Joele 1:9 - Mukanda Wa Zambi 1970

⁹ Kukushi mbuto chibwe vinyu yakulambula mu zuwo lia Zambi; mahako kaakulila mumu keeshi milambu ya kulambula Zambi.

MUKANDA USANDU WA ZAMBI 1975

⁹ Mulambu wa wunga ni mulambu wa kunwa hiyinapatuka mu zuwo lia Yehova. Asasendote, tuvumbi twa Yehova, kanalili.

Joele 1:9 Iomraidhean Croise

2 Sango Ja Mianangana 13:10

“Alioze yetu kwetu twakulingila Mwene Zambi, Zambi yetu, kutwamwehukile. Tuli ni mahako a ku vungu lia Arone, kaakulinga milimo yo, ni Alevi kaakwakwasa.

Kutuhuka 28:1

“Tambika yayenu Arone ni ana jenyi a malunga: Nadabe, ni Abihu, ni Eleazare, ni Itamare. Ahandunune kuli Aisraele hanga angulingile milimo ya uhako.

Izaya 61:6

Atu maakanunyingika ngwo, nuli mahako ja Mwene Zambi, tuvumbi twa Zambi yetu. Munukawaha ni ubite wa mavungu ni kulisamba ngwenu yili niyetu.

Lungungu 1:16

“Kashika meso jami anazala ni masoji. Niumwe Unahase kungulembejeka; niumwe wakuhi Unahase kungutakamisa. Akwa kole haangukumba; atu jami keeshi nawa ni yuma.

Lungungu 1:4

Majila kaakulila mumu niumwe uneza nawa ku zuwo lia Zambi ni kuwayila ha matangwa ja yiwanyino. Ana a mapwo kaanamono lamba, mahako kaanatu mikuma. Yikolo ya mu limbo hiyabwa yawashi, Zione kanayeke mbimbi.

Hosea 9:4

Mu yifuchi yize ya yilambala keechi kalambwila mo nawa milambu ya vinyu ni yitapo kuli Mwene Zambi yo. Atu maakalichisa ni yakulia yo ngwe yize akulia waze haafwisa. Muyaakwasa lume ha kuhwisa zala yo; alioze keechi kuyitwala mu zuwo lia Zambi.

Joele 1:13

Yenu mahako nwakulinga milimo ku yilumbilo. Zalenu mianji, lilenu! Yeenu mu zuwo lia Zambi nunongame ni kulila mumu kunushi ni mbuto chibwe vinyu yakulambula Zambi.

Joele 1:16

Makumbi heenyeka mbuto ku meso jetu. Uwahililo wakuhi mu zuwo lia Zambi yetu.

Joele 2:14

Tangwa likwo Mwene Zambi, Zambi yenu, malumuna kama manyonga jenyi, ni kunuwahisa ni mbuto yinji. Mba munuhasa kumulambula mbuto ni vinyu.

Joele 2:17

Mahako waze akulingila Mwene Zambi hakachi ka chilumbilo ni zuwo lia Zambi, chaatamba kulila ni kulemba ngwo: “Mwene Zambi, vwila kama atu je keke. Kanda utayiza mavungu akwo kutulelesa ni kutukekuna nikwamba ngwo: ‘Yolihi Zambi yenu?’ ”