Joele 2:14 - Mukanda Wa Zambi 1970

¹⁴ Tangwa likwo Mwene Zambi, Zambi yenu, malumuna kama manyonga jenyi, ni kunuwahisa ni mbuto yinji. Mba munuhasa kumulambula mbuto ni vinyu.

MUKANDA USANDU WA ZAMBI 1975

¹⁴ Iya kananyingika? Hanji malumuka nikulikonyeka, nikuhichika chiwape chimwe kunyima yenyi; chipwe mulambu wa wunga, hanji mulambu wa kunwa kuli Yehova Zambi yenu.

Joele 2:14 Iomraidhean Croise

2 Samuel 12:22

Mwanangana ngwenyi: “Chenacho, nalilile ni kujila kulia muze te mwana uchili ni mwono. Yingunyonga ngwami, hanji Mwene Zambi manguvwila kama keke, mwana kechi kufwa,

2 Samuel 16:12

Kunwanyingikine hanji Mwene Zambi matala lamba liami n manguwahisa mumu ha kushililika chenyi.”

1 MIANANGANA 19:4

Mwanangana wa Asuria hatuma mwata wenyi wa lutwe ni kushililika Zambi ya mwono. Mwene Zambi, Zambi ye, evwe kama kushililika chino, amwese lamba waze achamba. Kashika atu jetu waze haasala ho, alembelenu Mwene Zambi.”

Kutuhuka 32:30

Muze hikwacha Mose yambila atu ngwenyi: “Kunwavulumuna kuhiana. Alioze haliabwila ngunakanduka nawa ha mulundu kuli Mwene Zambi, hanji mangwivwa ha kunukonekena mulonga wenu.”

Izaya 65:8

Mwene Zambi kanambe ngwenyi: “Mutu niumwe wakwonona mihuko ya vinyu, alioze kakulinga nayo vinyu. Chichi kwonona atu jami eswe, mungukalamwina waze akungulingila.

Jeremia 18:8

Alioze nyi vungu lize muliecha kulinga yibi, ni yami chichi kwalinga yibi.

Jeremia 26:13

Chanutamba kwalumuna ndako jenu ni yuma yize nwakulinga, ni kwononokena Mwene Zambi, Zambi yenu. Nyi nwachilinga, mba neye malumuna mbunge yenyi hakutwala ku kwonona chize anambe kunukokela.

Jeremia 26:3

Hanji atu maabanjika kama ni kwehuka majila jo abi. Nyi ngwe achilinga kama, mba mungwalumuna mbunge yami hakutwala ku kwonona chize hinabatula hali ayo mumu ha ungulungulu wo.”

Joele 1:13

Yenu mahako nwakulinga milimo ku yilumbilo. Zalenu mianji, lilenu! Yeenu mu zuwo lia Zambi nunongame ni kulila mumu kunushi ni mbuto chibwe vinyu yakulambula Zambi.

Joele 1:16

Makumbi heenyeka mbuto ku meso jetu. Uwahililo wakuhi mu zuwo lia Zambi yetu.

Joele 1:9

Kukushi mbuto chibwe vinyu yakulambula mu zuwo lia Zambi; mahako kaakulila mumu keeshi milambu ya kulambula Zambi.

Amose 5:15

Vutwokelenu yibi, zangenu yibema, kolesenu ubatwilo wa ululi mu yota. Hanji Mwene Zambi Mukwa Ndundo Jeswe mevwila keke masalila a chifuchi chino.

Yona 1:6

Mwata wa ulungu yamuwana, yamwamba ngwenyi: “Mukwetu, mumu yika yena unabombo? Hinduka ulembe kuli Zambi ye hanga atukwase. Hanji matuvwila kama keke, atulamwine.”

Yona 3:9

Iya Unanyingika, hanji Zambi malumuna manyonga jenyi, ni kwecha kutenuka, hanga kutuchi kukuwa!”

Zefania 2:3

Tewulukenu kuli Mwene Zambi, yenu eswe akwa kulikehesa a mu chifuchi, yenu waze nwakwononokena Shimbi jenyi. Lingenu yibema, likehesenu ku meso ja Mwene Zambi. Tangwa likwo kechi kunumwesa lamba ha tangwa lia ufwatulo wenyi.

Hagai 2:19

Chibwe kukwasalile mbuto niyimwe, chibwe yichakata ya vinyu, ni mitondo ya mikuyu, ni mihuko ya grenade, ni mitondo ya olive kanda yichima mihuko, hindu mungunuwahisa.”

2 Timoteu 2:25

Chamutamba kulongesa akwa pami ni uhomboloji. Tangwa likwo Zambi makaaha tangwa lia kwalumuka ku mbunge ni kunyingika umwenemwene.

Yoshua 14:12

Kashika haliabwila, ngwehenu chifuchi cha milundu chize Mwene Zambi angulakenyena, yami ni atu jami, ha tangwa lize twalumbunwine sango ja che chifuchi. Twanulwezele ngwetu, vungu lia atu asuku asuku waze te akuvuluka ngwo, Anake, atwama mu membo a kukoleka. Ngunanyongo Mwene Zambi mangukwasa ni kwatuhwisa mu chifuchi, nikulita ni liji lienyi.”

1 Samuel 6:5

Lingenu tuponya a yivunda ni a tumbi waze anabihisa chifuchi chenu. Lemesenu Zambi ya Aisraele, hanji mecha kunumwesa lamba, yenu ni mazambi jenu, ni chifuchi chenu.