Joele 2:12 - Mukanda Wa Zambi 1970

¹² Mwene Zambi ngwenyi: “Chibwe chocho, alumukenu ku mbunge nuhiluke kuli yami nujile kulia, nulile ni kunenganyana.

MUKANDA USANDU WA ZAMBI 1975

¹² Hindu chipwe haliapwila Yehova kanambe ngwenyi, Tewulukilenu kuli yami ni mbunge jenu jeswe, ni kulitwamina kulia, ni kulila, ni kulishimwoka.

Joele 2:12 Iomraidhean Croise

2 Samuel 24:10

Muze mwanangana halula e atu, yabutuka kulibikala mu mbunge, yaliondela kuli Mwene Zambi ngwenyi: “Navulumuna mulonga unene Wahiana muze nalinga Chuma chino! Nalemba ngukonekene kama mwane. Nalinga uhepuke.”

2 Sango Ja Mianangana 30:6

Mba e tunganda yaaya ni mikanda ya mwanangana ni ya akwa kuyula mu Israele mweswe ni mu Yuda mweswe ngwo: “Yenu Aisraele, chibwe Aasuria haanukumba, hindu nwasala ni mwono. Haliabwila hilukenu kuli Mwene Zambi, Zambi ya Abrahama, ni Isake, ni Israele.

2 Sango Ja Mianangana 6:27

aa Mwene Zambi, yena mwene mwilu hibanjika, ukonekene kama tuvumbi twe Aisraele milonga yo, waalongesa kulinga yize yinalite. Mba unokese vula muno mu chifuchi che, chize waahele chihinga cha miaka yeswe.

Estere 4:16

“Yako ukungulule Ayuda eswe a mu Shushane. Alitwamine kulia ni kungulembela kama. Kanda nulia chimwe Chuma hanji kunwa matangwa atatu. Ni yami ni tuvumbi twami a mapwo mutulinga nawa chizechene. Mba munguya kuli mwanangana, chibwe kuchalitele ni Shimbi. Chibwe kufwa, mungufwa.”

Kutuhuka 33:5

Mumu Mwene Zambi hambila Mose alweze Aisraele ngwenyi: “Nuli ni mbunge jikalu. Nyi naya nenu chibwe shimbu likepe, mungunwonona liakulu. Haliabwila zulenu yuma yenu ya uhenya, hanga ngumone chize mungunulinga.”

Izaya 22:12

Ha tangwa lize Mwene Zambi Mukwa Ndundo Jeswe anutambikile ni kulila, ni kulishimwoka, ni kutewula kambu jenu, ni kuzala mianji.

Izaya 58:4

Kulitwamina kulia chenu chakunukokela kuzwela ni kulitacheka ni kulilamba kome. Nunanyongo ngwenu, ndako yenu ya kulitwamina kulia muyingukolesa kubanjika ku kulemba chenu, nyi?

Jeremia 3:22

Hilukenu, yenu eswe waze nwehukile Mwene Zambi, kumanuwuka, manupwisa akwa ululi. Nwakwamba ngwenu: “Ewa, tuneza kuli Mwene Zambi, mumu kali Zambi yetu.

Jeremia 36:7

Hanji maalemba kuli Mwene Zambi, ni kuhichika ungulungulu wo, mumu Mwene Zambi kanambe kumwesa atu wano lamba mu utenu ni ufwatulo wenyi.”

Jeremia 4:1

Mwene Zambi kanambe ngwenyi: “Yenu Aisraele, nyi nunazange kwalumuna, alumukenu nuhiluke kuli yami. Nyi nwambila mahamba waze nakuvutwokela ni kushachila hali yami,

Jeremia 4:2

mba muchilita kuli yenu kulishinga ni jina liami. Hohene mavungu eswe maanguhula ngwawahise, mba maanguchichimieka.”

Ezekiel 33:11

Alweze ngwe, mwe yami Mwene Zambi, Chishi kuwahilila nyi Chivulumunyi wafwa. Ngunazange kachi alitwamine yibi yenyi, abwe ni mwono. Alumukenu ku mbunge! Alumukenu ku mbunge vungu lia Israele, mumu yika nunazange kufwa?”

Daniel 9:3

Yinguliumba kuli Mwene Zambi ni chinyengo, nikumulembela, nikulitwamina kulia, nikuzala mwanji, nikulimwangina uto.

Hosea 12:6

Kashika yenu vungu lia Yakoba hilukenu kuli Zambi, shachilenu hali iye. Bwenu akwa kushishika ni akwa ululi, nushimbwile ni uhumikizo ndoo ni muze Mwene Zambi malinga chize anapale.

Hosea 12:7

Mwene Zambi kanambe ngwenyi: “Aisraele kaakuhengesa ngwe akwa Kanana; kaakuzanga kusepa ubite wo ni pezo ja mahuza.

Hosea 14:1

Aa Aisraele, hilukenu kuli Mwene Zambi, Zambi yenu. Shili yenu yinanutalingisa ni kunulimbwisa.

Hosea 6:1

Aisraele kaanambe ngwo: “Tuhilukenu kuli Mwene Zambi! Hatulamba, alioze kumatuwuka; hatulemeka yilonda, alioze kumayikasa. Hi chocho ko, nyi?

Joele 1:13

Yenu mahako nwakulinga milimo ku yilumbilo. Zalenu mianji, lilenu! Yeenu mu zuwo lia Zambi nunongame ni kulila mumu kunushi ni mbuto chibwe vinyu yakulambula Zambi.

Zakaria 7:3

ni kuhula mahako ni akwa munanyi chihula chino ngwo: “Chatutamba kunyongonona ni kulila ni kulitwamina kulia ha kakweji wa muchitano ngwe chize twakulinga ndoo ni musono, mumu akwa kole haanabuzula zuwo lia Zambi, nyi?”

Zakaria 7:5

ngwenyi: “Lweza atu a mu chifuchi ni mahako a Zambi ngwe: ‘Muze te nwakulitwamina kulia ni kunenganyana ha kakweji wa muchitano ni wa muchishimbiali ha miaka yino makumi shimbiali, te nwakuchilinga hanga nungulemese, nyi?

Malaki 1:9

Yenu mahako, esekenu kulemba kuli Zambi atuvwile kama keke. Kechi kunukumbulula, mumu ha yitela yenu.

Yilinga 26:20

Alioze hatangu yingwambujola mu Damasku ni mu Yerusaleme, mba mu chifuchi cheswe cha Yudea, ni mukachi ka waze hi Ayuda ko. Yingwambujola ngwami: ‘Alumukenu ku mbunge, nutewulukile kuli Zambi. Nulinge yitanga yize yinalweze kwalumuka cha ku mbunge.’

Akwa Kuyula 2:4

Muze kanganda ka Mwene Zambi mwilu hamba chino, Aisraele eswe yaalila mbimbi.

Akwa Kuyula 20:26

Mba Aisraele eswe yaaya ku Betele ni kulinyenga. Yaalila kuli Mwene Zambi, kaalile ko Chuma nichimwe ndoo ku chingoloshi. Yaalambula milambu ya kulivwa ni Zambi, ni yoocha yimwe milambu yikwo, yiiwema upu.

1 Samuel 7:3

Samuel yambila Aisraele ngwenyi: “Nyi munuhiluka kuli Mwene Zambi ni mbunge jenu jeswe, chizenu mazambi eswe a yilambala hakachi kenu, ni mahamba ja zambi wa pwo Astarte. Likunjikenu liakulu kuli Mwene Zambi ni kumulingila iye wika. Mba makanulamwina ku moko ja Afilistia.”

1 Samuel 7:6

Chenacho alikungulwile eswe ku Mizpa. Yaataha meya, yaazujila hashi ku meso ja Mwene Zambi ngwe mulambu, yaalitwamina kulia ha lie tangwa lize, yaamba ngwo: “Hitwavulumuna Mwene Zambi.” (Ku Mizpa kwenako te Samuel akubatwila milonga ya Aisraele.)