Joele 1:14 - Mukanda Wa Zambi 1970

¹⁴ Tambikenu Chikungulwila cheswe; kungululenu makulwana eswe ni Ayuda akwo eswe mu zuwo lia Mwene Zambi, Zambi yenu. Hanenu Shimbi ya kulitwamina kulia hanga nulile kuli Zambi.

MUKANDA USANDU WA ZAMBI 1975

¹⁴ Liselenu tangwa lisandu lia kulitwamina kulia. Tambikenu chikungulwila chilemu. Kungululenu makulwana ni akwa chifuchi eswe ku zuwo lia Yehova Zambi yenu, nukatete kuli Yehova.

Joele 1:14 Iomraidhean Croise

1 MIANANGANA 10:20

Mba Jehu yahana Shimbi ngwenyi: “Hisenu tangwa lia kuwayila ni kulemesa Bale.” No yaatongola lie tangwa.

2 Sango Ja Mianangana 20:13

Malunga eswe ja Yuda, hamwe ni mapwo ni ana jo, te kaanamana kulutwe lia zuwo lia Zambi.

Nehemia 8:18

Chize ku tangwa litangu lia chiwanyino ndoo ku tangwa ha kusula te kaakutanga Chihanda cha Shimbi ja Zambi. Yaafunga chiwanyino matangwa shimbiali. Mba ha tangwa ha muchinake yaalikungulula ha kumanununa chiwanyino, ngwe chize chasonewene.

Estere 4:16

“Yako ukungulule Ayuda eswe a mu Shushane. Alitwamine kulia ni kungulembela kama. Kanda nulia chimwe Chuma hanji kunwa matangwa atatu. Ni yami ni tuvumbi twami a mapwo mutulinga nawa chizechene. Mba munguya kuli mwanangana, chibwe kuchalitele ni Shimbi. Chibwe kufwa, mungufwa.”

Jeremia 14:2

“Yuda kanalili; yihunda yenyi yinafu, atu jenyi kaanabombo hashi ni kulinyenga, Yerusaleme kanakololoka hanga amukwase.

Jeremia 36:9

Ha kakweji wa muchilivwa wa mwaka wa muchitano wa kuyula cha Jehoakime mwanangana wa Yuda, atu yaalitwamina kulia hanga Mwene Zambi eevwile kama keke. Atu eswe waze te atwama mu Yerusaleme ni waze ejile ku membo ja Ayuda yaalitwamina kulia.

Joele 1:2

Yenu tushinakaji a malunga kanyamenu, mutu mweswe mu Yuda, banjika. Hinunamono kama Chuma chino ha matangwa jenu chibwe ha matangwa ja tushakulu twenu, nyi?

Alevi 23:36

Tangwa ha tangwa ndoo matangwa shimbiali chanutamba kulambula mulambu wa yakulia. Ha tangwa lia muchinake nukalikungulula nawa ha kuwayila ni kulambula mulambu wa yakulia. Lili tangwa lia kuwayila, kanda nukalinga ho mulimo niumwe. (

Yona 3:5

Aninive yaafuliela liji lia Mwene Zambi. Yaabatula ngwo, mutu mweswe ajile kulia, atu eswe, chize kuli pichi ndoo kuli yiswale, azale mianji ha kusoloka ngwo, haalumuka ku mbunge.

Yona 3:8

Atu eswe azale mianji ni yimuna eswe aajike mianji. Mutu mweswe chamutamba kulemba ni umwenemwene kuli Zambi ni kwecha ungulungulu ni ungalwe.

Zefania 2:1

Yenu vungu lize kunushi sonyi, kungulukenu, nyongenu