Joele 2:13 - Mukanda Wa Zambi 1970

¹³ Kanda nutanuna mahina jenu; alioze Sololenu yinyengo ya mu mbunge.” Hilukenu kuli Mwene Zambi, Zambi yenu, mukwa utu ni mukwa keke. Kali chihumikiji, kakumanununa yilakenyo yenyi; matangwa eswe kakululika kukonekena, hi kumwesa ko lamba.

MUKANDA USANDU WA ZAMBI 1975

¹³ Sonyenu mbunge jenu, hi mazalo jenu ko. Tewulukilenu kuli Yehova Zambi yenu, mumu iye mukwa vumbi, wa tò ni keke, makoke kutenuka, mukwa kulumbamisa utu wa zango, kakulikonyeka ha chuma chikalu.

Joele 2:13 Iomraidhean Croise

Ubutukilo 37:29

Muze Rubene hahiluka kwe ku wina, kuwana Josefe keshimo, yachanuna mahina jenyi mumu ha chinyengo.

Ubutukilo 37:34

Yakoba yachanuna mahina jenyi, yazala mwanji, mumu ha chinyengo chenyi. Yalila mwanenyi matangwa anji.

2 Samuel 1:11

Hohene David yatanuna mahina jenyi ni chinyengo, ni malunga waze abwile ko no eswe yaalinga chizechene.

1 Yitanga Ya Mianangana 21:27

Muze Ahabe hevwa maliji waze, yatanuna mahina jenyi, yaazula, yazala mwanji, yalitwamina kulia, yabomba ha mwanji, yendangana ni chinyengo kuhiana.

1 MIANANGANA 22:11

Muze mwanangana hevwa maliji a we mukanda yatanuna mahina jenyi ni kubihilila.

1 MIANANGANA 22:19

hiwalumuka ku mbunge, hiwalikehesa ku meso jami nikutanuna mahina je nikulila, muze hiwevwa ngwe chize ngunambe kumwesa akwa Yerusaleme lamba. Limbo lia Yerusaleme mungulipwisa liahululu, atu maalivuluka mu kulishinga cho. Alioze hinevwa kulemba che,

1 MIANANGANA 5:7

Muze mwanangana wa Israele hatanga we mukanda, yatanuna mahina jenyi ni wuli ngwenyi: “Mumu yika mwanangana wa Siria hangwamba ha kuwuka mutu yono? Kananyongo ngwenyi, yami nguli Zambi yoze ukwete chiyulo cha kushiha ni kupwisa ni mwono, nyi? Ngwami, Vunda anafupu kuli yami!”

1 MIANANGANA 6:30

Mwanangana, hakwivwa chino, yevwa chinyengo, yatanuna mahina jenyi. Atu waze abwile ko yaatala, kuma mwanangana kanazala mwanji mukachi.

2 Sango Ja Mianangana 6:27

aa Mwene Zambi, yena mwene mwilu hibanjika, ukonekene kama tuvumbi twe Aisraele milonga yo, waalongesa kulinga yize yinalite. Mba unokese vula muno mu chifuchi che, chize waahele chihinga cha miaka yeswe.

Nehemia 9:17

Koononokene ko, keewulukile ko yilayi yeswe yize walingile hakachi ko. Mu kulengumuka cho yaatongola umwe tetekeli aahilwise nawa mu undungo mu Egiptu. Alioze yena uli Zambi yoze wakukonekena atu; uli mukwa utu ni zango, kuushi kutenuka nikawashi. Keke ye yili yinji, kuweehukile ko.

Jobe 1:20

Jobe yakatuka, yatanuna nahina jenyi ni chinyengo. Yatewula kawewe, yafulamana,

Miaso (Masamu) 103:8

Mwene Zambi kakuzanga atu, kakwevwila keke. Keshi kutenuka nikawashi; kaakwazanga ni zango lize kulishi kuhwa.

Miaso (Masamu) 106:45

Yanyonga Usendo uze akolesele no, yalumuna mbunge yenyi mumu ha zango lienyi liahiana.

Miaso (Masamu) 34:18

Mwene Zambi kali hehi ni waze haahonga, kakulamwina waze akwivwa kubiha kuhiana.

Miaso (Masamu) 51:17

Aa Zambi, mulambu wami uli mbunge ya kulikehesa; yena kuushi kulelesa mbunge ya kulikehesa ni ya chinyengo.

Miaso (Masamu) 86:15

Alioze yena Mwene Zambi, uli Zambi ya keke ni zango; kuushi kutenuka nikawashi, alioze wakulweza atu utu, wakumanununa yeswe yize wakwamba.

Miaso (Masamu) 86:5

Mwene Zambi, yena wakutulinga kanawa, wakutukonekena; zango lie kulishi kuhwa kuli waze akukuwayila.

Izaya 57:15

“Nguli Zambi Munangi, wa Mwilu Mwahiana, Zambi wa miaka yeswe. Kunatwama homa hanangama ha chijila, alioze kunatwama nawa hamwe ni waze akulikehesa ni kwalumuka ku mbunge. Nakuchilinga ni kwahuzulula mbunge.

Izaya 58:5

Muze nwakulitwamina kulia, nwakulimwesa lamba yenwene; nwakuhetamisa mitwe yenu ngwe mbungu, ni kuzala mwanji ni kulimwangina uto. Ngwami, yenayo nwakuluka ngwenu, kulitwamina kulia, nyi yeka? Nunanyongo ngwenu, nakuwahilila ni ndako ngwe yize, nyi?

Izaya 66:2

Kwoko liami kuliatangile yuma yeswe, nyi? Nakuwahilila ni waze akulikehesa ni akwalumuka ku mbunge, waze akungulemesa ni kungwononokena.

Jeremia 36:7

Hanji maalemba kuli Mwene Zambi, ni kuhichika ungulungulu wo, mumu Mwene Zambi kanambe kumwesa atu wano lamba mu utenu ni ufwatulo wenyi.”

Jeremia 41:5

malunga makumi nake a ku membo ja Shekeme, ni Shilo, ni Samaria yaaheta. Te haatewula wevu ni hachanona mahina jo, ni kulilemeka. Te kaanambata mbuto ni yuma ya vumba libema ya kulambula mu zuwo lia Zambi.

Jeremia 42:10

‘Nyi nunazange kutwama mu chifuchi chino, mungunutakamisa, chichi kunumwanga; mungunukolesa, chichi kunumwesa lamba. Mumu kufwa chize nanushihile chinanguvwisa chinyengo kuhiana.

Ezekiel 9:4

“Yako mu limbo lieswe lia Yerusaleme, ufunjike ha mahina ja eswe waze akunenganyana ni kulibikala mumu ha yuma yeswe ya kuzelwokesa yize atu akulinga mu limbo.”

Hosea 14:1

Aa Aisraele, hilukenu kuli Mwene Zambi, Zambi yenu. Shili yenu yinanutalingisa ni kunulimbwisa.

Yona 3:9

Iya Unanyingika, hanji Zambi malumuna manyonga jenyi, ni kwecha kutenuka, hanga kutuchi kukuwa!”

Yona 4:2

Yamba ngwenyi: “Mwene Zambi, cheka naliangile kwamba muze nabwile mu chifuchi chami, ngwami, kuuchi kwonona Aninive, nyi? Kashika nanyongene kuchinyina ku chifuchi cha Espanye! Te ngunanyingika ngwami, yena uli Zambi ya zango ni keke, matangwa eswe uli chihumikiji kanda mukwa utu, wakwalumuna nikawashi manyonga, wakwecha kumwesa lamba.

Mika 7:18

Aa Mwene Zambi, kukushi zambi mukwo walifwa ngwe yena. Wakukonekena milonga ya atu je waze asalile ni mwono. Kuushi kutenuka ku miaka yeswe, alioze wakuwahilila ni kutulweza zango lie lize kulishi kuhwa.

Nahume 1:3

Mwene Zambi keshi kutenuka nikawashi, alioze kali mukwa ndondo, keshi kusambisa waze anahi, nihakepe. Kuze anendela Mwene Zambi, kwakubalika chijimbi; malelwa kaakubwa fufuta ku yiliato yenyi!

Kwalula 14:18

‘Yami Mwene Zambi Chishi kutenuka nikawashi, nakuzanga atu kuhiana. Nguli mukwa kushishika, nakukonekena akwa shili ni akwa uhulia. Hindu Chishi kulitwamina kumwesa ana ni ajikulu ni tukwatambuli lamba mumu ha shili ya atato.’

A-ROMA 2:4

Hanji unalelesa kulumbama cha utu wa Zambi, ni uhumikizo ni uhomboloji wenyi, nyi? Kuwanyingikine ngwe, utu wa Zambi unatambe kukutwala ku kwalumuka cha mbunge ye, nyi?

Efesu 2:4

Alioze Zambi watuvwilile keke yinji ni zango linji.

1 Timoteu 4:8

Ku kolesa cha mujimba chakukwasa ha yuma yikepe. Alioze kulikolesa ha yuma ya uzambi chinahiana yuma yeswe. Mumu kuyakutwaha chilakenyo cha mwono wa haliabwila ni cha uze muwiza ho.