Joele 2:11 - Mukanda Wa Zambi 1970

¹¹ Mwene Zambi kakutuma tujita twenyi ni liji lia tachi ngwe kukulunguza cha vula. Tujita twenyi waze anamwononokena kaali anji, kaali ni tachi. Lamba linji mulikabwa ha tangwa lia Mwene Zambi! Iya mahasa kujikiza?

MUKANDA USANDU WA ZAMBI 1975

¹¹ Mba Yehova kakuhanjika lundunjila kulutwe lia tujita twenyi. Mumu chizavu chenyi cha tujita chinene, ni waze mamanununa shimbi jenyi akwa tachi. Mumu tangwa lia Yehova linene; kole ni mwongo! Iya malihasa?

Joele 2:11 Iomraidhean Croise

Miaso (Masamu) 18:14

Yasa mivwi yenyi, yamwanga akwa kole jenyi, yaahanga ni mihenyo ya njaji.

Miaso (Masamu) 46:6

Akwa mavungu kaanevu woma, mawanangana kaananyiki, Zambi kanakulunguza, hashi hanasangunuka.

Miaso (Masamu) 68:18

Muze azezukile mwilu yatwala funge hamwe nenyi, yatambula yawana kuli atu, chibwe kuli yingulungulu, Mwene Zambi makatwama ko ndoo ku miaka yeswe.

Izaya 13:4

Banjikenu chizungozungo ha milundu, liji linene linakalumioka mukachi ka atu, liji lia mavungu ni mawanangana waze analikungulula. Mwene Zambi wa tujita kanalulika tujita twenyi ase jita.

Izaya 42:13

Mwene Zambi kanatuhuka ngwe kajita wa tachi; halilulika kulu ase jita. Kanakololoka, kanakalumioka ni kwasa jita; kanasolola ndundo jenyi ni kulimika ni akwa kole jenyi.

Izaya 7:18

“Ha matangwa waze, Mwene Zambi makatambika akwa Egiptu ni muluzu ngwe chinyingi. No kumeeza ngwe jiji ku yito ya lwiji Nile. Makatambika nawa Aasuria, no meeza ku chifuchi cho ngwe puka.

Jeremia 25:30

“Yena Jeremia, chatamba kwambujola maliji eswe waze hinahanjika. Chatamba kulweza atu wano ngwe: ‘Mwene Zambi mahanjika ni kukulunguza mwilu, mahanjika ni liji lia tachi mwilu. Kumakulunguza ni kulimika ni atu jenyi; kumakololoka ngwe mutu yoze unaliate mihuko ya vinyu. Akwa hashi eswe kumaamwivwa,

Jeremia 30:7

Tangwa lia lamba hiliakundama; kukushi tangwa likwo lize mulilifwa nalio. Lili tangwa lia lamba lia atu jami, alioze keechi kwoonona liakulu.”

Jeremia 50:34

Alioze yoze makaakula kali ni tachi kuhiana, jina lienyi Mwene Zambi Mukwa Ndundo Jeswe. Mwenawo mabatula milonga yo ni kuneha uhwimino hashi, alioze makamwesa Ababilonia lamba.”

Ezekiel 22:14

Nunanyongo ngwenu, munubwa nawa ni hamu hanji ni tachi muze mungukamanununa kunumwesa lamba, nyi? Yami Mwene Zambi nachamba, mungukamanununa maliji jami.

Joele 1:15

Mama yami! Tangwa lia Mwene Zambi hiliakundama; tangwa lize Mukwa Ndundo Jeswe meza nikwonona. Mwongo kuhiana!

Joele 1:6

Chizavu chinene cha makumbi hicheza mu chifuchi chetu; kaali ni tachi, kaali anji, kuhasa ka kwalula; mazo jo kaambuka ngwe mazo ja tambwe.

Joele 2:1

Humunenu chitavwi, twenu milolo ha Zione, mulundu wa chijila cha Zambi, mumu ha lamba lize mulikeza. Yenu Ayuda Chikimenu! Tangwa lia Mwene Zambi mulikeza susumuku.

Joele 2:2

Mulikabwa tangwa lia milima ni chinyengo, kwilu mukukalauluka ni malelwa bwii. Chizavu chinene cha tujita kaaneza ngwe milima hiyalitanda ha milundu. Chuma chino haanga te kanda chibwa kama, kuchichi kwiza kubwa nawa.

Joele 2:25

Mungukanuhilwishila yize nwatokesele ha miaka yize makumbi alile mbuto yenu. Yami nanutuminyine yizavu ya makumbi ngwe tujita.

Joele 2:31

Tangwa mulikalaa, ni kakweji makachila ngwe manyinga. Tangwa lia Mwene Zambi mulikeza, tangwa linene ni lia mwongo.

Joele 3:14

Tununu ni tununu kaali mu chikulo cha Ubatwilo. Mumu tangwa lia Mwene Zambi lia kubatwila atu hiliakundama.

Joele 3:16

Mwene Zambi kanakulunguza ha mulundu wa Zione; liji lienyi linahiohio ku Yerusaleme; hashi ni lilu yinanyiki. Alioze kumakafunga atu jenyi.

Amose 1:2

Mukwa munanyi wa Zambi Amose kanambe ngwenyi: “Mwene Zambi kanakulunguza ha mukinda wa Zione, liji lienyi linahiohio ku limbo lia Yerusaleme. Mwambu wa yimuna hiwoma, mashinde ha mulundu wa Karmele haachiluluka.”

Amose 5:18

Lamba lienu, yenu waze nwakuzanga tangwa lia Mwene Zambi! Yibema yika munukamona ha tangwa lize? Mulikabwa tangwa lia milima, hi lia pangu ko.

Amose 5:20

Tangwa lia Mwene Zambi mulikabwa milima, hi Pangu ko. Mulikabwa milima yinji, hi mwalwa ko.

Obadia 1:15

Mwene Zambi kanambe ngwenyi: “Tangwa hiliakundama, mungubatwila mavungu eswe. Yenu Aedome, yize nwalingile akwenu, ni yenu maanulinga yo. Maanuhilwishila yize nwahanyine.

Nahume 1:6

Nyi Mwene Zambi hatenuka, iya mahasa kubwa ni mwono? Iya mahasa kulihumikiza ni ufwatulo wenyi? Utenu wenyi uli ngwe kahia mawe kaakubuzuka ku meso jenyi.

Malaki 3:2

Alioze iya makahasa kujikiza ha tangwa lize? Iya makahasa kubwa ni mwono muze makasoloka? Kumakabwa ngwe savo (sabau) ya tachi, hanji ngwe kahia kaze kakubemesa utale.

Kwalula 24:23

Balame yahanjika munanyi uno ngwenyi: “Atu waze anakunguluka ku sali lia norde, aya?

1 Tesalonika 4:16

Mumu Mwene Yesu iye mwene makahulumuka ni kukololoka ni liji lia Shimbi, ni liji lia kanganda ka mwilu wa lutwe, ni liji lia chitavwi cha Zambi. Mba waze afwile kulu, te afuliela Yesu, maakalianga kuhinduka.

Usolwelo 18:8

Kashika lamba lienyi kumulikeza ha tangwa limuwika: Kufwa, ni yinyengo ni zala. Makamwocha ni kahia. Mumu Mwene Zambi, yoze unamubatwila kali ni ndundo.”

Usolwelo 6:17

Mumu tangwa lio lia utenu hilieza, mba iya mahasa kumana?”