Joele 1:15 - Mukanda Wa Zambi 1970

¹⁵ Mama yami! Tangwa lia Mwene Zambi hiliakundama; tangwa lize Mukwa Ndundo Jeswe meza nikwonona. Mwongo kuhiana!

MUKANDA USANDU WA ZAMBI 1975

¹⁵ Mama yami! Lie tangwa! Lie tangwa lia Yehova hiliakundama. Muliza ngwe kwonwona cha kuli Mukwa-Ndundo-Jeswe.

Joele 1:15 Iomraidhean Croise

Miaso (Masamu) 37:13

Alioze Mwene Zambi kakuseha yingulungulu, mumu kananyingika ngwenyi, tangwa lia kwamwesa lamba hiliakundama.

Jeremia 30:7

Tangwa lia lamba hiliakundama; kukushi tangwa likwo lize mulilifwa nalio. Lili tangwa lia lamba lia atu jami, alioze keechi kwoonona liakulu.”

Jeremia 46:10

Lino lili tangwa lia Mwene Zambi Mukwa Ndundo Jeswe: mba himakala milonga; musono kumamwesa lamba akwa kole jenyi. Mikwale yenyi muyaalia ndoo muyikuta, muyinwa manyinga jo ndoo pwila muyihwa. Musono Mwene Mukwa Ndundo Jeswe kanalambula milambu yenyi, ku lwiji Ufrateze ku norde.

Ezekiel 30:3

Tangwa hiliakundama muze Mwene Zambi malinga; tangwa lia malelwa, tangwa lia lamba lia akwa mavungu.

Joele 2:11

Mwene Zambi kakutuma tujita twenyi ni liji lia tachi ngwe kukulunguza cha vula. Tujita twenyi waze anamwononokena kaali anji, kaali ni tachi. Lamba linji mulikabwa ha tangwa lia Mwene Zambi! Iya mahasa kujikiza?

Joele 2:31

Tangwa mulikalaa, ni kakweji makachila ngwe manyinga. Tangwa lia Mwene Zambi mulikeza, tangwa linene ni lia mwongo.

Joele 3:14

Tununu ni tununu kaali mu chikulo cha Ubatwilo. Mumu tangwa lia Mwene Zambi lia kubatwila atu hiliakundama.

Obadia 1:15

Mwene Zambi kanambe ngwenyi: “Tangwa hiliakundama, mungubatwila mavungu eswe. Yenu Aedome, yize nwalingile akwenu, ni yenu maanulinga yo. Maanuhilwishila yize nwahanyine.

Zefania 1:7

Tangwa lia Mwene Zambi hiliakundama lize Zambi mabatwila atu, kashika twamenu kuluu ku meso jenyi. Mwene Zambi kanalulika kulambula atu jenyi ngwe mulambu.

Tiangu (Jake) 5:9

Akwetu, kanda nulinyenyeta ni akwenu. Nyi ka, Zambi makanuhisa. Ngaji hakundama, kali hakamwihi ni kunjila!

Usolwelo 6:17

Mumu tangwa lio lia utenu hilieza, mba iya mahasa kumana?”