe lunga, kanda nuhandununa mihela, shina muze hinwalitesa kulemba kuli Zambi ha shimbu limwe likepe. Alioze kulutwe bwenu nawa hamuwika. Nyi ka, tangwa likwo kunuchi kuhasa kuliyula, munulimbuka mu yeseko ya Sakwonga.

Yoshua 7:13

Katuka! Ujilike atu, alilulike ni kwiza ku meso jami. Alweze alilulike ni kulitakana ni yami hamene, mumu yami Mwene Zambi, Zambi ya Aisraele, nguli ni maliji wano a kwalweza: ‘Aisraele, nuli ni yuma ya Shimbi mukachi kenu yize nanwambile mu kuyonwona! Kunwahashile kujikiza ni kulimika ni akwa kole jenu ndoo hinwachiza yuma yize!’

Yoshua 8:35

Yoshua yatanga Shimbi jeswe ja Mose ku meso ja atu. Mu mbunga yimubwa mapwo, ni ana, ni njize waze te atwama mukachi ko.

1 Samuel 16:5

Iye ngwenyi: “Ewa, nguneza ni kulambula Mwene Zambi mulambu.” Yambila nawa Jese ni ana jenyi a malunga alijilike, yaalakenya aye nenyi ni kulambula mulambu.