Joele 1:2 - Mukanda Wa Zambi 1970

² Yenu tushinakaji a malunga kanyamenu, mutu mweswe mu Yuda, banjika. Hinunamono kama Chuma chino ha matangwa jenu chibwe ha matangwa ja tushakulu twenu, nyi?

MUKANDA USANDU WA ZAMBI 1975

² Panjikenu enu makulwana a malunga, ivwenu enu akwa chifuchi. Chuma chino te hichasoloka kama ha matangwa jenu, chipwe ha matangwa ja atatenu nyi?

Joele 1:2 Iomraidhean Croise

Jobe 12:12

Tushinakaji kaali ni mana, alioze Zambi kali ni mana ni ndundo. Tushinakaji kaali ni yinyingi, alioze Zambi kali ni yinyingi ni chiyulo.

Jobe 15:10

Yetu twatambwile mana kuli waze ali ni kambu jitoma, waze asemukine muze te tatenu kanda achisemuka.

Jobe 21:7

Mumu yika Zambi akutayiza yingulungulu kutwama kanawa ni kuheta ku ushinakaji?

Jobe 8:8

Hula kama hakutwala ku miaka ya tushakulu, zewula longeso lio.

Miaso (Masamu) 49:1

Banjikenu atu eswe a kuma kweswe;

Izaya 34:1

Tweyenu yenu akwa mavungu eswe! Kungulukenu, nubanjike. Hashi heswe ni eswe waze nwatwama mo, tweyenu nubanjike.

Izaya 7:17

“Mwene Zambi makakokela hali yena ni hali atu je, ni ha jiko lia wanangana matangwa a lamba waze kanda nuchimona kama chize ku tangwa lize wanangana wa Israele alihandunwine ni Yuda; Zambi makanukokela mwanangana wa Asuria.

Jeremia 30:7

Tangwa lia lamba hiliakundama; kukushi tangwa likwo lize mulilifwa nalio. Lili tangwa lia lamba lia atu jami, alioze keechi kwoonona liakulu.”

Jeremia 5:21

kanyamenu, yenu yihepuke ni yizuzuke. Nuli ni meso, alioze kunushi kumona; nuli ni matwi, alioze kunushi kwivwa.

Daniel 12:1

Kanganda ka mwilu yoze te unazala mahina atoma alefuna yamba ngwenyi: “Ha tangwa lize mwe Mikele, kanganda ka mwilu mukwa lutwe yoze wakufunga atu je, makasoloka. Ha matangwa waze lamba linji mulikabwa ko, lamba ngwe lize kanda libwa kama nilimwe tangwa chize kuze Zambi atangile atu hano hashi. Muze tangwa lize mulikeza, atu eswe a ku vungu lie waze anasonewa mu mukanda wa Zambi kumakaalamwina.

Hosea 4:1

Mwene Zambi kanasumu atu a mu chifuchi mulonga. Yenu Aisraele, banjikenu, yize anambe Mwene Zambi ngwenyi: “Mu chifuchi kumushi ululi ni zango; atu kaanyingikine Zambi.

Hosea 5:1

“Yenu mahako ja Zambi, banjikenu! Yenu Aisraele, ivwenu! Yenu akwa jiko lia wanangana, halakanenu! Yenu chatamba kubatula ni ululi, alioze eswe nuli ni uhiso! Hinwabwa muheto ku limbo lia Mizpa, ni Wanda wakuta ha mulundu wa Tabore,

Joele 1:14

Tambikenu Chikungulwila cheswe; kungululenu makulwana eswe ni Ayuda akwo eswe mu zuwo lia Mwene Zambi, Zambi yenu. Hanenu Shimbi ya kulitwamina kulia hanga nulile kuli Zambi.

Joele 2:2

Mulikabwa tangwa lia milima ni chinyengo, kwilu mukukalauluka ni malelwa bwii. Chizavu chinene cha tujita kaaneza ngwe milima hiyalitanda ha milundu. Chuma chino haanga te kanda chibwa kama, kuchichi kwiza kubwa nawa.

Amose 3:1

Yenu Aisraele, eswe waze Zambi hanaapulula mu chifuchi cha Egiptu, banjikenu maliji waze Mwene Zambi hahanjika hakutwala kuli yenu.

Amose 4:1

Banjikenu yenu mapwo a mu limbo lia Samaria, waze nunatoho kuhiana ngwe ngombe a Bashane. Nwakulelesa ni kubinjisa yiswale, nwakwambila malunga jenu ngwenu: “Nehenu tunwe.”

Amose 5:1

Aisraele, banjikenu lungungu yono ngunanulilila ngwami:

Mika 1:2

Ivwenu chino, yenu mavungu eswe; banjikenu, yenu akwa hashi heswe! Mwene Zambi manusuma mulonga. Banjikenu! Kanahanjikila mwilu mu zuwo lienyi.

Mika 3:1

Ivwenu yenu miata ja Aisraele! Chanutamba kuyula ni ululi,

Mika 3:9

Yenu miata ja Aisraele, ngubanjikenu yenu waze nwakuvutwokela ululi ni kwalumuna yibema kubwa yibi.

Mateu 13:9

Yesu yaweza ho ngwenyi: “Banjikenu kanawa, nyi nuli ni matwi!”

Mateu 24:21

Mumu ha matangwa waze lamba linji mulikabwa ko. Chize ku kutanga cha hashi ndoo musono uno lamba ngwe lize kanda lichibwa kama, ni kulichi kabwa nawa nichimwe ngwe lize kulutwe.

Usolwelo 2:7

“Yoze uli ni matwi, evwe chize Mwiku wa Linanga unambila Yikungulwila! “Kuli yoze makakumba mungumutayiza ha kulia mihuko ya mutondo wa mwono uze uli mu chipanga cha Zambi.”