Joele 2:1 - Mukanda Wa Zambi 1970

¹ Humunenu chitavwi, twenu milolo ha Zione, mulundu wa chijila cha Zambi, mumu ha lamba lize mulikeza. Yenu Ayuda Chikimenu! Tangwa lia Mwene Zambi mulikeza susumuku.

MUKANDA USANDU WA ZAMBI 1975

¹ Humunenu chitavwi mu Zaione. Tambikenu mutambi mu mulundu wami usandu. Akwa chifuchi eswe achikime, mumu tangwa lia Yehova kulineza, hihapwa hakamwihi.

Joele 2:1 Iomraidhean Croise

1 Sango Ja Mianangana 15:28

Chenacho Aisraele eswe atwalila mushete wa Usendo ku Yerusaleme ni kukololoka ni uwahililo, ni kwimba yitavwi, ni yifwolo, ni tulialia.

Miaso (Masamu) 119:120

Ngunachikima ku meso je; nakwivwa woma ha chize wakubatwila atu.

Miaso (Masamu) 87:1

Mwene Zambi yatunga limbo lienyi ha mulundu wa chijila;

Kutuhuka 10:14

Mazaji a makumbi yaafuka chifuchi cheswe. Mazaji abwa haha kanda aamona kama nilimwe tangwa, ni keechi kaamona nawa.

Izaya 13:6

Lilenu mbimbi! Tangwa lia Mwene Zambi hiliakundama, tangwa lize Mwene Zambi Mukwa Ndundo Jeswe makeza ni kwonona.

Izaya 13:9

Tangwa lia Mwene Zambi kulineza, tangwa lia uswii, ni lia ufwatulo, ni utenu. Hashi muhakabwa ngwe puya, ni yivulumunyi eswe maakonona.

Izaya 2:12

Ha tangwa lize Mwene Zambi Mukwa Ndundo Jeswe makahombola akwa tachi, ni akwa kulengumuka, ni akwa kulisuta eswe.

Izaya 66:2

Kwoko liami kuliatangile yuma yeswe, nyi? Nakuwahilila ni waze akulikehesa ni akwalumuka ku mbunge, waze akungulemesa ni kungwononokena.

Izaya 66:5

Banjikenu yize Mwene Zambi anambe, yenu waze nwakumulemesa ni kumwononokena. Ngwenyi: “Amwe a kuli atu jenu kaakunuvutwokela, mumu nwakushachila hali yami. Kaakunuseha ni kwamba ngwo: ‘Mwene Zambi asolole unene wenyi, anulamwine, mba tumone chize nunawahilila.’ Alioze ayo ene kumaakevwa sonyi!

Jeremia 16:10

“Muze muwalweza yuma yino yeswe, kumaakuhula ngwo, mumu yika Mwene Zambi habatula kutumwesa lamba libwahaha? Kumaakuhula nawa ngwo, yibi yika twalingile Mwene Zambi, Zambi yetu?

Jeremia 16:7

Niumwe kechi kulia hanji kunwa hamwe ni yoze hafwisa hanga amulembejeke, chibwe yoze hafwisa tato hanji naye.

Jeremia 4:5

Humunenu chitavwi mu chifuchi cheswe! Kololokenu chikolo! Lweza Ayuda ni akwa Yerusaleme achinyine ku membo akukoleka.

Jeremia 5:22

Yami nguli Mwene Zambi, mba kuchi kunushi kunguvwila woma? Mumu yika kunushi kuchikima ku meso jami? Hingunase masekeseke ngwe njiza ya kalunga lwiji, njiza yize kalunga lwiji kahashile kubalika. Kalunga lwiji mahasa kubinda, alioze meya keechi kahiana. Miavu muyihasa kulifwita, alioze kuyichi kubalika.

Ezekiel 12:23

Haliabwila alweze chize yami Mwene Zambi hinahanjika hakutwala ku chikuma chize. Mungusa songo lia chishima chize. Keechi kachitata nawa nichimwe mu Israele. Alweze ngwe: ‘Tangwa hiliakundama, ni longeso lia munanyi mulimanunuka!’

Ezekiel 21:12

Mwana mutu yeka mbimbi, mukwale uno muulimika ni atu jami ni miata eswe ja Israele. Kumaashiha ni e masalila ja atu jami. Lilambenu ha tulo ni chinyengo!

Ezekiel 30:3

Tangwa hiliakundama muze Mwene Zambi malinga; tangwa lia malelwa, tangwa lia lamba lia akwa mavungu.

Ezekiel 33:3

Muze mamona akwa kole kaaneza, mba mahumuna chitavwi atoweze atu eswe.

Ezekiel 33:6

Nyi mwe kafunga mamoma akwa kole, hindu kechi kuhumuna chitavwi, akwa kole kumeeza ni kushiha yivulumunyi waze, alioze kufwa chize chili mulonga wa mwe kafunga.

Ezekiel 7:10

Tangwa lia lamba lia Aisraele hilieza. Upupilo hiweza. Kaakulisuta kuhiana.

Ezekiel 7:12

Tangwa hilieza, hiliabwa hakamwihi lize kulanda ni kulanjisa kuyichi kubwa nawa Chuma chilemu, mumu Zambi mamwesa atu eswe lamba.

Daniel 6:26

Ngunase Shimbi ngwami, mu wanangana wami weswe atu eswe evwe woma, alemese Zambi ya Daniel. “Iye kali Zambi ya mwono, mayula ndoo ku miaka yeswe. Wanangana wenyi kuuchi kasula, ndundo jenyi kujichi kahwa nichimwe.

Daniel 9:16

Watuhakwilile ku shakulu, kashika kanda uvwila nawa Yerusaleme ufwatulo. Lili limbo lie kanda mulundu we wa chijila. Atu eswe a mu yifuchi yakusulangana kaakulelesa Yerusaleme ni yetu atu je mumu ha yibi yetu ni ungulungulu uze alingile tushakulu twetu.

Daniel 9:20

Nanyongonona nikulemba, nikushikisa milonga yami ni ya atu jami Aisraele, nikuliumba kuli Mwene Zambi, Zambi yami, hanga atungulule zuwo lienyi lia chijila.

Hosea 5:8

Humunenu yitavwi ya jita mu limbo lia Gibea! Imbenu ha kukanyamisa akwa Rama! Twenu milolo ya jita ku Betele! Malunga ja Benjamine tuyenu mu jita.

Hosea 8:1

Mwene Zambi ngwenyi: “Humunenu chitavwi! Akwa kole kaanahulumuka ha chifuchi chami ngwe tela! Atu jami haashiha Usendo uze nakolesele no, haanakolema Shimbi jami.

Joele 1:15

Mama yami! Tangwa lia Mwene Zambi hiliakundama; tangwa lize Mukwa Ndundo Jeswe meza nikwonona. Mwongo kuhiana!

Joele 2:11

Mwene Zambi kakutuma tujita twenyi ni liji lia tachi ngwe kukulunguza cha vula. Tujita twenyi waze anamwononokena kaali anji, kaali ni tachi. Lamba linji mulikabwa ha tangwa lia Mwene Zambi! Iya mahasa kujikiza?

Joele 2:15

Humunenu yitavwi ha mulundu wa Zione; tambikenu akwa Chikungulwila hanenu Shimbi yakujila kulia!

Joele 2:31

Tangwa mulikalaa, ni kakweji makachila ngwe manyinga. Tangwa lia Mwene Zambi mulikeza, tangwa linene ni lia mwongo.

Joele 3:14

Tununu ni tununu kaali mu chikulo cha Ubatwilo. Mumu tangwa lia Mwene Zambi lia kubatwila atu hiliakundama.

Joele 3:17

“Aisraele, ha tangwa lize munukanyingika ngwenu, yami nguli Mwene Zambi, Zambi yenu. Kunatwama ha Zione, mulundu wami wa chijila. Yerusaleme mulikabwa limbo lia chijila, yilambala hikeechi kalikumba nawa.

Amose 3:6

Muze meemba chitavwi cha jita mu limbo, atu keechi kwivwa woma, nyi? Chuma chikalu muchinjila mu limbo nyi Zambi kachitumine, nyi?

Amose 5:18

Lamba lienu, yenu waze nwakuzanga tangwa lia Mwene Zambi! Yibema yika munukamona ha tangwa lize? Mulikabwa tangwa lia milima, hi lia pangu ko.

Amose 8:2

Mwene Zambi yanguhula ngwenyi: “Amose, yika unamono?” Yingukumbulula ngwami: “Kapaya ka mawundu anahi.” Yangwamba ngwenyi: “Songo lia atu jami Aisraele hiliaheta. Chichi kwalumuna nawa manyonga jami ha kwamwesa lamba.

Obadia 1:15

Mwene Zambi kanambe ngwenyi: “Tangwa hiliakundama, mungubatwila mavungu eswe. Yenu Aedome, yize nwalingile akwenu, ni yenu maanulinga yo. Maanuhilwishila yize nwahanyine.

Zefania 1:14

Tangwa linene lia Mwene Zambi hiliakundama, kulineza nikawashi! Mulibwa tangwa Usasu, chibwe tujita a tachi maalila mumu haalekumuka!

Zefania 1:16

lia zungo lia yitavwi ya jita ni kukololoka cha tujita, ni kulwa membo akukoleka ni mazuwo asuku asuku.

Zefania 1:7

Tangwa lia Mwene Zambi hiliakundama lize Zambi mabatwila atu, kashika twamenu kuluu ku meso jenyi. Mwene Zambi kanalulika kulambula atu jenyi ngwe mulambu.

Zefania 3:11

Ha matangwa waze yenu atu jami hikunuchi kwivwa nawa sonyi mumu nwangukatukilile. Munguchiza akwa kulengumuka ni akwa kulizata eswe, kunuchi kungukatukila nawa ha mulundu wami wa chijila.

Zakaria 14:1

Tangwa lize Mwene Zambi makabatwila atu hiliakundama. Hohene akwa kole maakabuba yuma ya mu Yerusaleme, ni ye yuma maakayiteta ku meso jenu.

Zakaria 8:3

Mungukahiluka ku Yerusaleme, limbo liami lia chijila, ni kutwama mo. Maakalivuluka ngwo, limbo lia akwa kushishika. Mulundu wa Mwene Zambi Mukwa Ndundo Jeswe maakauvuluka ngwo, mulundu wa chijila.

Malaki 4:1

Mwene Zambi Mukwa Ndundo Jeswe kanambe ngwenyi: “Tangwa kulineza lize mulikabwa ngwe lutengo wa kahia. Mba akwa kulengumuka ni yingulungulu maakawema ngwe mwambu. Mitango ni miji niyimwe muyikasala.

Kwalula 10:2

“Fula yitavwi yaali ya kutatula ya prata ya kukungulula atu ha kuzula mazuwo ha musumba.

Kwalula 10:3

Muze maayimba yeswe yaali, akwa Chikungulwila eswe maakunguluka kuli yena ku chikolo cha zuwo lia kuwayila.

1 Korintu 14:8

Nyi mutu yoze wakwimba chitavwi cha jita keshi kuchimba chibema, iya malilulika ha kuya ku jita?

Filipu 2:12

Akwetu matangwa eswe nwangwononokenene muze nabwile hamwe nenu. Chibema nawa nungwononokene haliabwila muze yami chishiko. Senu tachi ni kumanununa ulamwino wenu ni woma ni kuchikima.

1 Tesalonika 5:2

Mumu yenwene nunanyingika kanawa ngwenu, Tangwa lia Mwene Yesu mulikeza ngwe mwiji ha ufuku.

Tiangu (Jake) 5:8

Ni yenu nawa lihumikizenu, litakamisenu, mumu Tangwa lia Mwene Yesu hiliakundama.

1 Petulu 4:7

Songo lia yuma yeswe hiliakundama. Bwenu ni manyonga waze analite, limukenu mu kulemba Zambi.

Usolwelo 6:17

Mumu tangwa lio lia utenu hilieza, mba iya mahasa kumana?”