Joele 2:10 - Mukanda Wa Zambi 1970

¹⁰ Kulutwe lio hashi haananyiki; lilu linachikima. Tangwa ni kakweji yinalaa bwii, matongonoshi haajilala.

MUKANDA USANDU WA ZAMBI 1975

¹⁰ Kumeso jo hashi kuhakunyika, ni lilu kunakuchikima. Tangwa ni kakweji kakulá, ni matongonoshi kakulitwamina kutemuka.

Joele 2:10 Iomraidhean Croise

Miaso (Masamu) 114:7

Yena hashi, chikima, Mwene Zambi kaneza, chikima ku meso ja Zambi ya Yakoba,

Miaso (Masamu) 18:7

Mba hashi yihanyika ni kuchikima, milundu yiinyika ni kuchikima, mumu ha utenu wa Zambi!

Izaya 13:10

Matongonoshi eswe a mwilu ni mbunga yo yeswe kuyichi katemuka nawa; tangwa mulikalaa muze linavumbuka, ni kakweji kechi katwa nawa mieji.

Izaya 34:4

Tangwa, ni kakweji, ni matongonoshi muyikalifwita mu fufuta. Lilu mulikajimuka ngwe mukanda wa kuvunga, ni matongonoshi maakaholoka ngwe chize mafwo akuholoka ku mutondo wa vinyu hanji wa mukuyu.

Izaya 5:30

Muze tangwa lize mulikeza, maakakenanyina Aisraele ngwe lundunjila wa kalunga lwiji. Achitalenu chifuchi chino! Milima ni kubinda! Pangu linalaa!

Jeremia 4:23

Natalile hashi, yingumona hamokomoko, hahululu; natalile kwilu, pangu kulishiko.

Joele 2:2

Mulikabwa tangwa lia milima ni chinyengo, kwilu mukukalauluka ni malelwa bwii. Chizavu chinene cha tujita kaaneza ngwe milima hiyalitanda ha milundu. Chuma chino haanga te kanda chibwa kama, kuchichi kwiza kubwa nawa.

Joele 2:31

Tangwa mulikalaa, ni kakweji makachila ngwe manyinga. Tangwa lia Mwene Zambi mulikeza, tangwa linene ni lia mwongo.

Joele 3:4

“Yenu akwa membo ja Tiru ni Sidone, ni yenu akwa yifuchi ya Afilistia, yika nunambe kungulinga?

Amose 5:8

Mwene Zambi watangile matongonoshi; Kungulwila ni Muta ni Kawa. Kakwalumuna milima kubwa Pangu, Mwalwa kubwa ufuku. Kakutambika meya a mu kalunga lwiji ni kwamwangina hashi. Jina lienyi; Mwene Zambi.

Nahume 1:5

Milundu yinanyiki ku meso ja Mwene Zambi; mindundena yinasangunuka. Hashi hanachikima ni atu eswe waze atwama ho muze Mwene Zambi anasoloka.

Mateu 24:29

“Hazehene, kulutwe lia lamba lia matangwa waze, tangwa mulikalaa, kakweji kechi katwa nawa mweji, matongonoshi maakaholoka kwilu, ni ndundo ja mwilu mujikanyikumuka.

Mateu 27:51

Ha shimbu lizeliene, chikalakala cha hina cha mu zuwo lia Zambi yichibulika mukachi, chize kwilu ndoo hashi. Hashi yihanyika, mawe yaabulika,

Yilinga 2:20

Tangwa mulikalaa, kakweji makachila ngwe manyinga, mba Tangwa lia Mwene Yesu mulikeza, tangwa linene ni lia uhenya.

Usolwelo 20:11

Mba yingumona chitwamo chitoma chinene cha wanangana ni yoze watwamine ho. Hashi ni lilu yiichina ku meso jenyi, kaayimwene ko nawa.

Usolwelo 6:12

Mba yingumona Mwana Panga kanakasulula chijikilo cha muchisambano. Hashi yihanyika kuhiana, tangwa yililaa, ngwe tuku ya hina lia kulinga ni wonawona ulaa. Kakweji yachila liakulu ngwe manyinga.

Usolwelo 8:12

Mba kanganda ka mwilu wa muchiwana yemba chitavwi. Chihanda chimuwika cha ku yihanda yitatu ya tangwa, ni ya kakweji, ni ya matongonoshi yichibwa milima. Kashika Chihanda chimuwika cha ku yihanda yitatu ya ku pangu liayo yeswe yichitoka. Pangu kuliabwile ko ku Chihanda chimuwika cha ku yihanda yitatu ya mwalwa ni ya ufuku.

Usolwelo 9:2

Lutongonoshi yoze yazulula mwe muma mwajotoka. Yimukakumuka mwishi, yiubwa ngwe mwishi uze wakutuhuka mu lutengo wa kahia. Tangwa yililaa, ni fuji yiyalumuka mwishi ha mwishi, wa muma mwajotoka.