Joele 1:18 - Mukanda Wa Zambi 1970

¹⁸ Ngombe kaanendangana ni kuteta mumu keeshi ni haze maalia; chibwe yendo ya mapanga kaanamono lamba.

MUKANDA USANDU WA ZAMBI 1975

¹⁸ Yimuna anatu mikuma Chichize! Matanga a yimuna kanapinji mumu kelo jakuhi. Chipwe yendo ya mapanga kanamono lamba.

Joele 1:18 Iomraidhean Croise

1 Yitanga Ya Mianangana 18:5

Mwe mwanangana yambila Obadia ngwenyi: “Tweya, tuye ni kwendangana mu chifuchi ni kwendesa mashima eswe ni yitwetwe yeswe, hanji mutuwana kama yambu ya kulisa tuvwalu ni yimbulu. Nyi ka, tushitu eswe kumaafwa.”

1 Yitanga Ya Mianangana 8:5

Mwanangana Solomone ni Aisraele eswe yaakunguluka kulutwe lia mushete wa Usendo, yaalambula mapanga ni ngombe anji, kaahashile ko kwaalula mumu yokele naye.

Jeremia 12:4

Chifuchi chetu ndoo tangwa lika muchuma? Mwambu wa mu minda yeswe ndoo tangwa lika muukoma? Tushitu ni tujila kaakufwafwa mumu ha ungulungulu wa atu jetu, e atu kaakwamba ngwo: “Zambi kechi kumona yize twakulinga.”

Hosea 4:3

Kashika chifuchi muchikoma chau, ni waze eswe atwama mo kumaakafwa. Tushitu eswe a mu yambu, ni tujila, ni yishi kumaakafwa.”

Joele 1:20

Chibwe tushitu a mu yambu kaanahwimashana kuli yena mumu yitwetwe ya meya hiyoma chau.

Amose 1:2

Mukwa munanyi wa Zambi Amose kanambe ngwenyi: “Mwene Zambi kanakulunguza ha mukinda wa Zione, liji lienyi linahiohio ku limbo lia Yerusaleme. Mwambu wa yimuna hiwoma, mashinde ha mulundu wa Karmele haachiluluka.”

Habakuke 3:17

Chibwe mitondo mikuyu ni vinyu ni olive yinafulwa mihuko, ni mu minda kumusolo kwima mbuto, chibwe mapanga eswe kaanafu, ni matanga a ngombe kaali awashi,

Hagai 1:10

Kashika vula kasolo kunoka ni Chuma nichimwe chinatatuka.

A-ROMA 8:22

Mumu tunanyingika ngwetu, ndoo haliabwila yuma yeswe yize Zambi atangile kuyakutwa mikuma nikumona lamba ngwe pwo yoze unaseme.